انا حاطه مخده في وجي ونضحك😂 معش قادره 😂 حي ع الدبله ماخششوه لها إلا بعد قلوني زيت😂 وانا نضحك بنموت😂
المهم ما كملو إلا وام العريس تزحف زحف😂 مسكينة وجعتني وحق ربي😂 والله تقول طاحت عليها عماره سلامتها كبيره يابتي😁
وانا بنروح ونضحك والكحل سايح ولرموش وحده بطيح واللخره لاصقة في خدي 😂 والروج واصل لعند عيوني اصلا انتو مش عارفيني لما نضحك😂 الصبايا الي جنبي صبن كلهن😂 لما نضحك ضروري من الحركه والتصفيق وتخبيط الي جنبي ونصبي ونقعمز وانطبس وانصبي وانطيح ع الي احدايا ونعبيها روايل😂 ونزيدن من الشعر بيت😂 واخده المخده وحاطتها علي وجي بيش يسمعونيش وانا نضحك😂 مش مهم الحركات😁 ماعلينا المهم اديرنش رواحكن عيت ياي وما اديرنش فيها😒 فكنا من الكذب اصلا حلاوة الضحكة هكي😂 كان هذا فيهش جو😂
المهم بعد المعناة هذه كلها سلمت ع البنات قصدي البنت اسمها نهى بس تقول عرم بنات😂 مشاء الله ✋ راك تعطنها عين أمها من امبدري تقرأ في الفلق وتبخر فيها😂 خايفات عليها اها آماله شنو طريف البنت😂
وقبل ما نطلع عطتني باكو في صورتها من فوق صورتها وهي صغيره الله الله لما كانت نهى وحده😂 توا مشاء الله عرم 😂 وطلعت وانا ماسكه الضحكه وجاء محمد وركبت السياره
محمد..... بسم الله الرحمن الرحيم كنك هكي😨 شن صارلك
انا.... وووه يامحمد فاتت عليك البنت😂
محمد.... كنك بسم الله أين بنت وشنو فاتت عليا😕 وكنه وجك هكي😨 متعاركه مع حد
انا.... هههههه لا مش متعاركه😂 نحكيلك ع الي صار😂 ياحنه جو هل العريس............
محمد.... ههههه😂 بس فضحتي بيا قدام الناس كنك هكي😡 وبعدين خلقة ربك هذه ليش تضحكي😒
انا..... عليك نكدي كلا انت😡 مش كنت تضحك😒 ولا لازم 5 دراما😕
محمد.... الهازي مبتلي كيف تضحكي ع الناس وانت بتجيبي عيال اه
انا.... حي علما حي عليا زعمك 😨
محمد.... آماله شنو😡
انا..... سامحيني يابنيتي شاكه فيك بتطلعي الا ضفدع في آخر حلقه😰
محمد..... ضفدع😂 كنك
انا.... 😢 اسكت حي عليا بنيتي حي عليا بتقعد في رقبتي😭 يانا عليا يابوي
محمد.... كنك مطرشقه انت😨 تي غير خليها تجي قبل وانت دايره عزاء😒 من لا شئ
انا....😢 كله مني
ووصلنا للحوش ومحمد طلع لأصحابه ورد
خش عليا لقاني رابطه 3 محارم فوق راسي واحدايا 5 باكوات مناديل وكاملات فاضل باكو واحد والسرير معبي مناديل والخشم واخد حيز من الفراغ في وجي كبير رايح واحمر ولعيون اسكرن بكل من لبكاء والكحل سايح علي وجي منضري يهرب لحمار😢
محمد..... كنك😨
انا.... يانا عليا يابناياتي يا كبيداتي يانا عليا بتطلعن ضفادع يانا عليا كله من أمكن يانا عليا يابختي الاسود يانا عليا😭 يانا عليا كله مني انتهزا ع الناس😭
محمد. ... انكلم الرويعي؟
أنا. ... 😢 كلم حتى ضفيدع😢
محمد.... كنك انجنيتي رسمي😨
انا ..... يانا عليا يامحمد راجعت الماضي ولقيته كله أسود في اسود😢
محمد ..... تي كنك انت مش طبيعيه استهدي بالله😕
انا..... لا اله الا الله 😢 ياااااربي سامحني😢 والله معش نعاودها
محمد..... ههههه😂
انا.... كنك تضحك انت اه😡
محمد... شوفي روحك في المرايا تو تعرفي😂
انا صبيت و بحتت في روحي😨 اااه😲 يا ماما كنه منضري هكي
محمد...... ههههههه😂
انا.... تضحك انت 😢 مش عاجبك شكلي😭 قعدت انا الي ضفدع😢 وراجلي بيطلقني😢 حي عليا😭
محمد.... هبولتي 😂 كنك انت هكي في نضري أحلى وحده😘 لأن انحبك بجميع حالاتك😍 ويا حبيبي عليش اتعبي في روحك وتبكي انت سمحه حبيبي وانا سمح اكيد عيالنا كيفنا ومزال بدري تبكي وانت مازلتي ماشفتيهن ليش وبعدين الي كاتبي ربي يصير ونرضو بيه
انا...😢
محمد معش تبكي ياهبله😊 واضبطني
محمد.... خلاص مسحتي خناينك في فلينتي😂
انا.... محد قالك اضبطني😒 بعدين صقع عليك خنايني 😒
محمد.... عدي ياهبله دوشي توا😂
عديت دوشت وطلعت تعبانه من لبكاء عزقت روحي ع السرير ورقدت
محمد.... مقبولة. .. مقبولة رقدتي
وانا في سابع حلمي
محمد.... جعان😢 تو نلبز بروحي وخلاص
ثاني يوم نضت علي الباب يدق قريب ينهد من الدق😒
انا.... اممم محمد نوض افتح الباب😩
نضت بحتت مالقيت حد قلت اكيد محمد يدق
وطالعه بهذك الشفشوفه ووجي مش غاسلته ومنضري فضيحه وماشيه ومازلت نحلم
انا.... تي باهي 😒 مش عارفني راقده
وفتحت الباب
انا....😱
#يتبع
