مريم : ضليت صافنه على امي و دموعي تصب تذكرت مرة سولفتلي على خالت بيها نفس حالت بس ماتت قبل لا يلحگون يعلجونها و زادت دموعي اكثر و اكثر الطبيب راح جاب ابرة مهدئه لماما و و انطاها الابره و نامت و اني صافنه و دموعي بس تصب اشوف مصطفى ديحجي وياي بس ما افتهم شنو الي جاي يحجي احس اذاني مشوشه اخر شي حسيت عيوني غوشت كلش و بعد ما حسيت بشي بس اسمع صوت بس ما اميز الكلام الي اسمعه و عيوني اريد افتحهن ما اگدر .......
مصطفى : حيل انهاريت من شفت ام مريم هيچ تصيح و الكلام الگالته حيل اذاني و قهرني و خلاني اخاف اكثر و اكثر على مريومه خاله ام مريم گامت تبجي و تشهگ و تصيح حيل راح الدكتور جاب ابره مهدا و نامت .... اباوع ع مريم حسيتها تريد تتخربط دموعها تصب و صافنه احجي وياها و احسها مجاي تسمع احسها صارت بغير عالم غمضت عيونها عرفت بيها فقدت الوعي ركضت عليها ضليت احرك بيها و اصيح ع الدكتور اجه و انطاها مهدأ و ظلت نايمه ظليت صافن امها من صفحه و هي من صفحه ما ادري شسوي وحدي اتصلت على امي و حچيتلها و گلتلها يمه روحي للسوگ و جيبيلهم ملابس و تعالي للمستشفى ورة تقريباً ساعه ونص اجت ماما
ام مصطفى : ها يمه ها حبيبي طمني شلون صارن
مصطفى : بعدهن ثنينهن نايمات و المهدأ ٦ ساعات يلا ينتهي مفعوله
ام مصطفى : سودة عليه منين اجاها هذا باع يمه جبتلهم ملابس و غراض و هاي فواكه طازجه و عصاير طبيعيه جبت هاك يمه
مصطفى : عاشت ايدچ يوم ربي يخليچ الي
ام مصطفى : و يخليك الي يبعد امك
مصطفى : اگلج يمه
ام مصطفى : ها يمه
مصطفى : ابويه عرف
ام مصطفى : ايي يمه گلتله
مصطفى : و ما كلف روحه يسأل
ام مصطفى : يمه انت تدري بابوك و تعرفه كلش زين بس گال خلي مصطفى يشوف شنو تكاليف السفر و العلاج و اني ادفع من الربع للمليار شتريدون
مصطفى : اووف شوكت يحن گلبه شوية
ام مصطفى : لا تحجي هيج يمه مهما يكون هذا ابوك
مصطفى : ايي يمه چا انا شحچيت
... شويه صارت هدوء امي ظلت مگابله مريم و تقرأ قرآن و دموعها تنزل
..
يمه راح اروح اسبح و ابدل و ارجع ما اتاخر
ام مصطفى : ايي يمه روح اني هنا
مصطفى : ديري بالچ ع مريم بس تگعد انطي خبر للدكتور
ام مصطفى : ايي يمه تدلل
مصطفى : يلا يمه رايح
...
رحت طبيت للبيت صعدت گبل لغرفتي نزعت ملابسي و طبيت للحمام فتحت المي البارد و صرت جواه حسيت روحي ردتلي بعد التعب و التوتر المريت بيهن سبحت و كملت لفيت المنشفة على جسمي و طلعت دا ابدل و اندگ الباب صحت منو
ابو مصطفى : اني
مصطفى : تفضل يابه
ابو مصطفى : شلونك
مصطفى : الحمدلله
ابو مصطفى : و بت عمك شنو وضها
مصطفى : والله بعد ما ندري راح نسويلها تحاليل و نطلعها للهند و هناك يقررون
ابو مصطفى : ايي و منو يروح وياها
مصطفى : اني
ابو مصطفى: هاا خوش مقرر و مرتب الوضع
مصطفى : بابا رجاءآ عوف الماضي وراك البنيه تصير بت عمي يعني من دمي و لحمي و بعدها صغير عمرها ما صاير ١٨ و ما عدها احد شتريد يعني اعوفها وحدها تروح
ابو مصطفى : ليش مو عدها ام
مصطفى : لازم وياها رجال
ابو مصطفى : اذا انت تروح اني ما مستعد ادفع تكاليف العلاج بس اذا تريد خل تطلع هيه و امها وحدهن و اني اتكفل بيهن
مصطفى : و منو گلك نريد منك فلوس خلي فلوسك على گلبك نايمات و من تموت ندفنهن وياك من لئامتك و حقدك
ابو مصطفى : احترم نفسك يا ادبسز متستحي تحجي هيج ويه ابوك
مصطفى : كافي الله يخليك شوف حچيك و تصرفاتك و بعدين لومني على كلامي
ابو مصطفى : اسمع هذا الكلام زين اذا تطلع من البيت و تروح يم بت عمك بعد ما الك دخله على هذا البيت
مصطفى : الله لا يعوزني على فلوسك و على بيتك و اني الي اتكفل بمريم اني الي اسفرها و اروح وياها و اضل وياها خطوة بخطوة
ابو مصطفى : خوش يلا اطلع بره
مصطفى : ايي اكمل لبس و اطلع ما باقي بهذا البيت اني
ابو مصطفى : روحه بلا رجعه يلا
مصطفى : ....
.... ....
لا تنسون التصويت اذا عجبكم البارت 😊🌹
