عمتي.... ورأس مينتي سحر وانا مش ساكته 😒 تو تشوفي
روحنا للحوش ودايره روحي المكسورة المجروحه
محمد... مقبولة
انا. ... مع الوجه الحزين 😔 نعم
محمد....حبيبي كنك ياروحي معقوله تزعلي من امي
انا.... لا اش إعلانه 😔
محمد.... لا ياعمري زحلانه حبيبتي 😘 نجيها ليا الزحلانه نموت فيها😘
انا.... انا أكثر 😔
محمد.... حبيبي خلاص عاد عارفه امي من يومها هكي انا صغيرها ومش متقبله حد ياخد ولدها انت عارفه الأمهات
انا.... باهي شوف كيف تعامل في سندس😔
محمد.... ماهو قتلك حبيبي عشان انا دلوعها وصغيرها وسندس جايه قبلك واكيد مازلت مش متقبله الجديد عادي حبيبي المهم تزعليش روحك كم عندي لولى انا😘
انا... اصلا نزعلش منها عارف ليش
محمد.... ليش
انا... لأن جايبتلي أحلى حبيب في العالم
ماتبكوش 😂 شفتو البراءه
محمد.... تي نعليا منك ياكبيدتي واضبطني معش نبي انشوف الوجه هذا باهي ☺
انا .... باهي😘
محمد.... تي وين مقبوله الهبله😂 والله الحق استغربت
انا.... محمد😡
محمد.... لالا خلاص عمري انحبك
انا.... حتى انا انحبك😘
نجو عند فتحيه المرزيه😒
فتحيه..... اهلين كيف حالك
سندس. ... الحمد لله عميمه وانت
فتحيه.... الحمد لله وشن دايره مع الحمل
سندس.... أهو تعب
فتحيه ..... ربي يعاونك. .. قتلك تعرفيش شي وحده تعرف جو السحر
سندس.... هيييي ليش😨
فتحيه.... تي غير تعرفي ولالا😒
سندس... والله نعرف جارتنا زمان مغربيه بس توا مانندريش عليها
فتحيه.... واسألي عليها شوفيها ليه
سندس...غير قوليلي ليش
فتحيه.... بنشوفها ل مقبوله 😒 عطها موت
سندس..... اهاااا😀 تو نشوفها
فتحيه. ... باهي نرجى فيك هي مع السلامة
سندس.... مع السلامه
وعمتك فتحيه تخطط لمصيبه😒
ودق باب حوش فتحيه وعدت فتحت
انا.... خير ياعميمه
محمد.... كيف حالك يا أمي توا
عمتي.... انضر شن بيصير شكلي بنموت😨
انا.... بعيد السو فيا ولا فيك طبعا في خاطري هي سقدينا 😒
عمتي.... ياريتها فيك😒
محمد..... أمي كنك هكي معاها
وانا عاد بدن دموع التماسيح😁
عمتي.... زيدي نزلي هالدميعتين اضحكي علي محمد كلا انا عرفتك لفعه وترجي امت تلضغيني 😒
محمد..... هي مقبولة خلينا نركبو شكلها امي ماتبينش 😕
عمتي.... لا ياوليدي انت مرحب بيك والحوش حوشك بس في ناس😒 خليها ساكته
انا.... عميمه ماتبي شي
مع الوجه الحزين البريئ 😔
محمد .... هي انا راكب معاها
شكرا يا أمي
عمتي....😕 ياودي غير من امت تقوليلي عميمه
وركبنا😁 ولعبت الدور صح😁
عمتي..... انضر علي شن ناويه😒 تبي تكره ولدي فيا هالمنجوها
محمد .... حبيبي تزعليش☺
انا.... لا مش زعلانه المهم انت جنبي☺
محمد... لك يؤبرني الحلو😘
وكسدت في الحوش فتحت النت
ولقيت بنت في قروب الشباب وراها عرم😕 كلهم غير شن تبي طبعا عارفين فضولي خشيت ضفتها و هدرزنا ولقيت حاطه صورة عيونها زرق وشويه من شعرها اصفر انا قلت عندهم حق الي وراها نالقانها طرف شكلها وممكن عدسات وقعدنا نحكو كم يوم وطلبت رقمي وعطيته لها ورنت عليا البنت صوتها رقيق بكل قلت انا البنت وانعجبت بيها 😕 مشاء الله الحق لعند توا تمام وفي يوم رنت عليا قلتلي اليوم تلبيستي بيش تجي طبعا انا ولا يمكن ابدا انفوت تلبيستها
انا. ... حمادي
محمد..... انضر شن تبي المره هذه
انا.... حبيبي اليوم عزمتني صحبتي علي تلبيستها وانا نبي نمشي
محمد.... باهي
انا.... انحبك وبست علي خده
هيييي كنك محول اللحيه
محمد.... هذا وين فطنتي😒 مانك معدله عليا بكل
انا.... وليش تحولها عارفني نحبها
محمد. .. ماهو بنشوفك تركزي ولالا وامس حولتها ومش فاطنه وجك في التليفون وخلاص😒.
