*نبيل ومؤمن اتفقو انو يشوفو طريقة يجيبو بيها هند الشقة عشان نبيل يقدر ينتقم وهند بهناك م عارفة الح يحصل ليها شنو💔..
في عز زعلو وزهجو نبيل رجع البيت وهو زهجان وقافلة معاهو شديد وم طايق زول وكلو مرة بتزكر موقف هند اول م جا داخل البيت م اتكلم مع زول ودخل غرفتو طوالي وقفل الباب .. بعد شوية جات لنا:(وهي واقفة برة باب غرفة نبيل) : نبيل ياخ الوقت اتاخر م عاوز توديني خطوبة علا صحبتي☹️
نبيل(ب صراخ وزهج) :بلا علا بلا زفت ماف زول يتكلم معاي
لنا:لكن انا منتظراك من قبيل وانت وعدتني😭
نبيل:قلت ليك ماف زول يتكلم معاي طيري من هنا
(بعد شوية لنا سمعت صوت حاجة بتتكسر جوة كأنو نبيل كسر حاجة)
فاطمة:في شنو ي بت اخوك مالو؟
لنا:ما عارفاهو زهجان مالو هسي انا امشي كيف😭😭
فاطمة:كلمي صحباتك يجوك وامشي معاهم
لنا:كللهم فاتو ي امي وانا قلت ليهم نبيل ح يجيبني عايني ليهو هسي اتعولق فيني كيف😭..
فاطمة:خلاص ي بتي كلمي السواق
لنا:الا كده☹️ خلاص طيب
(بعدها لنا مشت خطوبة صحبتها وفاطمة طوالي اتجهت ل غرفة نبيل)..
فاطمة:نبيل حبيبي انا امك افتح لي الباب
(بس مافي لا حس ولا خبر)
فاطمة:نبيل ولدي انت نمت مالك م بترد علي😓..
(بعدها رجعت وقالت يمكن يكون نام..
_هههههه قلتي لي كده خلاص طلباااتك اوامر ي جميل انت..
فاطمة:ده صوت التجاني بتكلم مع منو ي ربي😕
فاطمة :التجاني؟
التجاني:(زي خاف كده وطوالي قفل التلفون) :ميية مرة ي مراة قلت ليك م تخشي علي بالطريقة دي
فاطمة:كنت بتتكلم مع منو ي التجاني
التجاني:ناس من الشغل ثم انتي من متين بتساليني زاتو طيري سوي لي حاجة اكلها
فاطمة:الاكل جاهز من قبيل
التجاني:ولدك الصايع الضايع ده م عاوز يلاقيني صح
فاطمة:جا من الجامعة تعبان عشان كده وانت كنت نايم
التجاني:هه😒 عنو م جا.. انتي لسه واقفة م تطيري تجيبي الاكل ده..
*اثناء ما هي طالعة والدموع في عينها لاقتها لميس بتها
لميس:خلي ي ماما انا بعملو
فاطمة:طيب ي بتي..
*جا الصباح اول مرة نبيل يطلع من غير ما يسلم ع امو او يشرب شاي وطواالي ع الجامعة..
فاطمة :اجي نبيل ده مالو طالع مستعجل كده😕 الشاي م شربو
لميس:يكون عندو محاضرة بدري
فاطمة :خلاص امشي صحي اختك لنا دي شكلها جات متاخرة امس لهسي نايمة..
لميس:مشيت دقيت غرفتها كم مرة ابت تتفتح خليها براها بتقووم..
*في الجامعة..
نبيل:مؤمن اها الحصل قدرت تعرف طريقة.. ب.. بياتو شكل ح نجيبا؟..إحنا ح..
،
مؤمن:نبيل كدي استهدا انت مالك عامل كده
نبيل:انا مولعة فيني نار من يوم الحصل ده.. نار لا بتهدا لا بتروق لو م اخدت حقي بأي شكل من الاشكال
مؤمن:انا عرفت انو البت دي عندها صحبتها اسمها "ملاذ"..بت لينة كده ومايعة يعني حنك حنكين بدردقها ليك واخليها تجيب معاها هند قلت كيف ي صحبي؟
نبيل:بس اليضمن هند دي تجي شنو مع صحبتها ؟
مؤمن:هييين ي ابو النبل.. والحنك ده جابو ل شنو.. ولو ملاذ دي قالت عاوزة قروش ندفع ليها ..تاني المشكلة شنو؟
نبيل:بسس ظااابط ي صحبي.. لكن الموضوع ده ح يطول وانا م قادر اصبر..
مؤمن:شيل الصبر ياخ بس خليني اظبط اموري مع ملاذ دي وكلوو بتظبط ي مان😎..
*ملاذ دي صحبة هند شديد رووح بالروح يعني هي صندوق اسرارها وبتقرا معاها كمان يعني هي الخيط الواصل ل هند..
*اثناء ما هم بتكلمو جات نور داخلة ف اي واحد سكت وكتم ع الموضوع..
نور:اسسمممري الملتحي😻😻💃🏻 مالك مكشر الليلة..
