انتقام

حلقة 10

#انتقام
حلقة (( 10 ))
للكاتب/ محمد مالك
.
.
.
.
شوية مستوعبتش الا ضربتني ع وجهي بوكس

خشمي طول قعد ينزف
وسكرت باب في وجهي

ااه شديت خشمي وتكيت ع سيارة
طلعت كلينكس وقعدت نمسح في الدم عطتني ضربة ماهو ضربة

قعد راسي صداع معرفتش ليش تصرفت هكي
شوية ورجعت قعدت نطق ونخبط مفيش اي رد

تكلم فيا مرآة من وراء الباب

مراة: امشي راه يجو خوتها يقتلوك امشي
امواج: نبي نكلمها بس شوية ونمشي
مراة: وشن بديري بيها
امواج: حتا اني ضحية مراد

مراة سكتت شوية هكي وفتحت الباب

خشيت

مراة كبيرة في السن واضح عليها امها

ام افنان: تفضلي يا بنتي

خشيت قعمزت حوش كأبة وغم القلب لا توصف فيه حسيت بشعور اخى بكل لما خشيت مستريحتش

ام افنان: شن تشربي
امواج: لا والله ما نبي حاجة بس نتكلم معا افنان شوية بس

ام افنان: لازم نضيفوك كيف وسامحيها ع ضربة بس سمعت اسم الشيطان اعوذ بالله منه

يعني شوف مراد كم مدمر حوش كم قاتل حياة بنت اصبرت شوية وجت افنان ومعاها القهوة

واضح عليها معقدة نفسيآ او هكي تصرفات مش طبيعية بكل
قعمزت ونزلت راسهااا تشوف ف الارض ؟؟

امواج: افنان

افنان..عيونها غارقات دموع: بالله عليك سامحيني ما قصدي بالله عليك اسفة بالله عليك

امواج: لا عاادي كلنا راكب فينا الرعب منه

افنان..تمسح في دموعها والله بنت ما طبيعية كيف تتصرف

امواج/ اسمعي يا افنان اني بنت انظلمت من الانسان هاده زيني زيك بس انتي اكثر وحدة انضريتي ع حد علمي لهذه السبب جيتك اني عندي خطة بنقتل مراد حبيت نقترح عليك لو بتنتقمي

افنان: اه قتل لا لا منقدرش اني لالا نخاف نشوف اصلا لالا لا لا لا منقدرش اني منقدرش لا لالا لا

امواج: به خلاص هدى اعصابك وريحى روحك

خشت ام افنان

ام افنان : بالله شن اسمك يا بنتي
امواج: اسمي امواج
ام افنان: اهو هاده حالها من يوم ما صارت ه العملة قعدت ف هالحوش لا زواج لا شئ وعقلها طاار منهاا بكلل
امواج: لا حول ولا قوة الا بالله
ام افنان: شن دارلك ه الكلب هاده
امواج: سبب موتت بابا ودمرلي حياتي
ام افنان: اعوذ بالله منه والله كل صلاة ندعى ربي ياخد فيه الحق وبنت امها الي تقتله وتعذبه والله
امواج..ابتسمت: ربي ياخد فيه الحق ان شاء الله
ام افنان: امين يارب العالمين
امواج:اني سمعت بي افنان حبيت نطمن عليها ونتواصل معاها لان في قسم مشترك بين بعضنا