رفعت راسهه وباستني من شفايفي وخرتهه بسرعه وكتلهه
احمد:اااخ معدتي حنين الحكيني
اضطريت اجذب وامثل عليهه لان لعبت نفسي منهه ما اكدر اتحمل غير لمسات سرى اليه لان بس هيه بكلبي
حنين:ها حبيبي شبيك هسه جنت زين
احمد:اخخخ بسرعه بدلي خلي اروح للمستشفى بسرعه
حنين :حاظر هسه
بدلت بسرعه واني رحت للمستشفى مثلت عليهم واني بداخل الغرفه اجه يفحصني الدكتور
احمد:دكتور الله ايخليك اذا طلعت من الغرفه واجتك بنيه تسأل عليه كلهه القرحه راجعه اله
الدكتور : خلي اشوفك وتدلل
بعد الفحص ولاسئله والاجوبه
الدكتور: انته ما كذبت وراح اكله لان القرحه صدك راجعه الك ولازم تتعالج
احمد:اعرف دكتور
طلع الدكتور ومثل ما اتوقعت سمعت صوتهه اجته وسئلته بس ما سمعت جوابه لان جان صوته ناصي عكسهه صوتهه عالي ويرج المستشفى
شوي ودخلت عليه تبجي بهاي الحظه صدك استخطيتهه شكد اتحبني بس اني ابادلهه بالكره وراح اظل ابادلهه بالكره لان شكد ما اتحبني اني باضعاف مضاعفه اكرهه وما اطيق شوفتهه ابدا
حنين:شلونك حبيبي ان شاء الله بخير
احمد:اي حبيبتي بخير لاتخافين
حنين:شنو كالك الدكتور
احمد: القرحه راجعه ...ههه مو سألتي شبيه
حنين :اريد الجواب منك وبس
طلعت ومن المستشفى وديتهه للبيت ورجعت السيارة لمحمد ورجعت للبيت تعبان جانت الساعه تقريبا 8 والجو بي بروده
وصلت للبيت دخلت ..
رحت للغرفه اول ما دخلت لكيت سرى تبجي ردت اروح اسكتهه لان بجيهه ايزيد من مرضي حسيت بكلبي يوجعني ما اتحمل رحت للكنتور اخذت ملابس وطلعت سبحت وبدلت ورجعت اخذت ملابس نوم بجنطه مال جتف سوده رياضيه جنت اذا اطلع لا مكان ونسه اخذهه لان اخلي كل احتياجاتي بيهه رحت على حسام انطاني السويج واخذت سياره وعندي كم فلس وياي ورحت بفندق بتت بي
ثاني يوم جان جمعه رجت على اصدقائي نفس الكوفي كعدت بنفس مكاني اجتي نفس البنيه بس منزله راسهه اخذت طلبنه وراحت
محمد:اي شباب على البنيه شنو الي انسوي
احمد:من ناحيه الحمل اطمئن
عصام :شلون
حجيت الهم الي صار
محمد:اني عندي فكره و هم نتأكد
اليوم روح انته وياهه بحجه تحليل دم حته تتاكد من زموة الدم اذا متطابقه لان هاي الاجرائات ايسنوهه للي راح يتوزجون
احمد:خوش فكرة
اجتي الطلبيه وياهه اركيله اليه بس اخذوهه الشباب
محمد:ها اخر مرة اتدخن بيهه
احمد:رجاء اذا بالتدخين لاتدخلون اني اتمرض
عصام :اسكت اسكت وحنه نتحمل الهبطه وانت الالم
احمد: عصام جيبهه وبلا شقه
اخذت الاركيله ويه اول وثاني نفس بيهه رحت كبل للمغاسل اتقيئت الي اكلته وياي دم ضلت توجعني حيل اخذوني الشباب للمستشفى ونفس الدكتور فشافني
الدكتور:البارحه اجيتي احسن من اليوم شبيك هامل نفسك وانته شاب حلو وراك مستقبل وزواج ...انته متزوج ؟
