احمد
واني بالشغل حسيت اكو خلل بيه ما اعرف شنو شوي ودخل على المكتب ابن خالتي
سلام :هلا احمد شلونك
احمد:بخير وانته
سلام:الحمد لله والله اليوم امي عازمتك
احمد:على شنو
سلام :والله ما اعرف البارحه دزت عصير واليوم عازمتك والله اني بس انطيك خبر اطرش بالزفه
احمد:ههههههههه خوش بس انكمل دوام انروح سوه
سلام :يلا خوش اني رايح اكمل شغلي
بعد ما راح حسيت بدوخه سطرت راسي اخذت بندول هم ما ارتاحيت اجيت اكول لسلام ما اجي بس استحيت اخاف انطاهه خبر انو اجي
بعد ماكمل الدوام راح وجع الراس ورحنه هناك سلمت وكعدنه وتغدينه بس اكو شي بالاكل طعمه ما اعرف شلونه ماينوصف لاهو طيب ولا مالح ولا ماصخ ولا اي شي
قبل لمن تعزمنه جان اكلهه طيب بس هسه لا العصير طيب ولا الاكل طعمه ينوصف ما ارعف شنو كملت ورعت للبيت كبل نمت حته موسى ما شفته ابدا
...
مر اسبوع كمت ما اطيق البيت اظل برة بس سلام ابن خالتي كل مرة ايجيب الي عصير من خالتي حيل استغرب ..
خلال هذا الاسبوع تاذيت حيل كمت اشتاق لموسى وسرى بس ما اعرف شي ايخليني ابتعد عنم من اشوفهم اضوج اني اقنع بسرى واكلهه ظغط الشغل وهيه تقتنع بسرعه موسى كل ما اريد اخذه العب ويا اطلع منالبيت كله مو من الغرفه هو ايضل يبجي وراي اسمع سرى اتهدي وتكله بابا تعبان خطيه خلي على راحته بين ما يرتاح اني اظوج بنفسي ليش هيج ايصير ليه ما اعرف
..مرة خابر عليه رقم غريب جنت بره البيت فتحت التليفون
احمد:الو منو
المتصل :هلا شلونك احمد ما عرفتني
احمد:بلا صغرا بيج ما عرفتج
المتصل :تني حنين شلونك
احمد:ها اهلا حنين شلونج
حنين :بخير اذا انته بخير
ضلينه اسولف وياهه فوك الساعه صار شي ايشدني الهه وصرت اخابرهه بكل وقت
كمت اتنرفز من سرى ودلالهه الي جنت اعشقه وموسى هم ما سلو مني اذا بجه اعيط بوجهه واطلع بره اتصل بحنين يلا ارتاح كمت اطلع وامشي اني وياهه وين ما جان وقوت علاقتي بيهه وبعد ما اعرف شنو صار اليه عبالك جنت بغيبوبه وكعدوني اصدقائي . لكيت بايدي بطل مي واصدقائي واكفين يمي واحنه بطريق فارغ ويمنه سيارة صديقي محمد
محمد:مثل ما جنت اتوقع
احمد:شنو تتوقع واني وين
محمد:انته نت بغيبوة مال سحر
احمد :شنو ...
سرى
بعد ما اجه احمد من الدوام جنت محظره اله الحمام بس هو كبل نام عفته لان هو تعبان وسهر باليل ويه موسى بس الغريبه لاحجه ولا باوع بوجهي ابدا اني عذرته
مر اسبوع وهو على نفس الخاله حيل تعبان ويكلي ضغط الشغل وحته موسى ما شايفه واكثر اوقاته بره عفته خطيه كلت ايجوز مشاكل بالشغل وهم ايجوز عنده شغل ويه اصدقائه ...
بس مرة اجه من الدوام تعبان كلت خلي انزع السترة خطيه بس شو اني من اتقربت صاح عليه
احمد:وخري ايدج عني
سرى:شبيك احمد
احمد:لاتتقربين مني فهمتي
سرى:بس اني ما سويت الك شي
احمد:لج اكرچ اكره لمساتج اكره كلشي بيج وخري عني ....هو دفني وكعت بالكاع وتأذيت وهو طلع ولا جن شي صار اجتي سارة تركض ونوب عاطت
سارة:يمه سرى اتنزفين شبيج
اني باوعت بين رجليه لكيت روحي انزف صاحت عليهم كبل ودوني للمستشفى واني بعد ما اعرفشنو صار ...
كعدت لكيت الممرضه اتشوف الكانونه
رسى:وين اني
الممرضه:بالمستشفى الحمدلله على سلامتج
سرى:ليش شبيه
الممرضه:الحمد لله انو الجنين ما صقط بس لازمج راحه
سرى:ليش اني حامل
الممرضه:اي ...هسه اصيح الدكتوره الج
اجتي الدكتورة وره كم دقيقه
الدكتورة:الحمد لله على سلامتج
سرى:الله ايسلمج ..دكتورة الله ايخليج اطرحي الطفل
دكتورة:انتي شتكولين هذا مو شغلي وهاي روح حرم عليج واني بس كلت لاهلج هم فرحو وليش انتي ما تردي
سرى:فدوه ما اريده
الدكتورة:اني من اتخرجت لحد هسه اجتي كم مرة عليه اتريد تطرح الطفل بس اقنعهه وما تطرحه ابدا ما مسويه هيج عمليه ..وخلي بعلمج اهلبج كولش فرحو بالموضوع لاتحرميهم من حفيدهم
هسه راح اروح خلي يجي اي واحد الي حته اكتب اله علاج وانطي نصائح علمودج .الحمد لله على ااسلامه مره ثانيه وان شاء الله اتجيبينه ويكبر واتفرحين بي ..
