نصيبي 😻(منقوله )

28

#نصيبي

الحلقـ2️⃣8️⃣ـه

وليد ::😍💗حضنه بقوى وانت بخير
بسمه :: اه ه .... وليد كسرت ضلوعي
وليد :: باش مره تانيه تسمعي كلامي شن قلت انى عالحركات هذه
بسمه :: عادي عيد 😂
وليد :: مطول لسانك يافرخه وفتح باب الحوش طلع نزل درجتين
بسمه :: شدات الباب  ...... الفرخه هذه تحبك
وليد :: تلفت مصدوم😧
بسمه :: صكرت الباب في وجهه وخشت تجري للدار
وليد :: قعمز عالدروج 😳😂 قالتها الهبله هذه هههه قالتها قبلي ❤️ غمض عيونه .. وانى نموت فيه هالفرخه .. ونزل

~~~~~~~~~~~~~~~~~~~

بسمه :: 😂 خشت تضحك على منظر وليد كيف مصدومه لقت فونه يرن ... هلا حبي
رحمه :: رايق العسل
بسمه ::😍 اي والله
رحمه :: كل عام وانت بخير حبيبتى .... انى اتصلت بكري قلت اكيد مضايقه اول عيد بروحك
بسمه :: تسلمي حياتى وانت بخير ....💔 تعرفي فكر البارح كيف اول عيد من غير بابا لكن بعد يلي صار نسيت روحي
رحمه ::🙊 شن صار
بسمه :: قلتلها نحبك 🙈
رحمه :: جهاد
بسمه :: جهاد شن .... وليد
رحمه :: حي عليك شن تديري انت 😳
بسمه :: خلينى فرحنا بلا نكد
رحمه :: جهاد نستيه خلاص
بسمه :: مش هكي لكن معادش نحس في اتجهه زي قبل قصدي إحساسي لوليد أقوى
رحمه :: ووليد شن
بسمه :: مقالهش لانه ميبيش يتكلم لين يتم موضوع جهاد لكن واضح يحبني
رحمه ::😒 طلع يحب جهاد اكثر منك
بسمه :: واك خيرك هكي انتى .... وليد ميقدرش يتخطاء جهاد زيني لانه ولد خالته ... لكن انى علاقتي بيه انه حبيبي وياما بنات افترقو على يلي يحبوهم وتزوجو غيرهم
رحمه :: حبيبــــــــــي!!!!!!!!
بسمه :: اففف كان كان ،،، بعدين انى لما عشت مع وليد حسيت قداش هو كويس وحنين وحساس
رحمه :: يستر الله انى خايفه عليك بس
بسمه :: انى بندوش وننزل توا نكلمك بعدين ..... اففف نكدت عليا وشوشت تفكيري زعما صح نطلع منحبش وليد لالا شن انى عيل منعرفش روحي
خشت دوشت ولبسة قونه حمراء شيفون علها دجاكه سوده كمه ثلاث ارباع تحته بدي ابيض وجبدت شعرها وحطت ميك اب ورسمت عيونها وحطت وشاحه على رقبتها ونزلت

~~~~~~~~~~~~~~~~~~~
رنده :: كل عام وانت بخير 😘😘
بسمه :: وانت بخير ،، تهبل طلعت لبستك
رنده :: حتى انتى
نعيمه :: خيرك منزلتيش من بكري 😒 فاطمه كنتها مش جنبها واتصلت من بكري تعيد
بسمه ::😂 لانه مش جنبها .... كل عام وانت بخير وباست راسه .. ونفس الشي فاطمه ... ليلى هذه شكلها واعره
فاطمه :: سملها على كنينتي خيرها
بسمه :: 😂😂 خلت عمتى تغار
منال ::😒 كل عام وانتم بخير
فاطمه :: اللطف هكي من بعيد
منال :: بلا جو لزم البوس والتلصيق ماهو الفجر كنا مع بعض
نعيمه :: روز حتى الفطور برا قريب يروحو من الجامع

~~~~~~~~~~~~~~~~~~~~~

سالم :: 😔 كل عام وانتم بخير وحظن نرجس ونسرين
سعاد :: ربي يخليك ليهم ... عرفت انه وجعات بسمه
نسرين :: امتا بتجي بيسو
سعاد :: تو تجي غدوا المتزوجات كلهم يجو لأهلهم تاني يوم ... وشافت لسالم قعد ساكت