احمد بالم :اي الحمد لله
الدكتور :عندك اطفال
احمد:اي الحمد لله
الدكتور: اذا استمريت على هاي حالتك راح اتموت ما تبقه واطفالك ايصيرون ايتام لا سامح الله واذا استمريت اتدخن وتقهر روحك راح ايصير عندك مرض مزمن هاي الامراض الي تبقه طول الحياة وياك وما اتروح فهمت
احمد:والله دكتور ما اكدر الاادخن
الدكتور :هاي مشكلتك اذا ردت اتطيب لازم تتركهن
احمد:احاول بس ما اوعد
الدكتور:ضلت يمك ..اني اترخص
طلع الدكتور ودخلو عليه اصدقائي اتحمدولي بالسلامه ..بعد ما كمل المغذي طلعت واخذت علاج ورجعنه للبيت رحت شفت موسى وضليت ويا منا لحد اليل يلا رحت بس الغريب محد سألني ليش سويت هيج ويه سرى ..عفت الموضوع على الله والخطط ،رحت للفندق بخابرت على حنين وكتله باجر انروح للمستشفى حته انحلل
حنين:مو بعد وكت انحلل
احمد:لا حياتي اني اريد اكمل أجرأت العرس وهاي الامور احسن ما اتطول السالفه ، يعني كون انكمل اجرأت العرس ويكمل البيت بنفي الوقت ونتزوج
حنين:هيحج مستعجل
احمد:ليش لا علمودج واني هم كلت ما عندي شغل باجر نطلع اني وياج وخلي خالتي اتسويلي بطل عصير موز وليمون يعني ثنين
حنين: من عيوني حبيبي ..
احمد:يلا حبيبي اني اترخص لان اليوم رحت افتريت على محل ايبع اثاث زين ،بس خابرت صديقي وكال اخوي ب....... عنده محل ايبيع ورحت كولش حلو
حنين:شكرا حبيبي والله ما اعرف شلون اجازيك
احمد:ما اريد بس سلامتج
حنين:يلا اخليك ترتاح باي
احمد:باي
غلقت الموبايل وشمرته على الجربايه رحت سبحت ونمت واني افكر اني ابدا ما اشتريت لسرى اي شي ولا انطيتهه مهر ولا حته حلقات حته تثبت انو هيه زوجتي دمعت عيني واخذاني النوم
كعدت الصبح صليت ودعيت الله يغفرلي على الي سويته ويه حنين بس جنت مجبور منا لمن اكشفهه يلا
رحت يم اصدقائي شربوني ماي وضليت اتقيئ ما اعرف شنو لاهو اكل حته ما اعرف اوصفه ..بعد ما اتقيئت ارتاحيت ورجعت لوعيي اكثر من السابق صرت كلمه حنين والاحرف اكرهن
محمد:مثل ما كال الشيخ بعد بيك وطلع صدك
احمد:يعني هسه زال عني كل سحر
محمد:الحمد لله اي لان كال هذاالماي بي ايات قرانيه اتبطل اقوى سحر
احمد:شلون يعرف
محمد: هو شيخ يكدر يفتي وعنده هاي الموهبه من لمن جان صغير
احمد:هاي هم موهبه
محمد:اي ونادرة كوللللش بالالف ايجوز واحد لو ماكو
احمد:لهاي الدرجه
محمد:اي
ضلينه انسولف شوي هعلى الخطه وخابرت حنين واني متت لعبت نفسي منهه
حنين:الو حبيبي شلونك
احمد:هلا الحمد لله يلا اتحظري واني جايج حته انروح لو نسيتي
حنين:شلون انسه واني ردت اذكرك
احمد:شكرا الج حبي
راحت سديت الوبايل وخليت راسي بين اديه وسندت اديه على الطاوله عصتم:اتحملهه شنسوي لعد
رفعت راسي وكلتلهم :يلا اني اروح باي
