مريم :طبيت للمدرسة و خلص اليوم عادي بس دروس خلص الدوام و طلعت لگيت مصطفى منتظرني و يباوعلي و مبتسم اني هم ابتسمتله البنات و المدرسات ظلن يباوعن علينه عبالهم حبيبي 😂 صعدت بالسيارة و سلمت عليه ..
مصطفى: وصلت مريومة و رحت لجامعتي تأخرت على المحاضرة و چانت مهمه حيل و اول مرة اتاخر على محاضرة المهم طبيت و الاستاذ سمحلي افوت كملت المحاضرات المهمه و اني اصلا ممنتبه للأساتذة بالي كله مشغول بمريم 😍 عيونها متروح من بالي طلعت من الجامعه و رحت انتظرتها اباب المدرسة طلعت و عيونها تدور عليه شافتني ابتسمتلها و هيه هم ابتسمت الكل ظل يباوع علينه عبالهم كبلات 😍 الله يجعلنه❤️😊 المهم صعدت و سلمت عليه ..
مريم : مرحبا شلونك ..
مصطفى : يا هلا الحمدلله انتي شلونج ..
مريم : الحمدلله ...
مصطفى : حركت السيارة و مثل الصبح طول الطريق ساكته حاولت اغير جو فتحت اغاني گلتلها مريومة شتحبين تسمعين اغاني
مريم :اي شي هادئ أو حزين بس الاغاني الهوسة و الطربگه ما احبهن
مصطفى : فتحت هيثم يوسف (احباب الروح) و..
مريم : الله خليها احب هيثم ......
مصطفى : خليتها و مريم اندمجت تغني وي الاغنيه و صارت دموعها تصب وگفت السيارة گلتلها شبيچ مريومه ليش تبچين ... صارت دموعها تنزل اكثر و شهگاتها قوت گانما چانت تنتظر أحد يسألها هالسؤال احس روحي تطلع وي كل دمعة تنزل من عينها سحبتها لحضني و ضميت راسها بصدري و استمرت تبچي و بچيها يكثر ما يقل و حاضنتني كل قوتها حسيتها محتاجة هالحضن من زمان ظلت تبچي إلى أن حسيتها رخت أيدها و بس تشهگ شهگات خفيفه مثل الطفل من يتعب من البچي عرفتها نامت ....
مريم : اندمجت كلش ويا هاي الاغنيه و تذكرت بابا شگد افتقده و افتقد حضنه اختنگت كلش و گمت ابجي مصطفى وگف السيارة گلي شبيچ مو عبالك گلي شبيچ عبالك گلي ابچي بعد اكثر اختنگت اكثر و زاد بچيي سحبني و خله رأسي بصدرة و حضني و اني هم حضنته كل قوتي كلش چنت محتاجه حضن صح اني و ماما علاقتنه كلش حلوة شقه و سوالف و ممقصرة وياي بشي بس ولا مرة حاضنتني و محسستني بالأمان گمت ابچي و اشهگ حيل الى ان محسيت بشي بعد غير على صوت مصطفى و هو يگعدني ...
مصطفى : مريومة گومي يعيوني گومي وصلنه ...
مريم : كمت و فتحت الباب نزلت من السيارة و وگفت حسيت الدنيا گامت تفتر بيه و عيوني غوشت و وگعت اسمع بس صوت مصطفى ما افتهم شيحچي بس اسمع صوته .....
مصطفى : نزلت مريم و ابوع عليها حسيت بيها راح توكع لان وگفتها مو متوازنة نزلت من السيارة و هيه وگعت بالگاع رگضت عليها و خليتها بحضني
مصطفى... مريومتي گومي يعيوني شبيج يروحي فدوة اروحلچ فتحي عيونچ
بقت فاقدة الوعي حطيتها بالسيارة و اخذتها للمستشفى ....
.
.
.
.
كلش اعتذر ع التأخير و البارت القصير بس ملحگت اكتب اكثر أن شاء الله الخميس انزل بارتين ❤️
و ليش ماكو تصويتات 😢
