نصيبي 😻(منقوله )

19

#نصيبي

الحلقـ1️⃣9️⃣ـه

جهاد :: تمام وانت، انى جاي نبي نكلمكم في موضوع
بسمه ::😑
وليد :: خير
جهاد :: نبي نطلب منكم تطلقوا
بسمه & وليد :: شافو لبعض😳
وليد :: مفهمتش شن مفكر انت باهي ، احم قصدي بالنسبه لبسمه شن تبي تدير
جهاد :: بالصراحة مش عارف بس في كل الأحوال انتم مش ح تستمرو مع بعض صح
بسمه :: شافت لوليد وقعدات ساكته 😶
وليد :: توا قصدي انت شن مقرار بعد تتم العده بتتزوجه والا شن
جهاد :: بسمه شوفيلي ، نحبك صح بس بعد ماتزوجتى ولد خالتي منقدرش نواجه العيله والناس ونتزوجك بعد العده على طول يعنى مش قبل ماينسو الناس القصه ولهدا كل ماتطلقي بكري كل مالناس تكون عارفاتك اقل ومع هذا اقل شي نفوت وقت لبعد ماتكملي جامعه
وليد :: 😕 جهاد عندك علم انه بسمه بوها قاعد ميكلمش فيه لتوا وميبهاش تزوره وين تبها تقعد 4 سنين والا انت متفكرش الا انت شن تبى
جهاد :: بوها مستحيل يخلي بنت في الشارع اكيد لو عرف انك بطلقها
وليد :: قداش انت اناني متفكرش الا في روحك والبنت شن شوف العشيه يلي بيعيشهلها بوها بعدين مسد المشكله الاوله مسد تروح مطلقه
جهاد :: بصوت عالي ايوااااااا قول هكي من الاول عجبك الجو ومعادش تبى تطلقها
وليد :: احترام نفسك ، هدا الموضوع توا مش وقته البنت شهاده السنه هذه خلي تكمل امتحاناته وبعدين يصير خير احسن من توا تتلخبط وتشوش ومعادش تقدر تقراء
جهاد :: وليد انت
بسمه :: بصوت عالي اسسس خلاااااااااص انت وياه وين تكملو نقاش وتقرارو لمن تعطوني قلولي وخشت للدار
وليد :: اففففف منك ياجهاد هدا موضوع ميتهدرزش فيه قدام البنت صح طلعنا كانه نوزعو فيه مفروض تكلمنا بروحنا
جهاد :: وين نندري انى منحسابش الموضوع يوصل  لهنى

~~~~~~~~~~~~~~~~~~~~

منال :: هيثم نبي نمشي للسوق
هيثم :: وعلاش
منال :: ماهو بنمشو نقعدو في حوش خالتي نبي توت وحاجات
هيثم :: ماهو عندك من قبل
منال :: انى نبي وماما عطتني فلوس انت شن دخلك
هيثم :: اوكي خلاص توا نرفعك
منال ::( توا تشوفي يابسمه الطرحات وكيف نخلي وليد ميشوفلكش حتى الشوف)

~~~~~~~~~~~~~~~~~~

بسمه :: كانت  تسمع فيهم ومصدوم كيف محد يسأل فيه وكل واحد يحكي شن يناسبه خشت للدار خدات وحده من شناطيه حطت فيه كتابته وشوية حوايج وطلعت لقتهم قاعدين يتناقشو
وليد&جهاد :: 😦
بسمه :: وليد وصلني لخالتي
وليد :: بسمه خشي بلا هبال
بسمه :: وليد وصلني والا والله ننزل لعمي راهو ونحكيله كل شي من الاول
جهاد :: عندك الحق احنى غالطين انه تكلمنا هكي قدامك
بسمه :: انت مش غالطين انت شخص حبيته وارتبط بيه وكنت عايشه في جفاف عاطفي لقيت فيك الحنيه والحب وكنت معاي راجل ديما برغم الموقف يلي صار في السياره وخلاك تزعل وتسافر وتخليني لكن كنت واتقه انه ح نكملو مع بعض ونتزوجو 💔 هههههه كنت نضايق لما تقولي كلمت نصيب وان شاءالله تكوني من #نصيبي ونحس انك مش متمسك بيا ونتمنا انك تقولي انت ليا وكان نحارب الدنيا كلها في الاخير اكتشفت انه كل شي نصيب صح
وليد بصراحه كنت نكرهك وزدت كرهتك اكثر لما جيت وخربت خطت انى نسجل لمعتز ولما بابا قرار يدور نحسابه بيعرف قصتي مع جهاد لكن لما جيت للحوش بابا هددني انه يقتلني لو مقلتش انك انت وبصراحة مكانش مأنبني ضميري اتجهاك لانى نحس انك انت السبب في يلي صاير معاي لكن لما عشت معاك عرفت قداش انك راجل ورغم انى مرتك لكن كنت محافظ على لانى حبيبت ولد خالتك وعرفت قداش انت شخص كويس وحنين
انتم الاثنين احسن منى وانى منبيش نفسد العلاقه الحلوه يلي بينكم وتبدو تشكو في بعض بسببي
وليد انى مرته وقد ماحاول يكون عادي بس طبيعي اي راجل في الدنيا ميقدرش يخلي مرته تحب وتنحب قدامه وكان شن يلي بينهم مستحيل رجولته تسمحله
وانت ياجهاد عارفه انك مستحيل تغلط في وليد مهما ماكان بينا فلهذا وصلني لخالتي