اول ما طلعت رحت للسوبر ماركت اشتريت سجائر ودخنت اترتاحيت بس معدتي ضلت توجعني دخنت 3 سجارات غير الاولى يلا ارتاحيت ورحت عليهه اجتي ورحنه للمستشفى اخذو دم منيمنه هيه رحت واني كتلهه
احمد:حبيبتي روحي كدامي للسيارة بين ما اشوف دكتور صديقي هنا
حنين:يلا اني هناك تلكاني ما راح اتحرك
احمد:يلا
رحت واني اجيت لابو التحليل
احمد:عفيه هسه اجيت اني والبنيه الي راحت هسه اخذو دم اريدك اتحلله اذا اكو حمل لو لا
الدكتور :مو هسه ردت اشوف اذا زمرة الدم متطابقه
احمد:اسف دكتور ولو اسوي زحمه بس ما اريدهه تعرف
الدكتور:يلا راح انشوف
احمد: مشكور ما قصرت دكتور
الدكتور:ولو ما صار شي ،اليوم تعال وشوف النتيجه
انطانتي الموعد ورحته بسرعه لكيتهه اتباوع بالموبايل
صعدت
احمد:ها حبي خو ما طولت اكو احد ضايقج
حنين:لا حبيبي
احمد:هذا صديقي اجه من الخارج وتعين بهاي المستشفى فكلت خلي اسويهه اله مفاجئعوهم بالبيت اروح اشوفه
حنين:خوش الي سويته حبيبي
رجعتهه للبيت واني رجعت للفندق نمت وخليت المنبه على الموعد حته اروح اشوف النتيجه
رحت والحمد لله طلعت سلبيه ونطوني زمرة دمي ورحت
طلعنه اني واصدقائي باليل
محمد:اي شنو النتيجه
احمد:الحمد لله سلبيه
عصام:اييي اول خطه اجتي عدله الحمد لله ،،،شنو زمرة دمك
احمد:ليش تسئل
محمد:شبيك ويه الولد كل ما يسئل اتهج عليه ، وبعدين انريد نعرف زورة دمك
احمد: o-
محمد:هذا النوع نادر ومن الصعب اتحصل دم اذا لاسامح الله احتاجيت دم
عصام :لا اني موجود بس البطل ب300دولار
محمد:انته هم o-
عصام :اي
سولفنه واتونسو هم بس اني ما اتونست ، واني بحر افكاري الغارق بي والي احاول اطلع منه اتذكرت موعد الدكتورة مال سرى بسرعه اترخصت وخابرت عليهه
سارة:الو ها احمد
احمد:هلا سارة شلونج
سارة:الحمد لله وينك ما امبين
ما جاوبتهه وبسرعه سئلتهه على سرى:شلونه
سارة:زينه الحمد لله هيه والجنين بس بعد يراد الهه تبقى كاعده لان متاذيه حيل
اني عضبت شفايفي وغمضت عيني وغركن بالدموع سكتت
سارة:الوو احمد
احمد :اسف يلا اريد اروح واي شي اتريدينه لا تترددين وخابريني واني راح اجي انطيج مصرف الهه
سارة:يلا خوش انتضرك
بسرعه اترخصت من الشباب ورحت للفندق اخذت فلوس بس لكيتهن شويه مو هواي
حت للبيت
سارة:لا احمد
احمدظ:هاج هاي كل الي عندي حاليا بس هاج هذا ان شاء الله باجر ينطوني الراتب
سارة:يلا خوش
احمد:شلونهه شفتهه تبجي قبل كم يوم
سارة:قليل كلمة بجي عليهه ،24 ساعة تبجي
احمد: انتي صبريهه بس على ما اطلع الحقيقه
سارة:يا حقيقه
حجيت الهه كل شي
سارة:مو اني اعرفك اذا على طبيعتك لو لا
احمد:لا تكولين لاي شخص خوش
سارة:لا ما راح اكول
رحت للفندق ومنت واني جوعان ومهموم وبطني توجعني حيل
