Sambung ba tusun ke 14
Udah sida Jovi sebilik ngirup kopi pagi nya.. Mila alu madah kediri ke nemuai ngagai bala Apai indai iya ke semunjan.. Entua Mila nadai mayuh jaku nang sigi dasuh sida menyanak nemuai kin... Apai jovi lalu bejaku nanya ke Jovi enggau ke enda... Jovi madah ke diri enggau bini anak iya kin... Enti jovi madah ke diri enda enggau, Apai iya sigi alu ka bejaku tadi nganu Jovi nama kebuah enda enggau bini anak iya nemuai ngagai bala entua jovi kin.. Jovi alu jampat madah ke diri enggau bini anak iya tadi...laban jovi irau ke bini anak iya bejalai kediri kin..agi pan menua sida bini iya jauh, ukai tak semak menua kin pia ko jovi madah ba apai iya tdi..pia meh anak, anang ngelak ke bini anak nuan kediri aja kin...Jeguk meh bala entua nuan din, kasih ke tudah lama enda meda uchu tu..sekumbang uchu tu ada.. Nadai kala kin seduai mai uchu nemuai ngabas Akik enggau inik iya din...pia ko jaku apai jovi bejaku madah ke jovi enggau Mila.... Udah Apai Jovi bejaku enggau sedua iya melaki bini.. Apai jovi lalu angkat ka ke ruai.. Mila alu angkat ngumpul utai udah kena ngirup pagi..
Jovi alu angkat mai anak iya ke bilik besai..sementara ke nganti bini iya Mila tembuk gawa ba dapur, Jovi meda anak iya dulu. Mila bebasu ke gelas, ni utai ke bisi kamah semua di basuh Mila magang... Udah Mila tembuk mela utai bs dapar... Mila ka nyapu ruai enggau bilik besai dulu.. Mila alu nyapu ruai,udah tembuk ruai disapu.. Mila alu nyapu bilik besai nyentuk ke bilik panking sida habis disapu Mila.. Udah tembuk nyapu baru Mila meri anak iya mandi dulu.. Mila alu ngambi anak iya ari Jovi laban ke meri anak iya mandi. Udah anak iya mandi, digarik semua..baru Mila empu mandi..udah Mila mandi, Mila pan alu begarik laban sida deka mupuk ke kuching.. Udah sida tiga menyanak tembuk begarik, Jovi.. Jovi minta apai iya nganjung sida ke whaft Express.. Ninga Jovi minta anjung,Apai Jovi alu masuk ke baju nganjung bala menantu anak iya ke Whaft Express... Datai ba Whaft Express sida Jovi menyanak alu nepan Express laban Jam Express cun cun deka bekejang,nadai sempat endur sida Jovi ulih bebeli ke barang bai pulai ke kuching.. Udah sida nepan magang, Express alu myupuk bekejang ke kuching...
Sepemanjai bejalai nepan Express..Mila tinduk, Jovi mangku anak iya...Kira 4 jam nepan Express...Sida pan datai ba Kuching... Datai ba pasar kuching, jovi ngiga pribit kena sida pulai ke Semunjan... Sebedau nya sida tiga ngetu ba kedai makai dulu.. Laban ke lama nepan express perut enyau berasai lapar, dia sida tiga menyanak makai dulu sebedau mupuk ke semunjan..udah sida makai baru Jovi ngiga pribit baru.. Udah tetemu ke pribit sida tiga alu mupuk bekejang ke semunjan... Kira pejalai 2jam lebih sida Mila menyanak datai ba rumah panjai sida Mila di pantu.. Datai ba rumah sida Mila dia Apai enggau Indai Mila.. Gaga amat ati meda bala Anak menantu enggau uchu seduai iya bisi datai.. Indai Mila alu ngambi uchu iya Jenniesia... Jenniesia alu nyabak dambi inik iya laban ke takut ke inik iya.... Mila enggau Jovi alu tama ke bilik mai barang ke dibeli ba pasar kuching tadi.. Datai ba bilik sida menyanak alu betunga ba dapur... Indai Mila alu besegaut deka ngaga ai ke bala anak menantu iya ke baru datai... Mila enda ngasuh indai iya gagau deka ngaga ai... Eahh nya Dom ka ngirup ai deh pia ko indai Mila nyaut jaku Mila nya tadi..
Mila madah ba indai iya, sida udah makai ba pasar kuching tadi.. Ninga Mila madah munyi nya.. Indai Mila enda iya peduli ke jaku Mila..gaga iya aja ai.. Indau Mila alu ngenah ke sida sebilik ai kopi.. Dia apai Mila alu, betanya ba Sida menyanak pukul berapa sida Mila mupuk ari menua din tadi.. Jovi alu nyaut Entua iya.. Jovi madah ke diri sida mupuk ari Rumah tadi kira pukul 10..laban ngena Express kul 11 tadi..lama enda pulai kitu enyau lain asai pia ko mila madah ba indai iya.. Eahh nuan ga lama udah ningal ke menua ni enda lain peda nuan..ko indai Mila nyaut Mila.. Apai Mila alu nanya ke berita bala isan iya ga ba menua din, Nama berita ba isan ko apai Mila betanya.. Jovi alu nyaut entua iya ke laki.. Manah berita Apai enggau Indai din, pia ko jovi nyaut entua iya ke laki...Au....manah meh nya...sida sebilik berandau, enda lama datai ga ayak enggau ibuk Mila, ninga nyawa Mila seduai laki bini datai kia agai bilik sida mila..alu betunga meh sida ya berandau betanya ke berita pangan diri... Enda lama datai siku..lama lama enyau mayuh mayuh bala ayak ibuk mila datai
Lama lama enyau sekut dapur endur bala betunga dia...pengujung sida pindah agai bilik besai kin betunga...selemai lemai nya bala betunga enggau Mila laki iya jovi...Kira pukul 7 baru bala bukai pulai ke bilik diri empu.. Sida Mila sebilik pan enyau laun ka makai malam nya.. Udah orang nadai magang ba bilik sida iya... Mila ke dapur berenah makai..udah Mila tembuk nyendia ke pemakai..Mila ngagau ke apai ngau indai iya makai.. Jovi pan alu angkat mai anak iya makai.. Sida Mila sebilik alu makai meh dia, belauk kasam Babi ulih apai sida Mila ngasu...Maya ke makai dia Mila alu, madah ke hal iya ba menua laki iya din bisi penusah datai ba iya empu.. Dia apai enggau indai Mila lalu nanya nama hal Mila din.. Mila alu madah ke diri bisi buya sawa enggau Enturun.. Mila alu madah ke diri dipelian ke bala sida entua iya din kira sari udah belian Mila meh ga madah ke diri ba betis Mila bisi tisik Ular..malam nya mata ngai tetinduk sampai enyau enda berasa Mila madah ke diri bemimpi ke niang Akik Tuai sida ke dulu suba nyadi Bunsu Sawa ba menua orang din...sampai ke semua utai pemali abis dipadah ke Niang Akik Tuai sida iya suba.
Sambung Ba Tusun ke 15