نبيل:نووري♥️😓..كوويس والله بس متضايق حبتين
نور:عارفاك متضايق من شنو بس م تشيل هم💔
نبيل:لالا اموري اتظبطت انتي اخبارك شنو
نور:كووويسةة والله
مؤمن:نحن هنا يخوانا😹✌🏻
نور:اهلا مينو🤤 القميص الكبدي شغااااااال🙈
مؤمن:احم احم دي حاجة من طرف الدولاب 😌
نور:عاين يلا م تصدق😒💦
مؤمن:خلاص خلاص😹😹♥️..
نبيل:انا زهجاان ارح نطلع
نور:ارررح💃🏻💃🏻💃🏻..بس نمشي وين😅
نبيل:ايي مكان بس نطلع
مؤمن:عندنا محاضرة احنا ع فكرة🌚
نبيل:اخخخخ..محاضرة شنو؟
مؤمن:Botany
نور:هييي مع دكتور علااء😻 لا م ح افوتها الراجل ده انا بحبوو
مؤمن:(قال في نفسو) :بختو دكتور علاء♥️
مؤمن:عليك الله انتي م عندك موضوع ولا شنوو
بعد شوية...
_جماعة النون كيفكم؟
نور:لوووزتي😻😻😘 خبببركك ي بت
*مؤمن عاين ل نبيل وعيونو منططة..
بس م اتكلم
نور:هيي اعرفكم دي ملاذ صحبتي😹
مؤمن:اهلين ملاذ اهلين
نبيل:ي هلاا
نور:لووزة اتفضلي يخ
ملاذ:لا بس حبيت اسلم عليك مادام جيت في طريقكم (وبدت تعاين ل مؤمن🤑..
نور:طيب تماام..
مؤمن:بتعرفي البت دي من وين ي نور
نور:كانت ساكنة جنبناا وحاليا تقرا علم نفس.. ليه في شنو ؟
مؤمن:البت دي...(قاطعو نبيل ومسكو من يدو وقال:ههه شكلو اتكسر فيها م علينا يلا ع المحاضرة..
نور مشت قدامهم..
نبيل:انت مجنون ي مؤمن.. هسي نور ح تقول شنو امسك نفسك ي صحبي
مؤمن:كده الموضوع اتسهل خلاص عن طريق نور ح نعرف ملاذ دي ساكنة وين..
اول م خلصو محاضرة مؤمن طلع شاف ملاذ قاعدة ف الكافتريا إتجه عليها
مؤمن:سلام
ملاذ:(هي اصلا مكسرة فيهو وعاجبها ردت ليهو طوالي) :ي هلا
مؤمن:بس م شايف نور وعاوز أسألك منها
ملاذ:والله نور دي شكلها ف المكتبة لكن هسي بتجي
مؤمن:ايواا بنتظرهاا خلاص
(وبقى واقف جنب الطربيزة القاعدة فيها ملاذ.. بعد شوية ملاذ عاينت ليهو وقالت: إتفضل ي مؤمن م تقيف
مؤمن:ياخ م صح اقعد معاك برانا لو شافنا زول بفتكرو حاجة وانا بخاف عليك
ملاذ(وهي متكبكبة) : لالا يخ العفوو
مؤمن:ساكنة وين انتي ي لوزة.. أأ معليش قصدي ملاذ
ملاذ:هههه عادي م يهمك اي زول بناديني كده... انا ساكنة الزمالك
مؤمن:اصلا من مدني؟
ملاذ:لالا جيت ل ظروف الجامعه
مؤمن:ونازلة مع منو طيب؟
ملاذ:مع صحبتي اسمها هند
*مؤمن قال في نفسو ايواا ده العاوزو زاتو يعني البت اهلها م معاها ،أُم تنصحها ماف الحنك ح يمشي زي م انا عاوز
*بعدها نور جات..
نور:تخلط من وراي ي مؤمن🌚
مؤمن:هو انتي اديتيني فرصة جيتي زي العارض😂💦
نور:ع العموم جعاانة😒 عاوزة اككككل جعاااانة😭
مؤمن:مطعم انا؟😒 شوفي اسمرك الملتحي ب وين
نور:زكرتني اتصل ليهو😻🤤
*في اللحظة دي مؤمن ملامحو اتبدلت غمض عيونو وأخد ليهو تنهيدة وقام مستعجل
نور لما خلصت من المكالمة لقت مؤمن ماف
نور:الود فات وين ي ملاذ
ملاذ:والله م عارفة فجأة إختفى
*في اللحظة ديك مؤمن مشى ل نبيل وبدو ينفذو في الخطة إنو مؤمن بأي طريقة يتقرب من ملاذ عشان يصلو ل هند ويضربو عصفورين ب حجر واحد
👇🏻
مافي اوسخ من اننا نغش زول بِإسم الحب،عشان غرض يخصنا او هدف معين،ونكون سبب في صراع عقلي وعاطفي لانسان كانو غلطو الوحيد إنو وثق فينا🚶🏻♀💔
نتااابع🚶🏻♀💕
