من الفيس بوك .....
قبل شويه نشرتي قصة بنيه زوجها مزوج خالتها
والاغلب كاتبات حرام مو حرام هل شي
واني صارت بيه وحسولفلجن قصتي
اني عندي بنت اخ ابوها وامها منفصلين لان ابوها حيل مريض وامها عافتها وراحت ازوجت ابوها ورا فتره نطاكم عمره وبقت البنيه من بيت لبيت اخير شي ازوجت وخلفت ولد وبنيه زوجها توفه بالحشد الله يرحمه واني حالتي متمكنه والله رازقني ورازق زوجي وخير من الله فجنت دائما اساعدها وانطيها مصرف شهري وهدوم العيد عليه ودكتور وغيرها وكلشي واجرتلها بيت صغير بنفس الشارع حتى متحس بوحشه واني يمها كلشي تحتاج اني موجوده لان اني مصار عندي خلفه وحاسبتها بنتي المهم ب٢٠١٤ رحت للعمره ومن رجعت لكيتها ببيتي ... ولابسه دشداشه قصيره تفاجئت بس سكتت سلمت عليهم ومن كعدنه وحيدنه كتلها عمه شلون تبقين بالبيت انتي ورجلي ميصير وانتي بعدج صغيره وهو يبقه غريب عليج جان تردني رد يبسني بمكاني ! كلتلي ليش فلان مو غريب رجلي هذا !! بنات متتخيلون احس الدنيا كفختني تكفخ كتلها شنو رجلج جان تكلي اي احنه ازوجنه من رحتي للعمره المهم ماريد اطول عليج بس عاتبتها ورزلتها لان ماعرف شسوي من الصدمه جان تكولي ماشبعتي صارلج سنين فلوس وذهب نطينه مجال !! بنات والله لو ميته ولا صاير بيه هل موقف اني سكتت ومطلكت كلت خلي ابقه بيتي ومالي دخل بيهم هم بالاسم رجال بالبيت
جان تشرط ع زوجي لو اني لو هي وزوجي اختارها وطلكني وهسه هي عايشه بلبنان وخلفت ٢ ولد توأم وحالي ومالي كله صار الها
بعد لثقون بأي احد لان الغدر يجي من اقرب الناس الكم
واني الحمدلله اجرت بيت وكعدت والحمدلله
واسفه على الاطاله حبيباتي
