انفجار في النعمانية
بقلم ورد جوري
النعمانيةهي أحد أقضية محافظة واسط في العراق مركزه مدينة النعمانية يقع القضاء شمال مدينة الكوت بنحو 45 كليو متر،
وتقع على ضفة نهر دجلة جنوب شرق بغداد
نبدي قصتنة
بلسان البطل
حسن*
اني حسن مواليدي 79 مزوج وعندي ثلاث اطفال بنتين وولد واحد الجبيرة اول متوسط والزغير خمس سنوات
زواجي تقليدي
جنت مامفكر بالارتباط
بس بعد ملحة امي ويومية على نفس المنوال
شوكت تزوج وشوكت افرح بيك واريد اشوف جهالك ومن هاي السوالف اليومية اسمعهة قررت اوافق
جانت امي مشغولة وتطبخ باليل لان دوام عدهة الصبح هي مراقبة اطفال بالروضة
كعدت كبالهة
- ها يمة حبيبي محتاج شي شو احس عندك كلام
- اي يمة مو تردين ازوج هسة قررت بعد ماعندي شي يمنع تخرجت واخذت شهادة الماجستير بالهندسة
- ايي صلاوات علة محمد واخيرا وليدي ووحيدي فكر بية حيفرح كلبي ويبني عائلة
الله يسعدك ويفرح كلبك كول يمة ياهي سعيدة الحظ اروح امشيلك عليهة
- يمة انت اختاريلي ماكو وحدة ببالي
بدت الوالدة بشغلهة مخلت ناس مكلفتهم يدورولي ويومية جايبيلي صورة و متعجبني لو زغيرة كلش ومااريد اورطهة لو بعيدة غير محافضة ومابية كل فترة اوديهة لهلهة
- يمة اريدهة من الكوت مااريد غير محافضة
- يمة وين نلكاها من الكوت انوب تريدهة حلوة وجبيرة وكاملة مكملة هاي ماتنلكي بسرعة
- لعد شلون تردين تجيبيلي النطيحة والمتردية ليش يمة شبية اني
- مو هيج القصد بس ماكو بشر كامل الكمال لالله بس
ورة كم يوم امي وكعت ورجلهة تاذت اخذت اجازة يومين وبعد ماانطوهة اكثر
كمت اني اوديهة بالسيارة وارجعهة خطية كوة ساندة نفسهة وتمشي
اليوم الضهر باوعت ساعتي لكيتهة ب12 ونص اخذت زمنية ورحت لامي كلت هم يلة لما اوصل الكاهة ب1الة ربع تريد تطلع
وصلت لباب الروضة لكيت امي واكفة ودتحاجي بنية
ماادري من حسيت كلبي كام يدك وضليت اباوع وصافن على هل جمال
دكيت هورن ونزلت من السيارة هاي البنية سندت امي ومشتهة
واني عيني ماشلتهة منهة لمن وصلت سلمت عليهة امي وكالتلهة الله وياج بنتي هذا ابني اجاني سلميلي على امج
جاوبتهة
- يوصل خالة حبيبتي عندج العافية
- الله يعافيج الله وياج محروسة باسمة
حسن
رجعت للبيت ضليت افكر بهل ملاك الشفتهة
سالت امي عليهة
باعتلي وضحكت
- ها وليدي جنك صدتلك صيدة
ضحكت ودنكت خجلان
- ماادري شو اول مرة ينبض كلبي لوحدة من اول ما شفتهة حسيت عركت وصرت احمر ولزمت كلبي يدك سريع
اني امي كلشي احجيلهة مو بس امي لا صديقتي لان اني الوحيد الهة وابوية توفة وعافني واني زغير هي تعبت وربتني وصارتلي اب وام وصديقة
- اي وليدي هاي علامات الحب
يسموه حب من اول نضرة
شوف وليدي هم خوش ناس وسمعتهم حلوة والبنية دكتورة اسنان توهة تخرجت
بس ترة اهلهة ببغداد بس اختهة هنا بالكوت مزوجة ابن عمهة
- لعد شعجب جاية وشعرفج بامهة مبين تعرفيهة من زمان وسوالف وسلام لامهة
