نصيبي 😻(منقوله )

5

#نصيبي

الحلقـ5️⃣ـه

#يوم_الرحله

بسمه :: لبسه سروال جنز يلي بالحملات وبدي ابيض ووشاح احمر وشوز رياضي احمر في الأبيض ،،انى طالعه بابا سلام 🌚
بوها :: تمام ردي بالك على روحك
بسمه :: تمام مشت لحوش رحمه
رحمه :: لبسة بلوزه ورديه وسروال اسود مضبوط وشوز وردي ووشاح  مورد 💁🏼
بسمه :: هيا رحمه
رحمه :: هيا هيا خلي يوصلنا بابا احسن من يشوفنا محمد ويعرف انه اليوم الرحله ويلحقنا
بسمه :: اي صح هيا

~~~~~~~~~~~~~~~
ح. محمد ::( بو وليد) وين ولدك
نعيمه :: خليه راقد خيرك معاه قاعده ال 8
ح . محمد :: خلي يمشي يشوف قرايته هو فالح غر في النوم امته بيولي راجل ويشد الشغل مكاني
نعيمه :: خيرك قالب عليه اليوم
رنده :: صباح الخير
بوها & وامها :: صباح النور
رنده :: توا ننوضه انى بابا ومنه يرفعني للجامعه
بوها :: تمام معانه انى طالع خودي دواك انت
رنده :: حاضر بابا

~~~~~~~~~~~~~~~

#في_الباص
صلاح :: يوزع في ابتسامات ونظرات لرحمه 😍😍😍😃
رحمه :: تكلمي يابنت شن بديري مع معتز
بسمه :: بنتغده بيه قبل مايتعشه بيا نبي نديرله تسجيل فيديو يتكلم فيه هو ويطلب مني الحاجات السخيفه يلي يبيها من غير مايجيب قصه الصور والسياره ونهدده بعدين انى نمشي بالفيديو لبابا واكيد هو مش ح يسمح انه توصل القصه لبابا ويطلق امه
رحمه :: مش عارفه نحسه تجي قصه فلم متتنفدش
بسمه :: انت اصبري بس ان شاءالله تتنفد خلي نكلمه نقوله طلعنا 📱
عزو :: صباح الورد
بسمه ::😣 صباح النور احنا طلعنا من حوالي ساعه
عزو :: تمام انى 10 دقايق وطالع 

~~~~~~~~~~~~~~~~~~~

رنده :: صباح الخير
وليد :: صباح النور
رنده :: نايض
وليد :: اي
رنده :: وصلني للجامعه معانه
وليد :: باهي لكن شوفي من يروح بيك ماشي لصبرته راهو
رنده :: آش آش علاش
وليد :: بنلاقي صاحبتي
رنده :: ربي يهديك ياوخي وطلعت

~~~~~~~~~~~~~~~

وصلو البنات صبرته شافو الاثار ودهورو وطبعا الاستاذ مركزين معاهم الساعات الاوله هلبا شن يديرو وشن لا خصوصا انهم بنات بس 

صلاح :: السلام عليكم
البنات :: وعليكم السلام
صلاح :: شن عجبكم الجو
بشرى :: يهبل غر كان تفكوه شويه
صلاح ::😂 كيف
بشرى :: قصدي تخلونا نشفو خلق ربي
صلاح :: خلق ربي شفوه باحترامكم
بشرى :: انى ماشيه بنصور 🙋 باي
صلاح :: وانت رحمه
رحمه :: وانى شن
صلاح :: عجبك الجو
رحمه :: اي اكيد
صلاح :: خيرك ساكته املاه
رحمه :: لالا عادي غر شمس وتعبت شويه خلي نشوف بسمه عندها نضارتي
صلاح :: تمام

~~~~~~~~~~~~~~~
وليد :: بشرى انى وصلت انت وين
بشرى :: تعاله بعدنا شويه عالاثار خشينا جيهة الغابات لانه الاستديه يشواو
وليد :: اوكي تمام