نصيبي 😻(منقوله )

29

#نصيبي

الحلقـ2️⃣9️⃣ـه

وليد :: طلع وين بسمه لا متقلوش رجعت للبحر
منال ::😏 لا مشت هي وجهاد
وليد :: تقول حد ضربه بموس ،، كيف
منال :: مقعمزه هي وجهاد عالشط
وليد :: تلفت شاف جهاد حاط يده على وجه بسمه 😡 ..... خدي مفاتيحه وطلع

~~~~~~~~~~~~~~~~
يلي صار
جهاد :: بسمه لزم نحكو في موضوعنا لانه طول وقعد معلق
بسمه ::😔 حتى انى نبي نتكلم معاك ،، خلي نقعمزو اهنى
جهاد :: اوكي .... قعمزو .. نحس انى عارف شن بتقولي ..... خلي نختصر عليك وعلى روحي  تعرفي انى مستحيل نكذب عليك صح
بسمه :: اي
جهاد :: مستحيل نقدر نتزوجك ولو فات 100 سنه مش سنتين والا اربعه 😓
بسمه ::😕
جهاد :: مستحيل حد يتقبلها ... ولا انى ح نرتاح وننسا قصه وليد قصدي انتم ليكم قريب 4 او اكثر مع بعض في نفس الحوش طول الوقت ...  ح نتعبك وتعبيني ونتعب وليد
بسمه ::😟 باهي .... شن نفهم من كلامك
جهاد :: منكذبش عليك يمكن لو تسيبى وليد توا ح نكمل معاك في علاقه ... لكن انى منبيش نضحك عليك وعلى روحي في موضوع نهايه واضحه .... غير هكي انى نعرف انك بديتي تحبي وليد
بسمه ::😳😢 انصدمت ونزلت دمعته ... لو شن ماكان واعره اللقطه في الاخير كان فيه شي يربطهم ... القصه مش هكي جهاد والله انى كنت ناويه نطلع من حياتكم الزوز عارفه الكلام يلي قلته انت وان موضوعنا مستحيل يكمل 😢 ووليد مليشي ذنب في القصه من الأساس ... لكن منعرفش شن صار وخالني ..ن 😢
جهاد :: مسح دمعتها بيده ( وهذه اللقطه يلي شافه وليد🌚) اسكتي ياهبله علاش البكي توا.... كملي كلامك .... متعرفيش كيف صار وخلاك تحبي وليد عارف
تذكري لما نقولك ان شاءالله تكوني من نصيبي

((جهاد :: كل يوم ندعي نقول ان شاءالله تكوني من #نصيبي
بسمه ::😞 تعرفني منحبهاش كلمة النصيب نحس فيه ضعف من الشخص واستسلام ويحط عالنصيب وخلاص يلي يبي حد يحارب الدنيا باش يوصله
جهاد :: اشيه بنوتي الحلوه كبرة وبدات تقول في حكم 😍 لكن مع هذا كل شي بيد الله
بسمه :: اكيد والنعم بالله لكن السعي للشي يلي تبيه حتى هو امر من الله ))
بسمه :: 🙂 ضحكت يالا سخريت القدر ... هدا النصيب يلي منحباش فرقنا وجمعني بوليد
جهاد :: كنت نقول وليد طيب وينحب لكن انت مصكره رأسك .... وليد راجل وعارف انه مقربش منك لتوا مع انه يموت عليك ... حارم روحه منك لانه ميبيش يجرحني
بسمه :::😔
جهاد :: شفتي مكنتيش من نصيبي طلعتي من نصيب ولد خالتي وصاحبي وخوى
بسمه ::😭
جهاد :: خلاص انى متكلمتش معاك باش تبكي ... تكلمت معاك باش نقولك من اليوم انت حره وليد راجلك بتستمري معاه او بتسيبيه الموضوع يخصك انت بس .... وانى بنتكلم معاه حتى هو توا ... كان زعلك والا ضايقك تعاليلي بس ...تقعدي ديما بيسو الغاليه
بسمه ::🙂 شكرا جهاد عمري ماح نغير رأي فيك ... مافيش منك اتنين في العالم هذا
جهاد :: 😂 حقا وليد غيور لين خلاص 😉 ردي بالك
بسمه :: اي تحسه شباني شويه 😂 ... انى بنمشي للشالي
جهاد :: تمام ... خدي نفس عميق وحس روحه دار الصح للكل
بسمه :: كان في دخله حزن لانه الموقف صاعب ... بس في نفس الوقت فرحه كبيره لانه وليد ح يكون معاه