*وقفنا في الجزء الفات انو نبيل فتح الباب وشعرو مبهدل ،لحيتو ملخبطة حالتو صعبة وعاين ل نور ومؤمن وقاال ليهم:عاوز هند🙂💔
نور اتصدمت وبقت تعاين ل مؤمن ،مؤمن مسك نبيل من كتفو وقال
مؤمن:ده الكنت خايف منو🙂
نور:هند منو ؟وفي شنو؟وكنت خايف من شنو
مؤمن(عاين ل نور وهو متألم) :هند ياها زاتا ي نور
نور(عاينت ل نبيل وهي زعلانة) :عاوز ب هند شنو ي نبيل؟؟.
نبيل:عاوزها ي نور🙂 عاوز وجودها في حياتي ،عاوزها تصلحني،توريني النور في حياتي المليانة ضلام عاوزها تمسك يدي تبدا بي من جديد تعلمني كأنها أمي وكأني طفل ياداب مولود والله عاوزها ي نور عاوزها جدا ومحتاج ليها💔
*الكلام كان صادم جداً بالنسبة ل نور ،بس م قدرت تفتح خشمها في النهاية هي عمرها م ورت نبيل انها بتحبو او حاولت تعترف ليهو ،سكتت مسافة وبقت تعاين ل مؤمن وهي مكسورة💔 مؤمن إتأثر جداً بالحصل وخاف على نور اكتر من مؤمن لانو عارف قدر شنو نون بتحب نبيل والمشكلة الاكبر انها م كان حاسة ب حب مؤمن ليها يعني اي واحد كان داسي حبو وفي النهاية إتصدم💔
نور طلعت والدموع في عيونها وإعتراف نبيل قدر يوريها انو خلاص أسمرها الملتحي عاوز وحدة تانية في حياتو💔 رجعت الجامعه وقعدت في نفس المكان البتلمو فيهو جماعه النون كلو يوم قعدت وبقت تفكر في كل لحظة قضتها مع نبيل وهبالتو معاها وخوفو عليها وحتى لما يتزاعلو وكيف يجي يراضيها كانت بتفكر في ده كلو وهي بتقول في نفسها
نور:يعني انا حلمت ع الفاضي؟ يعني مشاعر الحب الجواي دي ادفنها خلاص😢 نبيل ماف ليك ي نور نبيل خلاص راح،وأنا الكنت بتعشم ومالية حياتي بيهو،آآه ي نور آه ليه عملتي في نفسك كده💔
-أثناء ما هي قاعدة جات ملاذ صحبتها وشافتا بتبكي
ملاذ:نور؟؟😐 مالك ي بت
نور:لوزتي🙂 كويسة كويسة مافيني شي
ملاذ:كويسة في عينك وشك مورم بالبكا احكي ي بت
نور:نبيل ي ملاذ نبيل طلع بحب وحدة تانية💔
ملاذ:نبيل بحب؟؟؟ القال ليك منو ي بت وعرفتي كيف؟.
نور:الواجعني انو ماف زول قال لي ،براهو اعترف،م شفتي حالتو ي ملاذ😭م شفتي شكلو وهو بحكي عن حوجتو ليها كأنو أنا خلاص اتمحيت من حياتو وأنا كنت صحبتو روح بالروح العمرو م إحتاج ل زول غيري يجي في لحظة بس يمحيني كده وعشان وحدة هي أصلا م جايبة خبرو😭😭💔
ملاذ:كدي استهدي قولي بسم الله انتي براك عارفة مكانتك عند نبيل،ثم ثانياً دي منو دي البحبها نبيل؟ دي منو اصلا القدرت تصل قلبو
نور:اسمها هند🙂 ابوها اسمو عبدالرحيم نبيل كان مرة ضربو ب عربيتو،مش حكيت ليك؟
*في اللحظة دي ملاذ نططت عيونها😳وقفت على حيلها وقالت:هند؟؟لا مستحيل مستحيل ي نور
نور:مالك ي بت اتخلعتي كده،ااي هند ،بتعرفيها؟.
ملاذ:يخ دي هند صحبتي والبتقرا معاي🤦🏻♀ بس والله م يحلم هند مستحيل تحبو بعد العملو فيها ده
نور:عمل شنو؟؟😐
ملاذ(وهي بتقطع في الكلام) :..ل.. لااا قصدي العملو في ابوها
نور:م عارفه ي ملاذ بس لو شفتو منظرو وهو بحكي عنها كأنها أخر زول بقى ليهو،والمحيرني اكتر عرفها متين؟وليه باقي عليها كده 😐.
ملاذ:نور ،قلوبنا دي م بيدنا والله،براها بتحب وبراها بتتعلق وبنجي ننصدم في النهاية ب واقع عمرنا م ختينا ليهو حساب وب موقف عمرنا م اتوقعناهو يحصل.
نور:ي ريتني م حبيت🙂ملاذ:وانا ي ريتني م صدقتو(والدموع في عينها).
نور(عاينت ل ملاذ وهي مستغربة) :صدقتي منو ي بت😐.
ملاذ:لالا هههه خيالي الواسع ده بس ،يعني ي ريت م صدقتا انو في حب
نور:طبعا قايلاك حبيتي ب وراي كنت عاوزة اقتلك😒👊🏻
ملاذ :لا من وراك لا من قدامك يلا انا زاتي راجعة ع البيت،امسحي دموعك دي واستغفري كده لأنو الحزن م بشبهك♥️
نور:يخ انتي الوحيدة البتبسطيني جيبي امممح😭😙
ملاذ:بخجل ياخ🙈😹
نور:يلاااا اقطعي وشك قمتي ع الوهم🙂👊🏻.
ملاذ:خلاص سكتا 😹 ح ترجعي متين انتي؟.
نور:هسي بس منتظرة مؤمن
*ملاذ اول م سمعت اسم مؤمن ملامحها كلها اتبدلت حتى الضحكة الكان مرسومة في وشها إختفت سكتت مسافة وسرحت بعيد ونور بقت تقول :ي بت ملاذ
ملاذ :ايوة ايوة معاك..
نور:مالك ي بت وشك إتبدل كده
ملاذ :ولا شي ،يلا انا تأخرتا.
نور:انتظري اوصلك معانا.
ملاذ:لالا بمشي انتي شكلكم بتتاخرو يلا.
نور:خلاص طيب يلا😙♥️
*وفعلا ملاذ وقفت في المواصلات ونور بهناك منتظرة مؤمن ،مؤمن جاء بعد قريب نص ساعه واول م وصل ولاقى نور ركبو العربية وقفو في الإصطوب ،نور شافت ملاذ لسه واقفة وم لقت مواصلات.
نور:هيي دي ملاذ لسه واقفة🤦🏻♀
مؤمن:بتلقى مواصلات.
نور:يخ ليها نص ساعه اصبر نوصلها معانا..
مؤمن(وهو بتكلم ب سرو) :مالك ي نور عاوزة تقلبي المواجع
*وفعلا نور نزلت ومشت ل ملاذ وبدت تصر انها تركب معاهم وقدر م ملاذ حاولت ورفضت نور ابت وقالت ليها بزعل منك في النهاية ملاذ استسلمت للموضوع وركبت معاهم
نور:شنو يعني تتدلعي كده 😒.
ملاذ:المواصلات بتجي ي نور.
