الفتاة ال متألمه 💔

الصدمه 😔💔

لمن كعدت نور من النوم هنا جانت الصدمه او الصاعقه بالنسبه الها لمن شافت جهال عمها يكولولها

شهد: ها نور تسوين روحج قويه و قويه هاي شوفي البارحه خوب كمتي تبجين 

وانتي تكولين مستحيل ابجي و مستحيل

مرتضى: اي والله صدك وهيه تكول حتى لو اجت امي مستحيل ابجي 

هههههه تسوي روحها قويه

هنا جانت لحظه تتمنى نور انو تموت ولا تمر بهاي اللحظه لان تعرف انو 

اذا بجت راح يصير الكل يتشمت بيها على الدمعه الي تنزل من عدها

مع الرغم انو كانو الكل يبجي على اتفه الاسباب 

بس شيفيد بعد الدمعه الي نزلت مستحيل ترجع لمكانها وخصوصا اذا امام شخص

و خصوصا اذا مثل عائله نور المؤذيه 😔😔💔

بعد مسمعت نور هذا الكلام راحت و صعدت للطابق الثاني من البيت الي

تحمل بيه كل ذكرياتها الحزينه و الكئيبه

ضلت نور تباوع ع السما الي جانت مليانه غيوم و سما صافيه سمائيه

و جو حلو كلللش ضلت تباوع و تكول :

اللهي اني شنو سويت حتى احظى بهيج عائله متحس بيه

اللهي والله مسويتلهم اي شي حتى ولا مره اذيتهم

كل مره همه ياذوني اني شنو ذنبي 

شنو ذنبي انو نولدت بنيه

اللهي انته ردت انو اكون اني بنيه اني شنو ذنبي يكرهوني 

ليش هيج شنو سويت اريد شي واحد يكلولي عليه 

اريد جواب لسؤالي يا اللهي 

كانت طفله و صغيره و تفكر بهذا التفكير المؤلم الي مستحيل 

احد غيرها يكدر يتحمل الي اذا كان شاب او شابه يحمل هذا 

الالم الي بداخلها يبين عليه الضعف و الالم

بس هيه ولا مره بين عليها هذا الشي كان كل مره تبين انو هيه قويه 

الي تكون دمعتها عزيزه عليها مستحيل توكع الا على شي

كلللش مؤلم ك موت شخص عزيز عليها او فراق شخص 

نزلت نور ليجوه وره متاملت بهاي الحياه 

تريكت و مر اليوم عادي مليء بالالم و الماساه الى نور كان تقريبا

معظم الشغل كان على نور و هذا كوله والكل ما راضي عليها

متعرف شنو تسوي حتى يرضون عليها كلشي سوت

بس ولا شي صم بكم فهم لا يعقلون 

بعد سنه 

نور ضاجت من البيت تريد تطلع راحت لامها 

نور: ماما ... ماما 

تقى: وجع شكو شنو تردين 

نور: بعد منكسر خاطرها من امها ليش هيج ردت عليها

ماما اريد اطلع للساحه الي مقابيل البيت عمود العب 

تقى: يله روحي بس لتضلين اهواي و اخذي رؤى وياج 

هم تريد تطلع ضايجه

نور: خوش حاخذها ( تفكر بس ب رؤى و اني ترد عليه هيج 

بنتر الحمد لله والشكر بكلبها ) 

اخذت نور رؤى و طلعت وصلن للشارع نور راحت لبيت صديقتها 

و رؤى راحت تريد تعبر الشارع 

وهنا .......