وصلت للقاعه وهنا من الضحك لعند معش مسكت روحي ومعش طقيت في الحمام😂😂
طبعا خشيت انفجعت من منضر العروس😂😂
شعرها صابغته احمممر 😨 مش أحمر الحلو لالا أحمر لون الدم😨 ومخصلته بالاخضر ..الدنيا ربيع والجو بديع😂 فاهمة الموضه غلط😂 وهي سمره مش سموريه الحلوه
سموريه الي تقعد شكلها محشن😂 والفيلو قصير من قدام وطويل من لاوره وأمبينه كرعيها مش كرعين عصاتين هن 😂 كان سترت روحها ولبست طويل😂 بتحط نفسها في مواقف بايخه ليه😂 ومحنيه جسمها كله😂 بتورينه رآني محنيه😂 مش هكي ياهوماره😂 والشورب رايحات تقول فلوكه😂 وماعندهش عيون😂 ._. وخشمها مسفط😂 خلاص استغفر الله خليتوني انرد للعادتي القديمه 😨 بس والله من الضحك ماقدرتش انكمل 😂 خشيت للحمام طول
المفروض يحطوها في قنوات الرعب الكوميدي😂 لأن ماتعرفيش تخافي ولا تضحكي😂
ماعلينا فكونا من العروس😒 😂
المهم خشيت ونضحك مش قادره😂 وقابلت عمتي
انا... هههههههههههه
عمتي.... إن شاء الله خير كنك تضحكي 😒 ضحكينا معاك
انا..... شفتي العروس😂😂 وووك جانبي
عمتي... شفتي روحك قبل😂
انا.... كني😒
عمتي ... لا ماكنك شي وبعدين العروس أحلى منك ب مليون مره
انا....ههههههههههع😂 به
وتعشينا 😂 كشيك في فمي وكشيك ع الوطاء من الضحك خلاص معش قادره
عمتي.... 😒 ان شاء الله عقل
انا....😂 والله مش مني
عمتي.... هييي ياكبدي هيييي 😒 فضحتي بينا ياعطك مايرزيك ف هالفم 😒
انا.... خلاص سكتت😂
وسكتت وتعودت ع المنظر 😂
وبعدها معش قدرت نالقانه صارلي تبول لا إرادي 😂
العريس😂 وووووك😂
سمييييييين ميييييين مييييين 😂 نعرفش من وين فصل البدلة الي لابسها😂 تي فرده من سرواله يديرو بيها خيمة لل لاجيئين😂 والله يكسب فيهم اجر😂
وخش داهش تحسابوه ركب للعروس😂 تو تو ركب للعصير دخري😂 قرطع 3 ولا 4 كبايات قصدي كيسان😂 و كلا كم دور من التورته😂 وقعمز إحداها هي اختفت😂
والله معش شفتها انضني قعمز عليها😂
وانا طحت ع الوطاء😂 معش قدرت نضحك ضحكة رابحة والناس التمو يحسابو فيا حاجه ولا ممسوسه😂
المهم عمتي كلمت محمد شالوني للمستشفى 😂 صارلي تشنج في فمي معش اسكر😂
وقعدت 3 أيام نضحك😂 وحق الله منضر فستري😂
محمد.... مقبولة بلكي سادك ضحك
انا..... مح محم محمد انت شفتتتتش منضر من منضرهم😂 تي فس فس فستري😂
محمد.... يامقبوله الدكتور قالك تريحي شوفي حتى الدوه مش قادرة تدوي😨
انا .... به😂😂😂
ودق الباب
من بتكون يعني المرزيه فتحيه عطها بليه وتقطيعه في الليه وموت في العشيه😒 أي والله
عمتي.... ها سكتت المغوليه😒
محمد.... والله لعند خفت عليها 😨 مزالت
عمتي .... ماتخافش عليها بسبع أرواح هذه😒
محمد.... معش عرفت شن ندير
عمتي.... خليها عليا
خشت للدار ضربتني كف
انا... 😨 كنك
وعطتني كف واحد اخر😨
انا.... عليش😨
عمتي.... بيش تعقلي وتبطلي حركاتك رآه وقسما بالله نجي بكرا يقولي محمد مزالت مش حايصير خير😡
انا.... شن بديري يعني😒 ضرب وضربتيني
عمتي.... اقطع لسانك عطك موت
انا... يشيلك😒
عمتي .... شنو شنو
انا ... الي سمعتيه انت غلطي فيه واجد وانا ساكته لكن معش قادره انتحمل😒 خلااااص فديت
عمتي.... تعالي اضربيني😡
انا.... لا متربيه انا ومانمدش في يدي علي الي أكبر مني😒
عمتي...... ووووووه عليا يامحمد تعال شوف😲
مراتك بتضربني
ودارت روحها داخت 😨
محمد..... كنك شن درتيلها😨
انا... والله العظيم ماجيت شورها
ومشينا للمستشفى وفي السياره تكسر في عينها مره مره 😒 حزي عطها عمى في هالعيون😑
الدكتور. .. ياحاجه مافيك شي
عمتي..... 😒 دكاتره آخر زمن شن عرفك انت اه😨 فرخ زيك داير روحه دكتور 😒 سحيقه
محمد.... امي😨 اسكتي
معليش يا دكتور سامحنا
عمتي .... معلش ياوليدي😔 غير انا تعبانة تشوف فيها القردة الي قدامك😒 تضرب فيا وانا عجوز شوفت عينك مانقدر عليها😕
الدكتور...😨
محمد .... هي امي اطلعي😡
عمتي.... مش متحمل فيها حاجه شوفه كيف يعامل فيه😢 ااااه سحر ياكبدي سحر
انا....😨 محمد هي نطلعو
محمد...😕 هي
وفي السياره
محمد.... كنك يا أمي معقوله هكي تدوي قدام الناس
عمتي... نقول في كلام الحق شن نكذب تحق فيا
محمد.... مقبولة حلفت أنها ما ضرباتك
عمتي... طبعا آماله بتقولك ضربتها
انا.... والله والله ما لمستها حتى بالكذب بالعكس هي الي ضربتني وتقبلته منه لأن نعتبر فيها زي امي الي يجي منها علي كبدي كيف العسل😔
ماتستغربوش😂 حتى انا بنلعب لعبتها😁 دور البراءه
محمد.... خلاص مقبولة
عمتي.... ورأس مينتي سحر وانا مش ساكته 😒 تو تشوفي
#يتبع