رحت ثاني يوم للدوام واجاني سلام شايل علاكه عرفتهه بيهه العصير
سلم عليه وانطاني وراح شفتهه مثل ما اتوقعت العصير ..بعد ما كملت الدوام انطيت البطل لمحمد واني رحت اخذت ورقه مزيفه بيهه النتيجه مال الدم عود متطابق ونكدر نتزوج هيه فرحت واني زاد كرهي
مر اليوم على خير وثاني يوم رحت الهم واليوم الحاسمه اكشف كل الحقيقه
دخلت عليهم بالبيت سلمت خالتي عليه وجان زوجهه مسافرةالحمد لله
سلام :شخبارك
احمد:ليش سلام تغدر بيه
سلام:شنو
احمد:سلام لاتغشم روحك .وكول ليش تغدر بيه اذا تعرف امك اتسوي هيج ليش ما منعتهه
سلام:احمد وضح لان ما افهمك والله
احمد:يعني انته تقنعني انك ما متعاون ويه امك ا
سلام :وعلى شنو اتعاون وياهه
احمد:صيحلي امك
صاح لخالتي دخلت لمت عليه
احمد:خاله اني راح افوت بالموضوع
شفتهه كعدت عدل وبتسمت عبالهه راح اخطب حنين
احمد:خاله اصدقائي انتبهو عليه جنت بغيبوبه سحر واني كشفتج
ام حسام:شنو
احمد:اني عندي الدليل كولش واضح
اخذت البطل واريته اسلام
احمد:شوف سلام تتذكر لمن كلتلي اني اطرش بالزفه لان امك اتسويلي عصير منهه وبدت حالتي اتصير موزينه الا ان فقدت من السحر الي امك سوته ،درت وجهي وباوعت الهه .عود انتي خالتي اذا اتموت امي انتي بدالهه هيج اتسوين بيه
ام سلام:روح لزجتك شوفهه هيه ليش جاي عليه اني
احمد:هيه زوجتي البزون تاكل عشاهه وماتحجي
ام سلام:هو الي اتشوفهن هيج خاف منهن وبعدين ايجوز امهه امساعدتهه
احمد:خاله اني محترمج لاتخليني امصخهه وياج وانوب اتنكرين لو ما حاسين عليه اصدقائي جان ضاعت عائلتي .بس لو اعرف سويتج شي بايكج كاتلج مخوفج شنو الي سويته فهميني
صار 3 سنين ماشفت بس اللوع والحزن والمستشفى
دخلت حنين تبجي
احمد:وانتي اذا شفت خلقتج كدامي خلي ايكون بعلمج تره ادخل بيج السجن خوش عفت البطل وطلعت واخيرا خلصت منهم ومن المشكله رحت للفندق نمت منا لثاني يوم كعدت ورحت للدوام وشفت سلام بس دار وجهه مستحي وراح بسرعه اني عفته ورحت
من رجعت من الدوام لميت اغراضي ودفت الحساب ورحت للبيت اشتريت كم شغله لموسى صارلي شكد ما شايفه وشابع منه
اول ما دخلت لكيته يم الباب مال حديقه يلعب هو كام وضل ايصيح بابا
شلته وحضنته وبسته حيل وشميت عطره هو هم باسني وضل شابكني
رحت للغرفه وكلت خلي اقوي كلبي ولازم احجيلهه كل الي صار ..............
اتقربت يم الجربايه وكعدت هيه ابتعدت عني
احمد:شلونج
سرى:.......
احمد:سرى الله ايخليج الي صار مو بيدي وراح اكلج هلى كل الي صار
سرى:ابتعد عندي ما اريدك وانته تكرهني اخذتني بس حته اتشبع رغبتك بيه وخر عني اذا انته بخير اني مو بخير واذا انته مو بخير اني بخير ولاتشوفني وجك اكرهك اكرهك ابتعد عني حررني منك وخليني اعيش ويه اطفالي بخير ..
