Tusun ke 15
Semua penti pemali kitai ke enda tau purih ari semua kaban belayan kitai.. Di sebut Niang Akik Tuai kitai kelia ba aku magang.. Alu siti agi penguji diberi Niang Akik ba aku, Ya nya aku enda tau merakak tubai randau.. Enti nyema aku teperakak ke tubai randau..Aku enggau laki aku enda tau beranak laki.. Enti aku beranak ke anak laki.. Enda aku mati, anak aku ga mati..laban aku kelalu mayuh darah pansut alu ngejung ke nyawa aku lesi.. Pia ko jaku Niang Akik Tuai madah ke aku, lalu pia meh ga apai, indai...enti aku bisi nenama kita anang nyalah ke sida Entua enggau laki aku..laban sida ukai enda kiruh ke aku.. Aku ke enggai ngasuh sida kiruh... Bala Entua aku cukup mrntas enggau aku.. Aku ke ka kitu seduai iya meh ngasuh aku kitu.. Enti nitih Entua aku ke laki enggau Apai Endu aja ka kitu.. Tang laban aku enyau bemimpi munyi nya Entua aku ke laki enda enggau..... Jaku Mila madah ke bala Apai enggau Indai iya... Ninga Mila nusi utai ke nyelaie, Apai enggau indai Mila pan berasai takut ninga berita nya.. Nadai kala utai nya nyadi ba tubuh kitai mensia..
###Apai Mila alu nyaut Mila....##
Ba tubuh kitai tu nang sigi bisi pemali besai... Nuan tu Endun enti ba sida entua nuan din.. Anang sekali kali makai ba sebelah orang bukai.. Amat sida ba ari entua nuan...ukai bejaie sida bala ari entua nuan endun.. Kitai tu laban mayuh pemali enda tau empa... Anang ka makai..megai..nupi..tauke makai.. Buya pemali kitai enda tau.. Nya ngambi kita nemu..keteladan kita ke agi idup ba dunya ngambi seduai laki bini madah ba bala anak uchu seduai jemah ila.. Anang agi nuan nya buya endun.. Aku suba nembak ular sawa ketegal ya makai anak babi kitai ba ujung bilik.. Besampi dulu aku sebedau munuh iya...ukai aku mungkal nanjal iya ka munuh iya.. Iya laban dulu ngereja ke utai kitai, nadai salah kitai munuh iya.. Malam dambi aku mimpi iya.. Dia aku alu bemimpi ngambi Niang Akik Tuai Nuan nya meh Endun.. Peda aku baju Niang Akik Tusi nuan enyau bska gari utai habis carik... Dia aku alu betanya ba Akik nuan..nya koaku nyebut ba dalam mimpi..Apai..nama baju nuan Apai habis carik.. Akik nuan alu nyaut aku.. Enggai nyadi enda habis carik baju aku..kena tembak nuan lemai kemarik..pia ko Niang Akik Tuai nuan madah ke diri..dia aku nemu Niang Akik nuan nyadi sawa.. Aku pan alu nyebut ba Niang Akik nuan.. Apai pia koaku..nama nuan ke ngacau anak babi aku demalam, aku ukai sengaja ke nembak nuan Apai.. Nuan ga makai anak babi aku... Aku nie nemu nuan ke nyadi sawa... Ya ga sawa peda aku deh nya meh aku nembak.. Enti aku nemu nya nuan Apai nadai aku ka nembak nuan..pia ko aku endun bejaku enggau Akik Tuai nuan... Dia Niang Akik nuan alu madah ke aku..ko Niang Akik Nuan..Dom..Aku meh ke nyadi ular sawa...laban aku kelia ditolong Bunsu sawa,nyalai aku nyadi sawa..lalu pia meh ga Dom...purih pantih kitai enda tau makai..nupi tau ke munuh sawa enda tau..Anang agi ti buya.. Pan enda ulih...laban nya aku ke nyadi sawa.. Enti purih kitai bisi makai..munuh tau ke buya sawa...Enda gila...kita tau mati.. Nya enti ulih kita anang makai sawa..ingat ke pesan aku..Enti kita ngelangar pemali..kita tau baka aku..pemarai kita nyadi sawa.. Tu baik nasib nuan bejaku dulu sebedau nuan nembak aku.. Enti enda pia nuan pan baka aku..
Nya enti ke agi nuan ila anak..enti nuan meda sawa anang munuh iya nuan..Ukai pan aku..tang sida bala rayat ari aku magang.. Enti sida iya enda ngacau utai nuan..nuan anang munuh sida ngapa..besampi aja nuan enti bisi meda sawa..enti sida makai utai tupi tauke ngacau nuan,baru nuan tau munuh sida iya....nya jaku Niang Akik nuan madah ke aku maya aku ngambi Niang Akik nuan mimpi suba..pia ko Apai Mila bejerita ba Mila enggau Jovi,benong sida ke makai malam nya..,jaku Apai Mila alu disambung indai Mila.. Indai Mila meh alu madah ke Mila enggau Jovi..indai Mila alu bejerita... Endun....kitai tu ukai siti aja pemali anak..mayuh pemali ke enda tau kitai..Enturun..Burung tiong..Empeliau enggau jelu nyumbuh utai enda tau.. Enturun...enti kitai makai tauke buya jelu Enturun..kita tau ditunang jelu enturun..laban jelu enturun tu kelia..siku ari jelu ke nemu munuh tauke nunang orang..laban sida setengah jelu..setengah mensia..nyalai jelu enturun nemu nunang kitai mensia pia ko jerita sida niang inik nuan endun..Burung tiong bai kitai enda tau..laban agi kelia sida niang akik nuan.. Udah ditulung burung tiong..Burung tiong laban nemu bejaku madah ke musuh bisi ka datai..jelu Nyumbuh enggau Jelu Enturun pan sama, seduai iya udah nulung niang aki nuan ke tesat ba kampung kelia..Enti seduai iya enda madah ke Niang aki nuan ke tesat..sampai ke diatu Niang aki nuan enda nemu jalai pulai..Ari nya sida bejanji enda tau bekacau ke pangan diri..enti kitai mungkal sida tauke makai jelu nya..kita ka gila lalu di bai sida ke kampung,dia kitai enda nemu jalai laban udah dilalai dibai antu jelu Nyumbuh enggau jelu
Nyalai kitai enda tau bunuh,makai ngau nupi burung tiong,endun.. Tu pemali kitai udah datai ba tubuh nuan..Utai tu nadai ulih di tabar kitai laban udah buya... Utai buya pedis kitai ka nemu... Dini nuan buya..Enti ba bilik kita, ukai kelalu jaku aku Dom.. Tau dibuai kita semua utai lama ke udah dikena kita.. Mua mata nuan empu ga meda nama utai nyadi ba bini nuan.. Nuan pia Endun, enti nuan begulai enggau orang.. Anang kepapa ka makai utai.. Enti nuan bejalai ba tanah, anang nuan malik ke bukai, enggai ke nuan teperakak ke pemali nuan.. Nya pengambis iya penguji ba nuan endun..udah nya ila tusah nuan ila endun.. Anang enda ingat ke pesan Niang Akik Tuai nuan... Indai Mila bepesan amat amat ba Mila enggau Menantu seduai iya Jovi..
Sambung ba tusun ke 16
