Chapter 9
"SASAMA NA AKO SA'YO..."
Hinila niya ako at hinalikan nang mabilis ngunit mariin sa labi. "Tara na..."
Kinuha niya ang iilang damit at gamit na nasa loob ng kahon ko saka isiniksik sa bitbit niyang itim na backpack. Inakbayan niya ako at inalalayan. Pagkarating namin sa sakayan ng bus at hinalikan niya ako sa noo. "Hindi kita papabayaan, Rita..."
Tumingala ako sa kanya. "Natatakot ako..."
"Wala ka bang tiwala sa akin?"
Hindi ako sumagot.
"Ako ang bahala," hinawakan niya nang mahigpit ang kamay ko. "Tumingin ka sa akin, Rita."
Sinunod ko siya. At doon sa kanyang banyagang mga mata ay nakita ko kung gaano siya kaseryoso sa pangako niya.
"Ako ang bahala sa'yo..."
...
"SAAN TAYO TITIRA?"
Nakarating kami sa Taytay Rizal, dito sa may dulo ng Tibagan. Ang sabi kasi ni X ay mas mura raw ang mga paupahan dito kesa sa Maynila. Sa umpisa ay magsisimula muna raw kami sa maliit na pangarap hanggang magkatuwang kaming palalakihin iyon sa paglipas ng panahon.
"Isang libo isang buwan. One month deposit, one month advance. May poso sa dulo, lahat pwedeng umigib doon. Piso isang timba. Sa kuryente naman, may metro." Ani Aling Meding, ang landlady ng maliit na kuwarto na tinitingnan namin.
"X, may pambayad ka ba riyan?" bulong ko sa kanya.
Tumingin siya sa akin at ngumiti. "Meron."
Sabagay, marami siyang raket. Ayaw ko mang maalala ang isa sa mga pinakaayaw kong raket niya ay kailangan ko ng tanggapin na parte iyon ng nakaraan niya. Sana nga ay wag niya ng balikan pa ang nakaraan na iyon.
Sinamahan kami sa loob ng studio type na bahay ng landlady. "Ito, isang kuwarto ito. Wala nga lang kisame, pero malilim naman kasi nasa ilalim ng puno ang bubong. Saka may sarili itong banyo kayo hindi kayo mahihirapan."
"O ayan, may maliit na lababo," turo ng landlady sa kinakalawang na lababo sa gilid ng kuwarto. "Ipapagamit ko sa inyo ng libre ang papag, hindi naman na ginagamit iyan. Ingatan niyo na lang, pwede niyong bilhan ng kutson kong nais niyo."
"Salamat po." Ani X. Naglabas siya ng pitaka mula sa likod na bulsa ng kanyang kupasing jeans. Binayaran niya ang advance at deposit kay Aling Meding.
"O siya, iwan ko na kayo."
Nang umalis na si Aling Meding ay magkatulong naming nilinis ang bago naming tirahan. Nag-igib si X sa pinahiram na timba samin ng kahera saka ibinuhos sa sahig ng bahay. Mamaya ay bibilhan namin iyon ng linoleum sa palengke.
![](https://img.wattpad.com/cover/180943274-288-k413214.jpg)
BINABASA MO ANG
His Bad Ways
RomanceX, the green-eyed handsome boy who hangs around Quiapo, Manila, is the suitor of Rita. She believes her future is uncertain if she ends up with him as he is homeless and unemployed until she realizes she's wrong. X is a good and responsible guy who...