ضلت تبجي واني ساكت
احمد:اذا صدك ترديني ابتعد عنج لازم اكلج الي صار
سرى: انته بس ابتعد ولا توضح اي شي بس روح
احمد:مو قبل لاتعرفين الحقيقه
سرى:ما اريد اعرف
حيل عصبت ماتنطي مجال :اسكتلي وخليني احجي
ضلت ساكته لان عطت عليهه
احمد:الي صار وياي بيوم الي سهرنه اني وياج على موسى ورحنه للمستشفى هناك واني بالدوام اجاني ابن خالتي سلام ام حنين ونطاني عصير كال هاي امي سوته الك واني جنت احب العصير الي اتسوي خالتي بس هاي المرة العصير يختلف حيل
سرى:وشعلي العصير وخالتك
احمد بعصبيه:لاتقاطعيني من احجي فهمتي
كملت :هاي المرة العصير بي سحر
سرى:شنوو
احمد:كلت لاتقاطعيني ...كملت الهه كولش جانت ردت فعلهه واضحه على وجهه بس اتريد تخفيهه وماتكدر
احمد:هذا كل الي صار واني ولايوم حبيت بنت خالتي حنين ولا راح احبهه وراح اكطع علاقتي بيهم للابد ..بقت يمج اذا اتصدكيني اهلا وسهلا واذا ما اتصدكيني اني راح اضل احبج وراح اضل احبج منا لمن اموت
سرى بس تبجي ومنزله راسهه
احمد: شنو تردين اسوي حته اتصدكين
سرى:..........
احمد:سرى لاتسكتين احجي والله سكوتج اخوفني
رفعت راسهه وشفت الدمع اتلالي بعينهه بسرعه حظنت وجهه مخليه على صدري وضغطت عليه
احمد:اسف سامحيني جنت مو بوعيي
سرى:لاتسويهه بعد
احمد:وعيوني وغلات موسى اني ما امسويهه ،اني جنت نايم ورجليه بالشمس ما جنت اتوقع لهاي الدرجه توصل عدهه وتخليني امشي على مزاجهه من تاثير السحر
سرى:اني كمت اخاف من كولشي
احمد:ماطول ربج مخلي بيه نفس لاتخافين واذا متت اني مخليج انتي واطفالي امانه عند ربي
ضلت تبجي بصوت عالي ودموعهه بللن قميصي
سرى من بين دموعهه:اكلك
احمد:عيونه وعمرة كولي
سرى:شوكت تتحرر من اللون الاسود
احمد:ههههههههههه ما اكدر اعوفه لان من صغري علمني عليه جود
وخرت راسهه مني وحجت
سرى:عفيه هذا جود ما خله شي الا وعلما الك شو اني ما جان ايحبني مثلك
احمد:هههههههههه اتغارين ولج غير اني الجبير وبعد 4 سنوات ويلا اتزج ابوج وبس اني بالبيت حته امي ما صارت حامل وراي وجنت مدلل وجدو ..
