فاطمة:نبيل ولدي م تقوم الشمس بقت في نص السما كفاك
نبيل(بصوت نعسان) :دقايق ي امي لسه الوقت وإتغطى في محلو
فاطمة:والله اكشح فيك موية قوم ي ود الساعة9 م عندك جامعة انت
*نبيل قام منطط عيونو وقال:الساعه9؟😳😳امي عنددي محاضرة فااتتني الله انا ليه م صحيتيني
فاطمة:انا لي ساعة في رأسك
نبيل:خلاص طيب قايم
*قام اتحرك من سريرو واتوكل ع الحمام في المسافة دي امو كان بتحضر ليهو في الشاي مشى شرب الشاي باس راس امو قبال م يطلع زي م معودها دايما♥️..
فاطمة:ربنا يحفظك ي ولدي 😘
#نبيل التجاني شاب في عمر ال23 بقرا صيدلة.. نبيل كان اسمراني طوييل وعندو قرنة خفييفة بين حواجبينو ولحية كمان وشخصيتو قوية وفوق ده كلو كان الولد الوحيد ل التجاني عزالدين ال هو اغنى الاغنياء في مدينة مدني.. كل الصفات السمحة والمطلوبة عند البنات كانت متوفرة في نبيل بس الخارب طبعو انو انسان مفتري شدييد و
حتى بتباهى بمركز ابوهو.. وحتى الصيدلة الداخلها دي عشان ابوهو عندو اسهم في الجامعة.. نبيل عايش مع امو فاطمة وابوهو التجاني الما بكون موجود طوالي في البيت وعندو اختين لنا ولميس♥️ لميس متخرجة وشغالة في شركة استيراد وتصدير ،لنا بتقرا هندسة مدنية سمستر4 يعني نبيل في النص 💃🏻
(كده اتعرفنا ع نبيل بطل الرواية☺) نرجع للقصة🚶🏻♀..
نبيل طلع فتح باب عربيتو ودق ل صحبوو شديد اسمو مؤمن
نبيل:ده مالو كمان م برد ي ربي بدو المحاضرة
*بقى يحاول يتصل ويتصل ومؤمن م برفع في النهايةاثناء ماهو ماشي ومستعجل ضرب راجل ب عربيتو 💔 نبيل اتخلع😨 ونزل من العربية عاين للراجل لقاهو راجل مسكين لابس جلابية باين عليها انها قديمة وشايل كيس خضار صغير وبسببو الخضار اتدفق في الارض نبيل رجع لعربيتو ونزل قزاز العربية وقال ليهو:اذنك ا
عندي محاضرة.. الناس اتلمو وعا‘زين يشاكلو نبيل واحد منهم همس للتاني:ده مش ولد التجاني عزالدين؟التاني قال ليهو:اي اي ارح من هنا نبقى في قلنا وقالو ويقبضونا.. الراجل قام من ع الارض بس اثناء م بحاول م قدر💔 ونبيل شغال يقول: ياخ سريع انا عندي محاضرة والله م تتحرك امشي فيك..الراجل م عرف يعمل شنو وم عندو حيل يقوم بيهو بقى يحك نفسو بالارض ويمشي ودموعو ترقرق في عيونو بعد شوية نبيل اتحرك وفات...
وصل الجامعة لقى الناس جوة المحاضرة اتصل للدكتور ابا يرفع دخل ليهو جوة
الدكتور:لو سمحت نبيل انت متاخر والناس ديل شغالين محاضرة
*نبيل عاين للدكتور بكل إستحقار🙄:ح تعيد المحاضرة من اول😒
الدكتور:كيف اعيدها المحاضرة نصها فات وانت اتاخرت
نبيل:يعني م ح تعيدها؟ بالنسبة انو مرتبك ده ابوي مساهم فيهو والجامعة دي ماشة ب قروش ابوي
*الدكتور إتحرج ما عرف يعمل شنو سكت وقال ليهو اتفضل ي نبيل وماف زول قدر يفتح خشمو والمحاضرة اتعادت من الاول والطلبة غصبا عنهم حضروها..
