نصيبي 😻(منقوله )

24

#نصيبي

الحلقـ2️⃣4️⃣ـه

بسمه :: قعدات تستنا في وليد عالسحور لقريب الفجر فجاء رن تلفونه وكان صوت مسج فتحاته
وليد :: "انى بنتأخر كولي متستننيش وصلى وارقدي 💔"
بسمه :: بالحق هالبارد دايرها😌 وردات عليه "بالحق 😔 مانحبش نأكل بروحي "
وليد :: " هيا بلا دلع باش غدو بنمشو لبوك 😍"
بسمه :: " تمام تصبح ع خير "
وليد :: كان شاد التلفون ومبتسم
عمران :: 😂 علاش تعذب في روحك نوض روح ممشاه شات بس ..... وليد ... الو
وليد :: اه ... خيرك كلمتني
عمران :: 😂 نوض روح تكلم فيه رسايل علاش
وليد :: ياسر 🌚
عمران :: ترا قول مشي هي
وليد :: واك شكلي بنوض من دوتك
عمران :: 😂 تسبل بيا تسبل .... قعمز اهو جابو السحور ،،،، تسحرو الشباب برا وصلو الفجر في الجامع وروحو

وليد :: فتح الباب بالشويه وخش لقي بسمه راقده ومش متغطيه كانت لابسه البيجامه متع ليلة العرس الزرقه 💙 ... استغفر الله وحط علها الورغان وخش لفراشة ورقد

~~~~~~~~~~~~~~~~~~~~

#تاني_يوم
ام رحمه :: رحمه تعالي عاونيني
رحمه :: جايه
امها :: بنقولك على حاجه
رحمه ::😔شن ...
امها :: عمك كلم بوك يبيك لمحمد
رحمه ::💔
امها :: خيرك
رحمه :: افففففف باش يفهم هذا
امها :: خيرك
رحمه :: عمي مايبيش القرايه وانى بنقرأ هو علاش مستعجل
امها :: مش بالسيف متبيش قولي لا
رحمه ::😢 بتبدا فيه حساسيه بين بابا وعمي
امها :: حتى انى نبيك تقري لكن بوك قال خلها على رايه يلي تبيه هي
رحمه :: افففف منك يامحمد علاش تصكير الرأس
امها :: انت تكلمي فيه
رحمه ::😳
امها :: اصلا حتى بوك حاس انه فيه حاجه
رحمه :: لالا .... انى بنركب لداري ومشت 

~~~~~~~~~~~~~~~~~

بسمه :: كانت راقده الساعه 3 ناضت على رن فونه 📱 ... وكانت رحمه
رحمه :: تعالي ألحقيني
بسمه :: اففف مترقديش انتى
رحمه :: ياحيوان محمد طلبني من بابا رسمي
بسمه ::😱 الله
رحمه :: توا شن ندير
بسمه :: ارفضي ،، محمد زي معتز في الطبع بس الفرق انه محمد اخلاقه احسن لكن هم الزوز مايفكروش الا في روحهم معتز كم مره يكلم فيه ونقوله لا لكن دار مشكله باش يتزوجني بالسيف
ومحمد عارف انك تبي تكملي قرايتك لكن مصكر راسه وجي خطبك بدون ماتوفقي بيضغط عليك
رحمه :: 😢 نحبه 💔
بسمه :: حبى صلاح 🌚
رحمه :: ياعن شكلك انت وصلاح باهي ... استغفر الله خلتيني نسب في رمضان
بسمه :: نغيرلك في جوك بس اسمعي انى آليوم بنمشي لحوش بابا نبي ننزل ندير حاجات نرفعهم معاي وبنكلم سعاد ترتب الوضع
رحمه :: ربي معاك حبي 😘
بسمه :: سلام 😘... وصكرت
وليد :: يتكلم وعيونه مغمضات وبصوت راقد ... بسمه نقصي دوش وانزلي بسرعه
بسمه :: انت نضت
وليد :: وضمي فمك 🙊
بسمه :: وليد خيرك 😠
وليد :: 😂 هذا وين عرفت علاش ربي قال صوت المراء عوره
بسمه :: خزي سخيف وناضت صلت وقرأت قران ونزلت خشت للمطبخ .... عمتى نبي نطيب حاجات نرفعهم معاي لاهلي اليوم وفوق معنديش الحاجات هذه لانه ناكلو لوطه
نعيمه ::😒 الكوجينه قدامك
فاطمه :: تعالي نعاونك 🙂
بسمه :: بجد صحيتي خالتي ..... وبدات فاطمه تطيب وبسمه تسعد فيه 😂 صار العكس
جهاد :: السلام عليكم
العيله :: وعليكم السلام
فاطمه :: امته تدرولي كناين هكي حتى انى نعاونهم ويعاونوني انشط روحك ياجهاد وجيبلي وحده زي بسمه
بسمه ::😔
جهاد :: اه ..... خلها على ربي وطلع للجنان يسمع في صوت رنده بالشويه