احمد
بعد ما رحت للدكتور اني اتحسنت حالتي جنت هواي اسوي اشياء هسه امتنعت عنهه من ارادتي وهيه صارت حالتهه للافضل تحجي وتسولف تقربيا رجعت مثل قبل بس اكيد ما اكدراتقرب عليه
حالتي الصحيه اتحسنت راجعت دكتور علمود الرئه كال صارت زينه بس لاتدخن ومنع نهائي كلوش اني تركتهه بس علمود سرى اكيد ولا اذا هيه ماموجوده ادخن ولا شي ايهمني واذا اموت اموت واني احبهه
جنت كاعد بالغرفه ومختنك شوي وبيدي المبايل اتصفح بي عفته على الجربايه ونزلت يم موسى جان يلعب بالكاع نزلت العب ويا وضليت اسولف وهو يضحك
احمد:موسى اسئلك سؤال ؟هو ظحك
..ماما اتحبني لو لا شنو رايك هو يلعب ويظحك ويكول ماماماما
احمد:نمت ظهري وحجيت كلشي بداخلي
والك اني شكد اعشق امك واحبه من لمن جنت صغير لحد هسه ولو تجي ميت الف بنيه شكره وحمره وعيونهه ملونه ولا ايجيبن حلات ماما
لمن جنت ماموجود جنت المح الهه انو اني احبه بس ماكو جانت ماتهتم وهذا عدم اهتمامهه خلاني اخطو هاي الخطوه وفوك كل هذا امي مارضت اتريد تنطيني لبنت خالي الي واني صغير ما جنتاطيق وجودهه لمن جنت اروح لخوالي ... اتمنى لو بس شويه احظنهه اشم عطرهه اتنام بحظني وبس هذا الي اريده .
ها شنو رايك بحبي لهه
درت وجهي ولكيته يلعب
احمد:والك اني صار ساعه اسولف المن لابوي لو الك
هو ظحك بقهقهه
كمت وشلته وطلعت من الغرفه وكعدت بالباب شويه وياهو الي يمشي ايباوع على موسى اني ما اهتميت عفته يمشي شوي لان جانت هاي اول خطواته للمشي بهتي الحياة ولمن شفته يمشي دعيت من كل كلبي انو ايكون مشيه بالطريق الصحيح وما ايصيرمثلي عصبي واهم شي ما ايحب بنت عمه لان راح ايشوف الضيم مثل ما اني شفته
اخذته ومشيته شوي شوي منا لمن اجه ابوي وعمي اخذو مني دخلو جوه وضلو ايلعبونه انضميت وياهم العبه....
سرى
جنت اسوي عشه اجتي سارة مكسور خاطرهه
سرى:ها شبيج سارة صاير شي
سارة:ماكو بس علمود اخوي والله لو ما دازتني للغرفه جان احسن
سرى:ليش صاير لموسى شي
سارة:وانتي ما فكرتي بس بموسى
سرى:.....ّ.ارتبكت ما اعرف شنو اكول
سارة:لج والله حرم عليج اتمنعين زوجج منج شبيج
انتي ما اتعرفين شنو حرم
سرى:اخ...
سارة:لاتكولين اخاف مو هاي حالتج زينه صارت شبيج بعد رحتي للدكتور وشافج وعالجج
شنو منتظره بعد ..الحمد لله انتي ما رحتي للغرفه واني دزيتيني
سرى:شكو شصاير
سارة:لج سمعته ايكول بس اتمنى اتصير بحظني واشتم عطرهه اتمنى اتنام بحظني بس هذا الي اريده وانتي هنا جاي اتخلين الخوف هو الي يمنعج منه مجرد وهم اسمه خوف وهو يتحسر بس على حظنج انتي مخبله
ولج لمن وافق وهو مجبور على زواج من بنت خالي المستشفى نايم بيهه اسبوعين واحد وره الثاني ويهذي ويكول اسمج واحمدي ربج جان حجيه مامفهوم
سرى:........ضليت ابجي ورحت للغرفه واحاسب نفسي اني هم اتمنى اكون بحظنه بس الخوف عاميني مجرد لمسه شويه منه اخاف من صدك
شوي ودخلت سارة
سارة:اتحظري باجر اروح اني وياج
سرى:احمد مايرضه اطلع
سارة:ما الج دخل اني احاجي خوش
سرى:على راحتج ...
ثاني يوم وصدك قبل لا ايروح احمد للدوام كال اتكدرين اتروحين ويه سارة
راح للدوام .............
للساعه 10 اجتي وكالت اتحظري وياج موسى اتحظرت ما اعرف المن انروح
بعد مشوار بالسيارة دخلنه لبيت ما اعرف بيت منو
من دخلنه عرفت هي مره علويه تسوي حرز بس لمن ما اعرف
المره امبين على وجهه النور من صدك ....
انطتني دعاء وكالت البسي ولا تنزعي ابدا وانطتني مجموعه من الايات القرانيه اقراهن من كملنه رجعت سويت الي كالت عليه ولبست الدعاء حسيت بامان شوي ...
مر شهر والحمد لله كل الخوف راح بس ما حاولت اتقرب عليه بس هو خطيه اشوفه دائما مهموم ويحاول ايسد حزنه لمن ايضل ويه موسى ويلعب ويا بس لمن ايروح اشوفه ايطلع حسره چبيره من كل گلبه مال واحد مهموم .......
مره جنت كاعده اخيط دگم القميص مال احمد سمعت عمي يحچي بصوت عالي ويخابر خفت شو صوته ليش عالي شويه وسد التليفون وما اسمع بس طبگة الباب بصوت عالي وشخطه سيارة
اجتي سارة تركض دخلت وهي تبجي
سارة:ولج سرى احمد راح يروح من ادينه ...كعدت بالگاع تبچي اني ما افتهمت ضليت اصيح
سرى:ولج احجي شبي احمد
سارة :ما ادري بس اتصلو ب ابوي اصدقاء احمد وكالو حالته مو زينه
سرى:اني هنا اسودت الدنيه بعيني شلون مو زين وهو قبل لا يطلع ابتسم الي وباس موسى وراح شلون هسه مو زين ما اعرف بعد شنو الي صار غمضت عيني ونغمه عليه ....