سرى:هنايلك شكد اتمنيت جدي ايحبني بد ما ايحبك
احمد:اني يمج واشبعي من حبي الج د
سرى:يكفيني حبك
الحمد لله اتصالحنه وعشنه حياتنه بخير مرت اشهر حملهه بخير وصارت عندة بنوته سميتهه رزان تشبه امهه
حمد: اذا مرة ثانيه صرتي حامل كليلي
سرى:ليش
احمد:حته ابتعد عنج وتبجين باليل وتتذكريني دائما ويطلع الولد او البنيه ايشبهوني
سرى :اذا صدك الي اتكوله تجيورة 9 اشهر تلكه لافته مكتوبة عليهه شهيده في سبيل حب احمد توفت بعد 2 شهر من حملها
اجيت وحظنتهه من. ورة وضميت راسه بركبته وحجيت
:لهاي الدرجه اتحبيني
هيه اندارت عليه وضمت وجهه بصدري لان طولهه ما يوصل لجتفي والفارق 13 اصبع يلا توصل لجتفي واني طويل تقريبا 186سم
سرى:لدرجه ما اكدر اني اتوقعهه شكد
ضميتهه حيل لصدري وبسته وخرب الرومانسيه صوت رزان تبجي رحنه عليهه طلعت جوعانه عفتهه اترضعهه ورحت يم ابوي وعمي لكيت الولد كلهم كاعدين ويحجون بموضوع ما عرفته
عمي:يلا لعد يوم الخميس انسوي الخطوبه
احمد:يا خطوبه
ابوي:خطوبة حسام
احمد:يااا على الخير والبركه ..وياهي سعيدة الحظ
عمي:اختك سارة
احمد:بالعافيه ابو السو (هذا لقب حسام )
اجه يوم الخميس صارت حفلة خطوبه اني بنفس اليوم بعد ما اجيت من الدوام رحت على محل ذهب اخذت هديه لسارة واخذت تراجي ومحبين وسلسله صغيرة وبيهه كلب وحلقه لسرى لان اني ما جايب الهه اي شي
رجعت للبيت لكيتهم يتحظرون صحت على سرى ودخلت للغرفه شوي واجتي سرى:ها حبيبي محتاج شي
احمد:تعالي اتقربي عليه
اجتي يمي جنت كاعد على الجربايه وكعدت يمي طلعت العلب من العلاگه
فتحت العلبه الي بيهه الحلقه نزلت من الجربايه وكعدت على ركبتي وقدمت الهه الحلقه وكتلهه ا:اتقبلين تتزوجيني حبيبتي
هيه خلت ايدهه على حلكهه متفاجئه وفرحانه حيل
سرى:ياا احمد غير احنه متزوجين
احمد:هذا بس عقد سيد ..اني برأيي نحتفل وياهم بس بعالمنه الخاص يعني اايوماخطبج وباليل الحفله وغمزت الهه ومن يتزوجون احنه هم نتزوج وغمزت الهه
سرى بخجل: احمددددد لاتخجلني
احمد:يمه فديته الي يخجل عدلت نفسي وطحت عليهه بوس نومتهه واني غركان بحر عالمي اني وياهه وهيه راخيه ،.اخذت ما اعرف شكد من الوقت واني على هاي الحاله منا لمن تعبت وكتلهه
احمد: سرى اطلعي قبل لا اتفواج حفله الخطوبه وخرت عنهه واني اتنفس اتمدد وغمضت عيني اجتني باستني وراحت بس لزمت ايدهه
احمد:انتي الي ردتيهه لنفسج
بس هيه جانت اقوى فلتت ايدي وطلعت حته بقيه الذهب ما وريته الهه حته اتلبسه... راحت واخذت كلبي وياهه صرت ما اكدر بدونهه ولا شويه والا اذا اشبعهه بوس يلا ارتاح شويه ..كملت حفله الخطوبه واكيد ما سلمت مني ..ورحت سجلت زواجنهبالمحكم وطلعت هوايات النه م
وره كم شهر صارت الحنه اشتريت الهه فستان غير شكل كولش حلو وهم اشتريت لموسى ملابيس ولرزان وشتريت الهه تراجي ذهب صغار بعد ما زرفت اذنهه صح اصغيرة بس اريدهه من هذا العمر بأذنهه تراجي حته تتعود والتراجي ايزينن اذنهه
صارت الحفله واحتفلنه بشكل خاص اني وياهه وحته بعيدا عن الاطفال والعرس هم نفس الحاله بس رحت بفندق لمدة 3 ايام اني وياهه والاطفال وحيل فرحت .......
ولهنا تنتهي القصه اتمنى من كل كلبي تعجبكم ياارب
ورَمضان كريم
زهراء بدر بااااي
