احمد.....
ضليت خلال هذا الاسبوع مهتم بموسى احس رب انطانيا حته ايسد النقص الي عندي. مر هذا الاسبوع وصار يوم العرس بدون مهر ولا حاظر ولا غايب ولا خواتم ولا نيشان عبالك ماخذ فصليه ابوي وعمي شرطو اشروط اتهد الحيل اذا اي واحد راد الطلاق ينقتل لان ايصير عار لان احنه امسوين الحرام والحرام عار فيقتلون الي ايريد الطلاق....
دخلت لغرفه اجيت احاجيهه شو هيه اختنذحاصل فاصل اني سكتت اعرف اتخاف مني والي بگلبهه اتريد اتطلعه فخليتهه على راحتهه حاجيتهه وره شويه عفتهه اخذت باكيت السجائر ورحت بالحديقه ادخن شغلت اول وحده وضليت ادخن بيهه شو انفتح الشباك شفتهه فتحت الشباك انطيتهه نظره خاليه من اي معني يعني لاغضب ولاحقد لاغيره لاحب ولا اي شي هيه خافت
وسدت الشباك اني ضليت ادخن وافكر بيهه شلون اذا ما سلكت وياي وطلبت الطلاق اكيد ايقتلوهه ومجرد ما افكر ايقتلوهه ايطير عقلي واخذ نفس بالسجاره حيل قوي.. ضليت ادخن ما احس على روحي منا لمن اجيت اطلع سجارة ثانه شفت الباكيت كمل شفت الساعه بالموبايل ١ ونص كمت دخلت
للبيت وكبل للغرفه دخلت لكيتهه نايمه مثل الملاك رحت سبحت واجيت على الجربايه كعدت دنيت كولش على خشمهه واخذت كل انغاسهه جريت نفس بحيث النفس الي يطلع منهه يدخل الي اخذت الفس طويل وخرت واسترخيت رجعت شميت شعرهه واتقربت يم اذنهه وحچيت بصوت كولش ناصي اني مهوس بيج وبحبج اكيد ماكو واحد ايحب واني ومستعد افديجبروحي
انتي ما اتعرفين شكد احبج اصلا كلمه احبج صارت قديمه... لا اني مهووس لحد الجنون بيج ياگلبي ودنياي انتي بعدت عنهه وعضيت شفتي حاولت استرخي واخذ نفس عدل لان احچي بصوت ناصي وانفاسي قللته حته لاتكعد اخذ نفس واتمددت ضليت اباوع عليهه وهيه نايمه واتأمل ملامحهه ضعفانه عدهه سواد جوه عيونهه بس مو قوي وجهه اصفر.... ضليت اتأملهه منا لمن نمت
كعدت ويه الصلاة لكيت بس موسى على الجربايه خوفت بسرعه رحت للحمام لكيتهه تتوضة ذبيت نفس چبير ودخلت اتوضه.. صليت وكملت رحت اتمدد هيه راحت للفراش الي فرشته
احمد:وين تعالي هنا نامي
سرى:انته مو كلت ماتقرب عليج
احمد:اني كلت ما اقربت عليج مو ما انام يمج حاولي اتفرقين خوش ويلا بسرعه تعالي بسرعه اجتي بسرعه نامت...
مرت ٢اشهر وخلالهن اتندمت لان صرت وياهه حاد لان صارت مثل ما اريد واتسوي الي اريده وبدون اي كلمه من تجيني اتنزل راسهه وابدا ما تخلي عينهه بعيني ولا تشوفي حيل اتندمت صارت خوافه وضعيه ااشخصيه اغلب الاوقات تكعد لوحدهه واذا اكلهه اتكدرين اتطلعين من الغرفه اتروح تاخذ موسى واتروح للحديقه شويه وتجي
واهم من هذا كله اذا حاجيتهه ما تلفظ اي حرف بس اتهز راسهه ب اي او لا
اتاذيت منهه ابدا ما احب اشوفهه مكسوره وهذا كله بسببي..
حاولت احاجيهه ماترضه الا اتخليني اعصب عليهه وهيه بس تبجي وتخاف اعوفهه واطلع اطلع حركتي كلهه بالتدخين....
شغلي بالجيش بطلته وقدمت تقرير طبي على حالتي وكدرت اعوفهه
وبعدهه صديقي شافلي واسطه وتوضفت بدائرة..قبلوني لان اني خريج ادارة واقتصاد..
.حالتي الصحيه صارت مو زينه اكثر من مره اطيح من التعب واصدقائي ياخذوني للمستشفى يطلع عندي ضعف عام هذا الحجي محد يدري بي بس سارة اختي لان مرات اشكي الهه
هيه ما تكدر اتسوي شي لان اهلي مانعين اي واحد يتقرب عليه وعليهه وحتى ابني لحد هه محد لازمه وشايفه وحته الاكل بطلت ماكمت اكل ...
