Sambung ba tusun ke 25
Jovi, meda Mila enyau gegenong baka orang ke luput, mata enyau ngelanit baka orang ke luput, Jovi lalu negur nguyap Tubuh Mila.. Sepi Jovi tubuh Mila enyau chelap, tang tubuh Mila bepeluh.. Dia Jovi lalu ke nama Mila enggau nangka pemesai ya nyawa Jovi ke ngangau ke Mila sampai didinga entua iya ba bilik panking sepiak.. Tiga kali Jovi ngangau ke Nama Mila...Mila nadai nyaut lalu... Mata Mila aja enyau pepelik ngelanit. Apai enggau indai Mila ninga nyawa Jovi besai ngangau ke nama Mila, seduai iya laki bini lalu angkat terus ngagai bilik panking seduai Jovi.. Datai seduai laki bini dia, sekali meda Mila luput enda nemu utai... Meda Mila bakanya indai iya berumban begiga ke kain chelom alu ngambi telo sigi. Ka dikena iya miau nepas Utai ke jai ba tubuh Mila.. Datai indai Mila ngambi Kain chelom enggau telo sigialu terus dibiau ba pala Mila tujuh kali serta terus ditepas iya ba tubuh Mila. Alu terus dipecah ke iya telo sigi ba Punjung pala Mila. Alu pudu ba mua Mua bila.. Serta iya mudu mua Mila enggau telo tadi.. Dia sida meda mata Mila bisi pejam encelak... Agi bisi pengampun orang ngagai Endun Mila deh.
Pia ko Apai Mila bejaku enggau Jovi.. Mila pan enyau sedar.. Baru Mila nemu diri luput meda sida indai enggau apai iya biDri dia.. Indai Mila alu betanya ba Mila..
##Endun....!! Nama nuan luput tadi maya orang nya datai ditu endun..pia ko indai Mila betanya ba Mila... Mila lama enda nyaut jaku indai iya laban agi lemik tulang.. Mila gali dulu enda dapat nyaut indai iya asai Mila. Kebendar iya Mila agi Takut meda mua Antu Bunsu Enturun tadi..laban semina Mila aja ulih meda orang nya tadi maya sida nya ke bisi datai nilik Mila. Nya meh ngasuh Mila luput tadi laban enyau kelalu takut. Pemuas udah ati Mila bisi berasai lantang, Baru Mila bejaku minta ai irup.. Jovi lalu jampat ngambi ai irup lalu disuak ngagai Mila, Mila angkat baru laban deka ngirup ai. Udau Mila Ngirup ai,baru seput Mila bsrasai lantang agi udah ngirup ai. Baru Mila deka bejerita ba sida sebilik nama kebuah Mila tau luput..
####Jaku Mila#####
Indai Apai...bisi seduai ninga utai bebunyi seduai Apai tadi indai. Maya utai nya ke bebunyi.. Aku ngasuh Apai Endun dasuh aku merap endun, nyadi aku duduk mangku pireng ampun kitai lemai tadi
Maya orang nya datai,ba menua kitai ditu, sida bisi merong munyi uduk..sida datai bisi 7 iku, ketujuh ari sida iya. Iya endang sigi ngiga aku. Sida datai sigi deka ngambi aku enggau sida pulai ke menua sida iya din.. Tang laban kitai udah dulu ngaga pireng ampun, nya alai sida nangka ujung tanju ruai enggau nangka ujung tanju dapur..lalu siku ketuai sida iya nemu aku bisi ba bilik ditu, iya alu nilik begadai gadai nuju aku ke benong megai pireng.. Enggau ati ti takut aku megai pireng ngelaban iya. Meda aku bakanya dia ketuai diku ari Antu Jelu Enturun nya Merung tujuh kali pedis ati enda bulih ngambi aku.. Udah ketuai ari Antu Jelu nya merung... Dia iya merung baru, mai bala iya pulai. .. Jangks iya madah kita bisi pireng ampun kini... Anang ngacau bala anak mensia kini ko sida iya. Laban kitai sama bela enda nemu jaku Antu.. Mila nusoi ke jerita iya ngagai sida sebilik ke bisi dia.. Ninga Mila munyi nya, dia apai Mila madah ke Mila.. Pireng ampun ya ke dipegai Mila nya tadi, tau ke ba tanju ruai tauke ba ujung tanju dapur. Enda tau dibuai bedau cukup Tiga hari..Tiga malam
Udah cukup tiga hari.. Tiga malam baru pireng tau dibuai.. Maya ke muai pireng pan enda tau dibukai.. Dini alai pireng di engkah, dia alai kitai muai.. Pireng ke bai nuan tinduk nya ila buai nuan ujung bilik... Maya nuan muai pireng misti ka besampi.. Ngambi kitai badu dikacau dikeregau sida iya agi..pia ko apai Mila madah ke Mila enggau bini iya ke benung ngurut belakang Mila. Ninga Apai Mila Munyi nya,dia indai Mila nyambung Jaku laki iya tadi.....###Jaku Indai Mila###
Endun..Mila.. Udah tu ila anak.. nuan badu agi enggau orang bepakai ke utai ngapa ila. Laban kitai Endun mayuh pemali.. Utai tu udah nyadi ba tubuh nuan...Anang enda arap agi nuan Endun.. Anang agi makai...nupi enggau buya pan enda tau.. Nuan pia ga Dom.. Nuan udah nampil kami ni jelu ke enda tau kami, nuan anang enggau orang makai agi... Penusah ukai pulai ke orang..pulai ngagai kitai empu.. Manah Antu agi ulih ngampun ke Endun...laban petara agi ka nyangkung... Enti petara enda nyangkung deh.... Enda kitai mati...gila..nya reti pemali tu Dom... Pulai seduai endun ila Dom...datai ba menua kita.. anang enda madah ba apai enggau indai nuan Dom..
Nyentuk ke pinggai Mangkuk peruk ke udah kena kita...buai magang.. Kereban pinggai mangkuk agi ulih beli kitai, laban mayuh jual ba kedai dipasar...Tang enti nyawa deh sepair ba pasar..ko jaku indai Mila madah ke mebantu iya jovi enggau anak iya Mila. Mula ninga indai iya munyi nya, meliar ai mata tudah Mila. Ngenang pemerinsa pengidup diri, dikeduan Antu enda peiga iga. Dia Mila alu bejaku enggau Indai iya.. ####Jaku Mila####
Indai.... Nyema ila indai enti aku bisi nenama... Kita ila indai anang nyalah ke laki aku tauke bala sida Entua aku.. Laban utai tu ukai ga bangat di sengaja ke sida iya... Kita suba nadai madah ke pemali ari ari kitai mula tua Apai Endun Jadi suba..sida enti nemu enggai meh sida makai..sapa ka ke penusah utai ti baka tu..Din dimenua sida, bendar tudah begiga ke manang..beliau dambi sida ngubat aku...nadai siku ke bisi ngasi... Utai ke sebut sida sengapa utai.. Meda ke utai lalu enda berubah.. Dia Entua aku keindu enggau kelaki ngasuh tua Apai Endun kitu madah ke seduai Apai pasal hal utai baka tu... Nya meh kebuah kami duai Apai Endun kitu,pia ko nya indai.. Mila nusoi Jerita sida ba menua bala sida Jovi.
Sambung ba tusun ke 26
