الفتاة ال متألمه 💔

القرار الخاطئ 💔

بعد ما صارت العركه بين تقى و الجده و راحت تقى للمستشفى بسبب الجده
رجعت تقى للبيت بعد اسبوع من الحادثه اتخذت تقى قرار

انو تروح تقى لبيت اهلها بالبصره و تاخذ وياها فاطمه و رؤى
الكل تفاجئ بهذا القرار و شلون رح تعوف نور وحدها هنا بالمكان الي بيه الجده

وتدري كولش زين انو الجده تكره نور و تعتبرها غلطه عمر تقى و حسين 😔💔
اليوم الثاني راحت تقى و تركت وراها نور الي جانت تبتسم و تباوعلها

بوجه بريء حتى وهيه طفله جانت تباوع الها بشكل منكسر و كئيب و تعبان
وهيه عمرها ٤ سنوات فقط وحتى مهتمت شنو حيصير بهاي الطفله الصغيره

وهيه تباوع الها وحابسه الدمعه لان متريد احد يشوف دمعتها دمعتها الغاليه الي مو ع اي شي توكع

من وهيه طفله جانت تكتم كلشي بداخلها و متشارك احد بيه
من وهيه طفله متريد احد يشوفها تبجي تريد تكون قويه ومن داخلها وجع

من وهيه طفله تتوجع لعد اذا كبرت شلون
من وهيه طفله شكلها شكل واحد تعبان من هموم الدنيا و هيه كوله عمرها ٤ سنوات

راحت تقى هيه و رؤى و فاطمه لمده سنه كامله
هاي السنه كولها نور يم الجده و تامر عليها
و كل الشغل عليها

متخلي بنات عمها تشيل اي شي كله نور و نور حتى لو جان الشي الي تريده الجده بقربها
جانت تصيح لنور عمود تنطيه الها

هذا كوله و نور مشكت لا ل  ابوها الي ولا سال على بنته بس من يرجع من الشغل
يكللها جيبيلي هذا وهذا و ميسالها شلونها ولا يسالها اذا تريد تحاجي امها اولا

كان شويه يحاول يخليها تبتسم بس هيه جانت من غير ميحاول ابوها هيه جانت
ضحكتها ماليه البيت مع الرغم انو هيه متوجعه

سنه كامله هيه بالظلم و الغلط و الاهانه ومجانت تحجي لاي شخص
سنه كامله هيه مشايفه امها و حتى مسامعه صوتها

بهاي السنه جانت تكعد نور جوه السما و تكول بنفسها

نور: ماما اذا مجنتي تريديني ليش جبتيني لهاي الدنيا ليش دتخليني اتعذب واني صغيره

ماما اني مو بنتج ليش تسوين بيه هيج ماما كولي الحقيقه اني بنتج لو متبنيتني

ماما ليش تحبيهن اكثر مني ماما شنو سويتلج
ماما والله اسفه لان ضوجتج بيوم من الايام والله مجان قصدي والله مجنت ادري انو انتي حتركيهيني و تحبيهن

ماما والله احبج ليش هيج تسوين بيه
ماما مقصره وياج بشي ماما اريد حتلو جواب واحد ع هاي اسئلتي كلها

جاوبي حتلو ع سؤال واحد
ماما شنو سويتلج و شنو سويت الكم
ليش تكرهوني ماما والله ممسويه شي والله

ماما ليش جدتي تكرهني شنو سويت الها ماما
ماما ليش بابا ميهتم بيه
ماما ليش الكل يكرهني لييييش

ماما يمكن صرتو تكرهوني لان ذيج المره شربت العصير الي مخلينه بالثلاجه
ماما والله مجنت ادري انكم حتكرهوني لان شربته والله اسفه مراح اعيدها

ماما حتى عصير البرتقال بعد ما اشرب بس رجعيلي
ماما ليش علكتيني بهاي الحياة

ماما هاي الحياة مترحم حتى الصغير 😭😭💔

كانت نور تحجي و تباوع للسما و دموعها تنزل على خدها
دموعها صارن اكثر من قطرات المطر
كانت طفله و هيج موجوعه

بعد ما هدت شويه نور كالت ماما ادري بيج تكرهيني و انته هم بابا و انتي هم جدتي و انتم كلكم تكرهوني

اسفه خاف ضوجتكم هاي هيه اني راح اروح واخلصكم من عندي مع السلامه

وكفت نور على الحايط مال السطع وتريد تنتحر و وره شويه صار ......... 😭😭💔

احيانا سكوتي و قوتي و عدم بكائي مؤلم جدا لذا ارحموني ارجوكم 😔💔

الكاتبه #نور_الحسيني