خيرات ياحناتي😃 اش حالكن طيبات ان شاء الله انا مقبوله كان اذكرتني😁 مقبوله مراجع امجيحيد
ماعلينا جعنكن ما اذكرتن😒
نحكيلكن شن صار 😢 من مأساتي
احم✋
وين طقينا اه من طيحة الفرح😢 الي محد نساها والصاله سموها طيحة مقبوله لمهزبه😢👊 و وحصلو شهرة مني😒 الي هذه تبي ادير فرحها في صاله وتقعد تضحك خزي محماط😒
طبعا بعد طحت والناس ضحكو واسبوعين ماحكينش انا والبلاء محمد 😒
محمد.. مقبوووووله😲
انا.... نعم جنبك رآه طرشتني داء😡
محمد.... شن قلتي سمعتش كويس
انا... قلت شي يرزيني فيك
محمد ... نعم عاودي
انا.... حمادي شن تبي دااء
محمد.... نعم سمعت داء تهيالي
انا.... لا قصدي دادي نبي نعديله اليوم😒
محمد.... اهااا دادي صار ومن امت بوك مراجع قعد دادي وحركات ياااي
انا.... شنو خير مني اختك منال البارده😒 واخده في روحها مقلب تحساب روحها أنجلينا جولي
هو... مقبوله امشي من قدام وجي رآه تحقي في السباط هذا يجي علي وجك👊
انا.... طبعا كلام الحق وجاع اقعد بروحك راك تدحنس بعدين بس😒
وطلعت سيبته
شفتن 😭 قهايري لا رومانسيه لا حتى أسلوب 😢 بختي عطيب شطيب شفتن الجواز الي نعيط عليه ليل نهار😭 والجمال الي نبيه
مافيشي فايده😒
رنيت علي سعاد سلفتي
سندس تهبل بكل جمال تي اتهبل
عيون كبار وزرق وشعر اصفر ولخدود الحمر رباني والبياضه اجنبيه إلا خمسه😢 وانت يامقبوله غوله إلا خمسه 😢
ومجوزينها ل خوه فتحي المحمض😢 وطول ما الطريق قدامك وانت تجري😂 بشع استغفر الله 😨 بطلن ضحك خلقة ربي😒
المهم ديما يقولو للمحمد ياريته حظك كيف فتحي هذه أمه السوسه😒👊
سندس... الو مقبولة
انا... أهلا شخبارك
سندس. ... الحمد لله وانت
انا...الحمد لله ها مافيش خبر هكي ولا هكي
سندس.... حي قالو منال جاها عريس
انا... احلفي😨 هالبقره من بيجوزها
سندس. ... ماني عارفه😒 المهم جايا ل لمت سعاد اليوم
انا ... اها اول وحده😊 آماله انفوت عليه عركتها هي وعمتي😂
سندس.... نالقانك حقيره😂
انا..... باهي صكري خليني نوتي روحي😒
سندس... بأي
انا.... باي😒 سحيقه طبعا انت مش مستحقة تغسلي وجك وتطلعي😢 وانا نحرق وانزوق وهذا كله مايصير شي😭 خزي😒
انا.... حمااااادي. ميدووو.
هو.... شن تبي من لاخير😒
انا. ... حبيبي نبي نمشي ل لمة سعاد😢
هو... إلا 😠
أنا. ... ياحبيبي انحبك انا😍
هو..... مقبوله بطلي حركاتك😒
انا... عمري😍
هو... امشي😡
انا... باهي نبي فلوس
هو.... قعمزي وهنيلي روحك فلست من وراك😒
انا... حبيبي بصوت سحنوني 😍
هو. ... خودي من الدرج😒 اصلا هذا الي مضيعني 😒 شفتي من الي يدحنس توا👊
انا... خساره فيك😕
هو... هيتي لفلوس
انا..... حبيبي كنك😍
انا لبست و وتيت روحي
انا.. محمممممد طالعه
هو..... والغدا
انا.... سمسام وهو يفكر في بطنه😒
هو.... وين الرومنسية الي امبدري 😒 ولا توا انقلبتي مقبول
انا.... ه ه ضحكت😒 وبعدها👊
هو.... نبي الغدا😤
انا.... دير دحي ولا أي حاجه سلام😒
عنجد الغدا ونفوت عليا المصارعة الحره😂 وانا متشوقه
وصلت ....
يتبع☺