راحت الدكتورة واني ضليت ابجي دخلو عليه وشافوني واتحمدولي بالسلامه ..حاولو يعرفون شنو الي صار بس ما كلت الهم ونمت عفت مجال لافكارهم هيه اتحدد شنو الي صار ...
بعد اسبوع طلعت بس مر اسبوع كولش حزين هو لا اجاني ولا سئل عليه موسى شفته كم مره وهو يبجي وايريدني ..
بعد ما طلعت من المستشفى كالت الدكتورة لازم اتنامين على ظهرج وما تتحركين ولازم تاكلين زين وما اتقهرين روحج ..اني حاولت اسوي الي اتريده بس انقهر لان هو ايدز سارة حته اتجيبله الملابس او اي شي يحتاجه ..
دخلت عليه سارة مره
سارة:سرى اني فاتحه مجلس تحقيق وياج كولي كلشي الي صار من البدايه لحد النهايه
سرى:سارة عوفيني الله ايخليج
سارة:والله ما راح اعوفج واني حلفت لو اعرف ما اطلع من الغرفه لحد لمن اتكوليلي
سرى حجيت كوليش الي صارة
سارة:هذا لازم بي شي
سرى:هو شنوالي بي بس فهميني واحد لمن جان ايحبج وهسه ما ايطيقج ايجوز مل مني
سارة:وداعة موسى بي شي صدكيني واله اكتشفه واخلي ايسامحج
سرى: ما اسامح ،.كملت بعصبيه :لج اخوج بس ايريد ايشبع رغبته وبعدين ايعوفني ويخلي بطني طفل ومن ايريد مره ثانيه ايسوي روحه مريض واني الفاهيه اصدك واسامحه ..اني بعد ما اريده
سارة:لج انتي شنو تحجين لا ايسمعون اهلي
سرى:خلي ايسمعون اني صارت حياتي بس حزن وهو يجي على الحاظر ياخذ الي ايريدة ويشمرني
ضليت ابجي وتمددت وغطيت وجهي بالفراش منا لمن غفيت
كعدت على صوت موسى يمي جانت سارة ويا
سرى:موسى حبيبي
هو ضل ايكول ماما
اجتي سارة خلته بحظني بعد ما كعدت وعدلت كعدتي ضليت حاظنته وهو ايبوس بيه
سرى:سارة ولج اتعبج وراح أأمرج ان شاء الله ما ايأمر عليج ظالم سويلي اكل اني وموسى
سارة:هسه رايحه
شوي واجتي اعتقد محظرته منا لمن اكعد ..اكلت اني وموسى وهو فرحان وعلى نص الاكل صاح بابا اني عفت الخاشوگه من ايدي بسرعه اجتي سارة جانت كاعدة يمي بس اخذته ضل يبجي واني هم طاحت دمعتي
بس شفته يبجي مسحت ادموعي كلت لازم اكون قويه بس على مود موسى وهذا الجنين الي بطني مسحت دموعي واخذته من سارة هو سكت ورجعت اوكله واكل صح هو كل شويه ايكول بابا بس ما اهتم اوكله ..
مر شهر كاامل بايامه ولياليه باليل اشتاق اله ولحظنه ولعطره ابجي بس امسح دموعي ..هو ابدا ما شافني خلال هذا الشهر موسى كام ينطق بكلمات بس ما مفهومه هو نطقه سريع مثل ابو ..من الاحظ هذا الشي انقر هو لامخلي شي من ابو الا وماخذه لمست بطني وكلت هم راح تشبه او اتشبيهين ابوج
بجيت واني افكر هو ليش هيج سوه بيه اكيد ما ايحبني ويظحك عليه واني ابجي وعلى النص اتذكرت لمن جنت حامل بموسى هم جنت اجبجي قبل لا انام واتذكر احمد مسحت ادموعي وسكتت بس هنه اينزلن بدون سابق انذار غمضت عيوني وستسلمت لدموعي وللنوم ...
مرة ايام على حالتي الا ان اجه يوم سمعت صوت احمد وهو عصبي شكد اشتاقيلته جنت كل هذيج الايام الي راحت ما سامعه صوتة ابدا .
اني جنت متددة بالغرفه وموسى يمي يلعب هو دخل عليه فتح الباب امي خفت شفت شكله كولش مخيف من العصبيه اجه عليه بس اتقرب مني رجع لحالته الطبيعيه شفت عينه دمعت اجه كعد على الجربايه يمي رفع ايده اجه يلمس خدي بس وخرتهه
سرى:بعد عني ولا تتقرب مني ابدا
احمد:سرى اني اسف بي خلي افهمج شنو الي صار
سرى:اطلع مني يمي ما اريد اتفهمني وخر عني هو كام من يمي مسح دموعه وراح موسى ضل يبجي ويصيح بابا كام ونزل من الجربايه وراح لابو احمد شاله وضل ايبوس بي وطلع دخلت عليه سارة
سرى:شفتي لمن ايريد ايشبع رغبته يجيني اني مليت منه ما اريده
شوي ودخلو عليه عمي وبابا
عمي:سرى انتي لازم اتكوليلنه شنو الي صار بينكم
سرى:باختصار يا عمي ابنك بس ايريد ايشبع رغبته بيه ويعوف بطني طفل هذا كل الي بالموضوع
بابت:سرى احجي عدل
سرى:بابا شنو الي احجي بعد ..كل الي عندي حجيته صدكني
عمو :سولفي من البدايه
حجيت الهم كل الي صارة
سارة:صدكني بابا احمد بي شي ولازم اكو شي مخلي هيج
سرى:سارة كافي اتدافعين عنه
سارة:اني متفهمه موقفج صدكيني واني راح الكه الخلل هيه طلعت وابوي وعمي صبروني شوي وراحو