*يعني نبيل كان ماسك الجامعة ع حسابو بسبب سلطة ابوهو ومركزو
بعد شوية مؤمن صحبو جاهو
مؤمن:شنو ي ابوو النبل التاخير والحركات دي😹😹
نبيل:اولا اسمي نبيل م ابو النبل😒 ثانيا عملت لي حادث ياخ اخرني💔
مؤمن:حادث😨 وين وكيف
نبيل:لالا حاجة بسيطة راجل كده اعترض طريقي بس
مؤمن:وهسي في المستشفى ولا كيف؟
نبيل:مستشفى شنو خليتو في مكانو
مؤمن:ليه ي صحبي مش انت الغلطان؟
نبيل:عليك الله اختاني من محاضراتك دي هسي انا جعان عاوز اكل.. نور وين؟
مؤمن:بتشرح ل صحبتها هسي بتجي
*نبيل ومؤمن ونور كانو شلة مقربة من بعض شديد ناس الجامعة مسمنهم "جماعة النون"..عشان كانو بشتركو في حرف النون.. بس هم م شغالين ب زول ولا بفرق معاهم ..مؤمن ده ابوهو برضو عندو مركزو ومكانتو وصاحب مصانع كتيرة... نور دي البت الوحيدة في الشلة الصغيرة دي والبت الوحيدة البتعاملو معاها وبتكلمو معاها
#بعد شوية نور جات
نور:نبيييل ي اسممري الملتحي شنوو التاخيرات دي ياخ😂😂😻
نبيل:ي جماعه اسمي نبيل م اي زول يقطع لي اسم من راسو😂
نور:انت عارف انو انا بقول ليك كده وحتى في فوني مسجلاك كده😴
نبيل:عارفك ي جنوو.. والله بس اتاخرت في الشارع
مؤمن:كضاااب...شفتي ي نور اسمرك الملتحي عمل حادث😒
نور:حادث😨😨ي ود كيف ومتين وجاتك حاجة
نبيل:ي بت م شايفاني قدامك كويس 😒
نور:سلاامتك ي اسمري والله
نبيل:جعاان ي بشر
مؤمن:ياخ خلاص ارح ناكل قبال م تهجم علينا😂
*وفعلا مشو ع اتجاه الكافتريا ونبيل مركب نضارتو ولا شغال ب زول اول م قعدو نبيل عاين ليهم وقال:ان شاءالله عاوزين تاكلو هنا؟
نور:ومال من وين😕
نبيل:لا ياخ م عندي نفس اكل
نور:بسم الله! هسي مش قلت جعان
نبيل:م عارف خليتو خلاص راجع ع البيت انا
مؤمن:مالك ي ابو النبل الحاصل ي مان
نبيل:حاسي نفسي مصدع شوية عاوز ارتاح
نور:خلاص طيب امشي ارتاح بعدين بتصل اطمن عليك
نبيل:تمام ي نوري♥️ استاذنكم
مؤمن:لحظة ي ابو النبل
*مؤمن جرا نبيل من يدو وزحاهو بعيد من نور وبقى يهمس معاهو برااحة قال ليهو: بالنسبة ل بعدين ي فردة؟
نبيل:في شنو كمان بعدين
مؤمن:شنوو ياا المزة الظبطت معاها قبيل واجرنا الشقة
نبيل:ياخ والله م عندي حيل ومتضايق عاوز انوم
مؤمن:عاوز تخوني الليلة براها عربيتي عطلانة
نبيل:تعال لي المسا سوق عربيتي
مؤمن:خلاص ظابط قدااام🤝🏻
*نبيل كان جواهو حاسي بالذنب بس ابا يظهر الحاجة دي ل نور ومؤمن وصور الراجل الضربو بقت تجيهو قدام عيونو ومنظر الراجل وهو بحتك بالارض وعيونو ب دموعها بس نبيل حاول يتناسى الموضوع ورجع البيت اول م وصل فتحت ليهو لميس اختو
لميس:نبييييل💃🏾💃🏾💃🏾😻
نبيل:مالك ي بت😒
لميس:هسي رد لي السلام اول😒💦
نبيل:لميس والله زهجان اختيني
*زحا لميس من قدامو ودخل غرفتو ورقد..
لميس:اخوك ده مالو ي بت(وعاينت ل لنا)
لنا:والله م عارفة خليني احضر المسلسل بالله
لميس:بس ياهو ده شغلك😒
في الجانب التاني نور ومؤمن في الجامعة قاعدين يتونسو جات بت عليهم شكلها عادي جدا لابسة عباية ومكوزة الطرحة جات ع اتجاه مؤمن..
البت:مؤمن صديق؟
مؤمن:ايوة اتفضلي
البت:عاوزة نبيل التجاني لو سمحت
*طوالي نور نطت وعاينت ليها وقالت:بتعرفي نبيل من وين انتي؟
البت م ردت وقبلت ل مؤمن وسالتو تاني:نبيل التجاني وين لو سمحت
مؤمن:والله نبيل ده رجع البيت اقول ليهو منو؟
البت:خلاص شكرا
*بعدها البت فاتت...
نور:مؤمن شفت عيونها مورمة كيف شكلها كان بتبكي ب حرقة
مؤمن قال في نفسه:(ي ربي يكون نبيل غلط معاها لكن نبيل قعد يوريني اي حاجة البت دي منو ي ربي م حصل شفتها
نور:سرحان وين انت ي ود
مؤمن:ولا شي ع العمووم انا ماشي لابو النبل لاني عندي مشوار ضروري المسا ح تقعدي ولا اوصلك؟
نور:لالا انا ح اقعد حبة وبعداك بتحرك يلاا
مؤمن:طيب خلي بالك وم تتاخري♥️
*طوالي مؤمن مشى ل نبيل فتحت ليهو الباب لميس
مؤمن:انتي الحارس بتاع الباب ده😂
لميس:هاها😒 اهلا
مؤمن:اخوك وين
لميس:نااايم
مؤمن:تنوم فيهوو حيطة
*بعداك مؤمن مشى ل نبيل ف اوضتو صحاهو شال منو مفتاح العربية ومرق ل مشوارو الوسخ💔
👇🏻
مرات احنا بنحس بالغلط وضميرنا ياكلنا من جوة،وبنكون مؤمنين تماماً انو ده غلط والحصل مننا حاجة م بتتغفر بس شعور الكبرياء والغرور بعكس الحاجة دي ف وشناا رغم انو احنا من جوة متوجعين🚶🏻♀💔
نتااابع🚶🏻♀💕
