احمد
مرت ايامي كولش حلوه رجعت صحتي وعافيتي واكثر بهاي الفترة حته سمنت شويه ههه
كمت من ارجع من الدوام لازم اخذ شوط بوس منهه يلا ارتاح .هيه هم اتعودت عليه واتحبني وتددل عليه ...وموسى مشه خطواته الاولى ويه فرح الكل وبده يحجي شوي ..
الكل ظل ايدلل موسى ويلعبون واكثر الاوقات عدهم واني يكفيني وجود سرى واني اتغزل بيهه
احمد:سرى حبيبتي ليش ما انروح اني وياج
سرى:المن
احمد:انجيب هذا الي اينام عليه الطفل هو كاروك وهو جربايه
سرى:ياااا عرفته ..لا ليش خلي يمنه نايم
احمد:ولج شلون ماجاي اخذ راحتي
سرى:ياا الجربايه واسعه تاخذ 3 اشخاص كبار خلي يمنه نايم
احمد:لا عيني اني اريد اجيب اله ،..ماجاي اخذ راحتي
سرى:اشلون ماتاخذ راحتك واكعد نص اليل من اريد اشرب مي اشوفك بسابع نومه ومرتاح بنومك بس فهمني شلون
احمد:يعني تردين اطكهه بوجهج وما اتخجلين اذا حجيتهه
سرى:..... خجلانه
احمد:السكوت علامة الرضا
احمد:اي اريد اخذ راحتي وياج هذا حقي وخذا المرعبص ابنج ما ينطي مجال بس ايحوس
سرى:اي هو مو عليمن طالع غير على ابو
احمد:اني احوس من انام
سرى:اذا انته ما اتحوس لعد اذا تحوس شلون
انته مره اجيت اتخلي رجلك بحلكي ...يعني لايف روحك ونايم
احمد:هههههههههههههههه من شوكت هاي
سرى:من زمان
احمد:زين و حاليا شلون نومي
سرى:خانكني واني بحظنك .. ومن هيه اكلك اذا اموت انته الي قتلتني
احمد:ههههههههههههه المهم بطلت اخوس
سرى:بس الاهم لازم اتبطل تخنكني
احمد:واجب عليه فعُل ذلك
سرى:كلبلي فصحه
احمد:واي لغه تردين
اجيت وحظنتهه من وره وكمت ابوس بركبتهه وهيه مايعه بين اديه
احمد:لج ولله ركبتج اتخبل انطينياهه
سرى:لاتحسدني تره مو الي هاي اركبه
احمد:المن ..هيه دارت عليه وحظنت وجهي باديه ..بيضات وناعمات وصغار يمه غير متت من الحركه هاي تريد اتموتني
سرى: ركبتي ملك لحبيبي وسندي والي يحميني بهاي الحياة ..الك وبس
احمد:لج منين جبتي كل هذه الرومانسيه ..جبتيهه لنفسج تره ومو اتلوميني خوش ..
هجمت عليه طحت بوس بيهه وخيه راخيه بين اديه شويه ودخلت علينه سارة وبسرعه طلعت جان بايدهه موسى ويبجي اني كمت بسرعه واجت وراي سرى
سارة بخوف: جنت اسويله اكل وتعور
رحت بسرعه اخذته جان حلكه بي دم
احمد:سرى بسرعه جيبي اسعافات اوليه بسرعه
سارة:والله ما ادري
احمد:كافي خلاص ما صارشي
ثواني واجتي سرى ضمدت حلكه وبسرعههدة بس خطيه توجه
سارة:اسف..
احمد:كافي سارة شبيج ما صار شي يعني من حرام يوكع
اجه ابوي وضل ايصيح عليهه اعتقد ابوي متعلق بموسى هواي
الابو:ليش ما انتبهتي عليه
احمد:بابا ماصار شيء خطيه هيه جانت اتسويله اكل
الاب:وانته وين جنت عنه
احمد:بالغرفه وبعدين اني مأمن على موسى يم سارة قابل هيه اتكرهه
الاب :اي ضل دافع عليهه
احمد:خلاص انتهينه
راح ابوي وضلت سارة تبجي اجيت حظنتهه وضليت ابوس براسهه
احمد:كافي حبيبتي لاتبجين هو ايحب موسى وعصب على موده لاتزعلين منه
سارة:.،...بس تبجي
احمد:سرى تعالي راضيهه انتي اعرف مني
اني عفتهم ورحت بدلت لان مواعد صديقي نطلع
احمد:سرى اني طالع اتعشو اذا ابطي خوش
سرى:حاظر .دير بالك على نفسك
اشرت عليهه بايدي ورحت
