Sambung Ba Tusun ke 28
Nya ko Bundu Enturun Bejaku, enti nyema aku tepakai ke isi sida iya.. Penyalah aku digi nadai ulih diampun ke sida agi.. Sida deka bebalas biar darah dibalas enggau darah.. Tang laban aku enda makai isi Jelu Enturun, penyalah aku agi ulih dampun ke sida...pia ko jaku Antu Jelu Bunsu Enturun bejaku enggau aku.. Nya alai mata aku ngelanit dipeda kita..laban dalam mimpi aku din, aku kelalu takut ke iya.. Besai tinggi sereta jaie gamal dipeda aku ba mimpi.. Nya aku baka ke luput dipeda kita dimenua.. Bunsu Enturun udah iya bejaku enggau aku.. Tiga kali iya megong, sekelip mata aku lalu nadai tepeda ke iya agi..
##### Mila nusoi semua mimpi ba sida Indai..Apai enggsu laki iya Jovi malam nya.. Meda Mila udah ulih ngelala sida Sebilik lalu terus nusoi mimpi iya.. Dia aspai Mila bejaku.
###Endu Mila.. Enti mimpi nuan nya udah nyata munyi nya,ingat ke endun seduai laki nuan anang sekali kita sebilik puni "Buya" Jelu Enturun..laban utai nya pemali besai kitai.. Udah manah sida ngampun ke nuan sekali tu endun.. Laban petara agi malik ke mua.. Nya alai utai tau tabar magang, agi pan kitai lemai tadi udah ngampun ngagai sida iya..
Udah tu ila badu meh antara sida iya enggau kitai bekacau ke pangan diri enti kitai sama bela enda puni "Buya"pangan diri... Ingat ke pemali kitai endun.. Anang enda percaya ke pengarap lama..pentie pemali ari niang Aki inik kami kelia. Nyentu ke tusun temurun kita sampai datai ba tubuh kita utai tu agi ka nyadi... Nuan Dom bakanya..nama utai ke enda tau kami, nuan anang makai laban seduai Endun Mila udah bisi anak.. Datai ba menua kita din ila...padah ke ngagai apai indai nuan nama utai ke enda tau kami.. Diatu nuan empu ga meda bakani utai nya ngacau Endun Mila.. Jelu Nyumbuh enggau Empeliau pan kami enda tau makai Dom....
Udah Apai Mila badu bejaku enggau sida sebilik.. Jovi enda memunyi ninga jaku ajar Entua iya kelaki.. Sida sebilik pan udah nya madah kediri ka nyambung tinduk baru.. Apai enggau indai Mila lalu tama kebilik seduai iya empu.. John lalu nolong mila ngangkat ke anak seduai ke benong tinduk melintang.. Jovi ngasuh Mila tinduk dulu..Buntau udah jam maya tu pia ku Jivi madah ba Mila.. NInga laki iya Jovi munyi nya, Mila lalu ngambi bantal pala gali ngerimbai anak iya Jenniesia
Jovi lalu ngerimbai bini iya gali ba tisi....Enda berasai Jam pan enyau udah ngalih ke pagi, kira pukul 3.30 pagi..Sida Mila sebilik pan tinduk magang, Enda berasai ke tinduk. Jam pan udah pukul 6 pagi. Sida Mila sebilik bedau dani magang laban ke agi buntau malam tadi.. Semadi tudah indai Mila angkat jam pukul 6.30 lalu. Indai Mila lalu nangal ke ai angat kena ngaga kopi pagi nya. Iya pan lalu nangal ke asi sekali.. Ai angat pan udah gesak, indai Mila lalu ngulai kupi dirup pagi.. Udah indai Mila tembuk ngaga kupi, Enda lama Apai Mila pan enyau angkat.... Dani apai Mila pagi nya, udah beberus ngeli enggau nuchi mua. Apai Mila nurun ke baruh meri bala sida jani enggau manuk makai pagi.. Udah meri manuk bala sida jani makai, Apai Mila pulai ke rumah lalu terus bebasuh ke kaki jari ba paip tisi tong deram. Udah nya Apai Mila baru duduk deka ngirup kupi .. Dia seduai Apai enggau Indai Mila sama bela ngirup kupi.. Seduai melaki bini enyau bekenang ke utai ke ngacau Mila.. Amat tak nyelaie udu...Seduai laki bini pan nadai kala meda utai bakanya... Umur enyau udah tuai enda kala utai nyengenda..
**Hari pan udah pukul 7.30 pagi, Jovi baru angkat lalu merap anak iya pansut ke dapur.. Dia Jovi ngasuh anak iya Jenniesia duduk ngerimbai Aki iya, laban deka beberus enggau nuchi mua.. Ngaga diri enggai leka ga Jenniesia ari Apai iya Jovi.. Laban ke enggai Jauh apai iya.. Indai Mila nguji deka ngambi uchu..merindang Jenniesia enggau kuie.. Nya baru Jenniesia deka dambi inik iya.. Baru Jovi ulih nuchi mua.. Indai Mila enggau uchu iya,besapik ke kuie maya ke ngirup kopi pagi.. Rindang mih tudah Jenniesia enggau inik duduk makai kuie.. Jovi baru udah tembu masu mua iya.. Lalu duduk betunga enggau entua iya ke indu enggau ke laki.. Dia jovi lalu nyalin ke diri ai kupi.. Apai Mila nanya ke Mila ba Jovi.. Bakani gaya Mila diatu..sekali bisi nenama tauke nadai.. Jovi nyaut entua iya ke laki.. Madah ke Mila nadai ga Nenama.. Semina ke agi lemik tulang, buntau nya alai iya bedau ka angkat ko jaku jovi nyaut entua iya ke laki.. Legi nganjung ke iya ai.. Angka ka ngirup ai.. Asuh gali dulu mih iya..anang guai angkat ..pia ko apai Mila bejaku enggau Jovi.. Jovi mina nyaut "Au" aja...udah jovi ngirup ai.. Jovi ngaga ke Mila Milo segelas besai.. Baru jovi nganjung ke Mila Ai Milo.. Mila semadi ka angkat digerak Jovi ngirup ai.. Asai Mila pala iya pedis.. Mila nanya ke ubat ba Jovi.. Jovi nyaut madah nadai ubat..ninga Mila madah pedis pala.. Jovi lalu minta ubat panadol ba Entua iya..
***Indai..bisi ubat panadol nuan indai, Mila madah kediri pedis pala. Semadi iya ka angkat digerak aku diatu..madah ke diri pedis pala iya.... Jovi madah ba entua iya.. Dia entua iya ke indu ninga jovi minta ubat.. Entua iya lalu nyuak ke ubat panadol sekeping ngagai jovi.. Jovi pan mai ubat nya ngagai Mila ke bilik tinduk sida menyanak. Jovi lalu neri Mila ubat enggau ai amat kena Mila makai ubat.. Dia Jovi lalu nanya Mila...
***Indai Endun....kati baka asai nuan bisi enda ka sakit tubuh nuan.. Enti nuan enda nyamai asai isi..gali dulu ga nuan indai endun...ngetat ke diri dulu... Enti nuan asai ka makai,legi aku ngasuh indai manduk bubur ke empa nuan. Anang guai angkat nuan ti asai agi berat pala, enggai ke nuan nenama legi.....
###Ninga Jovi munyi nya Mila lalu nyaut Jovi..####
***Jaku Mila*** Aku nadai sakit bukai, semina pedis pala aja..pia ko Mila nyaut jaku jovi
Sambung ba tusun 29