انا.... معليش حبيبي سامحني 😔
محمد.... خلاص عادي
انا... ميدو
محمد.... استغفر الله ماتعرفني إلا وقت المصلحه😕 شن تبي
انا .... حبيبي نبي قفطان جديد
محمد... والي عندك 😕
انا... معش يجن عليا
محمد.... مش منك رايحه دوبه😕
انا.... في عينك انت الدبه😡
محمد .... عدي بحتي روحك في المرايا
انا.... بس والله مش واجد
محمد .... اها بس قصدي زايده عن قبل
انا.... اها ماهو من خير حبيبي هذا😘
محمد .... نعليا كلبوزتي😍
انا.... ها نشري قفطان☺
محمد.... باهي😕
وطلعنا للمحلات 😍 واخترنا انا وياه قفطان 😍
انا... حمودي
محمد.... قفطان وشريتي شن تبي آخره
انا... كندره واكسسوارات وشنطه وميك آب بس
محمد.... لا والله شويه بلكي تزيدي 😕
انا.... حبيبي ماهو بيش يقولو مرات محمد انيقه.
محمد.... باهي😕 الله غالب عليا
ونزلت شريت كل حاجه😁
انا.... حبيبي
محمد.... بتجلطيني شن في اخره😨
انا... انحبك بس😍
محمد.... وأنا انموت فيك كلبوزتي 😘
انا... مش كان اتكي علي مطعم خير😁
محمد.... والله قلتها انحبك هذه مش ع الفاضي حافظك انا😕
انا.... به 😑 ها تكي علي مطعم هيا
محمد.... به بس في الحوش ناكلو راه😕
انا... به😒
وكلينا وعديت لبست قفطان اسود طويل وظهر👗 مفتوح وكندره حمره👠 واكسسوارات حمر
وطلقت شعري الطويل ونعليا طلعت نهبل ودرت ميك اب ولبست عبايتي
انا.... هيا محمد
محمد....😱 هذه انت
انا.. آماله غولتي😒
محمد .... نعليا😍 طرررف
انا....نجك ليا😘
محمد.... شن رأيك تقعدي تكسدي معايا 😍
انا.... ديمة مكسده معاك😒 هيا فكنا من الجو
وعدينا وصلت سلمت عليهم وين نور البنت اسمها نور😁 قالولي شويه وتطلع
وطلعت وياريتها ماطلعت😱 omg مش عارفه شن نقوللكم سمييينه بكل 😨 وطويلة بكل😨 العملاق الاخضر قدامي😨 مافيش أي انوثه😰
لما تمشي نحس في الحوش يهز😨
جت سلمت انا صبيت لا اراديا😨 ومن طولها ماقدرتش انسلم عليها لعند ماقمعزت😂 لعند هنا انا ماسكه ضحكتي وجت ام العريس 😂 وهي صبت والفضيحه الكعب ينكسر واطيح علي أم العريس😂 والله قلت ما يطلعوها من تحتها إلا ميته😂 وطلعوها مسكينة وياناري عليها أم العريس تعرج طلعت انضني انكسرت كراعها
وبعدها جو يلبسولها في الطاقم العقد أو السلسة مابتش تسكر 😂 رقبتها تقول جعبة 😂 المهم جابولها سلك وداروه لها في العقد وانا حاطه مخده في وجي ونضحك😂 معش
#يتبع ❤
