هلاو حبايبي شلونكم شخباركم رجعتلكم برواية جديدة اسمهه لا ذنب لي وان شاء الله تنال اعجابكم
لا ذنب لي
ب
قلم
إسراء السلطان✏
......................
الكوت _ الاربعاء،12:15 الظهر
اني سماهر يدلعوني سمر اني يلي الكل يتمنة نضرة من عدهه اني يلي الزلم تتمنى اباوع بوجهه اني سماهر يلي ما عندي شهادة بغمزة وحدة مني للمدير خليتة يقبلني سكرتيرة بأول مقابلة عمل
اني سماهر يلي لسانهه طويل وما اهاب احد ويا ويلة وسواد ليلة يلي ما يعبرني وما يحترمني
كل يوم وية ولد طاك اقشمرهم على اساس اني احبهم واخليهم يصرفون علية ويجيبولي هداية ولبس واخذ منهم فلوس حتى اصرف على نفسي ولبسي واجذب شباب الي أكثر ههههه الله يكثرهم مو؟
صوت كعبي العالي وحمرتي الفاقعة وضحكتي يلي تجيب التايه خلة المدير يتخبل علية صارلي شهرين من اتعينت بالشركة قبلهه جنت اشتغل بصالون نساء
استشهاد اخوية بالحرب هوه يلي جبرني اشتغل وابطل من دراستي بصف الثاني متوسط جنت مو زينة بالدراسة ابدد بحيث المدرسة تشرح واني افكر شلون اصالح حبيبي المستقبلي اذا زعل
مثل كل الايام رجعت من الشغل وتعبانة والابتسامة مرسومة على وجهي من الفرح تنورتي القصيرة السودة والشعر يطيرن وية الهوى صابغتة لون اشقر على الرغم من بشرتي حنطية وعيوني صفر بس بشكل عام حلوة عيوني كبار وحواجبي مرفوعات وعندي غمازة وحدة باليمين وحلكي صغير وجسمي يجنن ومليان شوية شنو للالبسة يطلع توب علية عكس اختي الدبة ههههه
شتة والجو طيب اتمشى الوحدي شافني واحد بالشارع اتمشى وحدي شمرلة كلمة كلمتين عبالنة اطي مجال عوجت حلكي علي وهزيتلة كتفي وبنضرة حادة خزرتة ومشيت كملت طريقي بس الكعب مأذي رجلية لو ما العالم جان نزعتة ومشيت ههههه
..
رجعت للواقع اي بيتي هوه الواقع عبارة عن اب مقعد ووالدة كبيرة يادوب تسويلنة لكمة ناكلهه من نرجع من الشغل
بيت صغير وبي بس غرفتين ومطبخ مايسع يدخلون بي 3 نفرات وقلة الحال
وصلت للبيت لكيت الوالدة طابخة مركة شجر وياها تمن وطرشي حامض شلغم هية مسويتة بايدهه الله لا يحرمني منهه
مرحبا يوم
.. هلا يمة الله يساعدچ
شنو طابخة
.. مركة شجر
اووف ميتة جوع كولش أمانة صبيلي
أنت تقرأ
لا ذنب لي
Narrativa generaleرحلو غير آسفين علي رحلو ولم يسألو عني رحلو بعد أن انجبوني ضحية لملذاتهم فالامر لن يكلفه سوى بعض انسانية رحل ذلك الذي يسمى بالاب الذي يفترض أن يكون رجل ويحمل صفات الرجولة رحلت تلك الإنسانة التي قيل عنها (الحنونة) سمعت كثيرا عن حنان الأم ولم اشعر به
