*الحاجة الإتاكدت منها هند انو ملاذ خلاص وقعت في الشرك ومؤمن اتملكها ب كلوو وبقى ماف نفاذ من الموضوع.. ملاذ مؤمن سيطر عليها ب كل حواسو وعشان هند م تستخدم ايي حاجة ضدو حكى ل ملاذ ايي شي وخلاها امام الأمر الواقع💔
*في يوم على غير العادة جماعه النون قاعدين كلهم وونسة وضحك مؤمن قام إستأذنهم برااحة كده وفات
نور:ده مالو الايامات دي بقى ما على بعضو 😐
نبيل:خلي ب راحتوو
نور:انت في حاجة داسيها مني ي اسمري؟
نبيل:ياتو يوم دسيت منك شي
نور:انننن المهم
نبيل:ايش المهم؟
نور:بعد ايش دي م عاوزة اتكلم😂
نبيل:ههههه نفسيات بس
*بعدها اخدو صنة كده نبيل طلع تلفونو وبقى يعاين فيهو ونور بتعاين في نبيل وسرحانة وهي اصلا مجنونة ب لحيتو🤤 بقت مركزة معاهو شديد في كل تفصيل وب قلبها تقول"متين صُحبتنا تبقى حب" ونبيل م مركز معاها خالص ،
نمشي ل مؤمن💃🏻
*مؤمن بهناك الحنك مشى في ملاذ واااخر ونسة وحبكانيات والفريسة وقعت في الصيد زي م قال🤦🏻♀💔 وبقى كل يوم بثبت ليها في حبو ب طريقة تخليها تقتنع.. شال تلفونو واتصل عليهاا
مؤمن:ملاذي♥️
ملاذ:قلبهاا💕
مؤمن:لسه م جيتي؟
ملاذ:ياداب طالعة
مؤمن:م تتحركي ح اجي اسوقك ب العربية
ملاذ:ل..لالا ومعاي هند وح تحركها لي خليها
مؤمن:انا م زول غريب ي ملاذ ح اجي يعني ح اجي
وقفل الخط
*ملاذ بهناك اتوترت م عرفت تعمل شنو وهي عارفة انو هند م ح ترضى ب حاجة زي دي خصوصا انو هي زعلانة منها في موضوع مؤمن قامت مشت ل هند و بدت تحنك في هند..
ملاذ:هندووووية😁♥️
هند:عايني حاجة فيها مؤمن م تتكلمي فيها،تسكتيني انا عشانو؟🙂💔
ملاذ:اعفي لي ي هند ياخ اول مرة احب واحس ب إنو في زول بحبني وعاوزني..
هند:الضمنك شنو؟
ملاذ:قلبي ي هند قلبي م بيدي
هند:اخخخخ انا من قلبك🤦🏻♀💔
ملاذ:اسفة والله
هند:عبيطة انتي؟عمري م بزعل منك ي هبلة
ملاذ :خلاص جيبي حضضضن🐣😭
هند:خلاص قمتي لامور الجفاف العاطفي بتاعك ده😂😂💔
ملاذ:معفنة😂💦 زاتو تاني م ح احس بأي جفاف😌🤤
هند:ي ريت بكون يستاهلك ي لوزتي يخ☹️♥️
ملاذ:كككدي هسي عاوزا اقول ليك حاجة🙈
هند:ع فكرة محاضرتنا قرربت وفري كلامك ف الطريق والله م بنلقى مواصلات
ملاذ:الحنك في المواصلات زاتو🌚
هند:كيف يعني😒
ملاذ:مؤمن عاوز يسوقني الجامعه بالعربية
هند:شنوووو😳🙆🏻جابت ليها ركوب عربات كمان ي بت انتي جنيتي قدااامي سريييع
ملاذ:هند عليك الله اسمعيني ده من خوفو علي
هند:ي بت خوف شنو اوع يكون وافقتي؟.
ملاذ:هند مؤمن زول طيب وم عاوزني اتعب ف المواصلاتهند:اوووف ي ملاذ انا م ح اركب اركبي براك
ملاذ:والله م تركبي انا زاتي م اركب🙂💔معاك بس
*بعد محاولات ونقاشات هند إقتنعت عشان م تكسر قلبك ملاذ بس وفعلا طلعو مؤمن كان واقف بالعربية في مكان بعيد شوية من البيت..
اول م ملاذ شافت مؤمن الابتسامة ااااخر حاجة وهند متضايقة بس م بينت الموضوع ل ملاذ
مؤمن نزل من العربية وفتح الباب ل ملاذ
مؤمن:منورة ي قلب(ومعاها ابتسامة وغمزة😉)
ملاذ:نورك يخ💕
مؤمن:هند كيفك؟.
هند:كويسه😒
مؤمن:الحمدلله😒
*ركبو العربية ملاذ ب قدام جنب مؤمن وضحك وكلام وخلي بالك من نفسك وصلحي الطرحة وغطي شعرك ،ملاذ كانت مبسوطة جدا من جواها رغم الزيف الكان في كلام مؤمن بس حبتو وحست بالراحة في كلامو لانها حبتو من قلبها وكانت بتموت في اهتمامو وكلامو وم بترضى فيهو يعني عيشها في خيال م قدرت تفوق منو بقى روحها ونفسها مؤمن بس حتى انها اهملت دراستها بسببوو.. مرت اسابيع واسابيع وهم بالطريقة دي حتى انو ابتعد من شلتو وبقى بس مع ملاذ.. في يوم من الايام
نبيل اتصل ع مؤمن..
نبيل:شنو ي ابوالشباب الموضوع طول كده انت لقيت الحكاية عجبتك ولا شنو
مؤمن:والله اتصلت في وقتك ي ابو النبل خلاص بكرة اليوم الختامي للمسرحية دي
نبيل:اخيييرا يخ انا عايش في قلق وقرف من اليوم داك
مؤمن:بكرة بس ي فردة الموضوع ح ينجز م تعمل لي جوطة ف راسي براها البت طيرت مني الجكس النضيف😂
نبيل:ههههه والله دي عله دي خلاص ي مان بس بينا تلفون ل بكرة
*مؤمن اتصل ع ملاذ واصر انو يعزمها برة وزوولتنا طبعا م رفضت إتشيكت اااخر شياكة والروج الاحمر وفستان اسود والشعر بوف وهي اصلا جمييله وعيونها واسعه يعني كانت طالعه حاجة مبااالغه♥️
اول م وصلت ع المكان المتفقين عليهو اتصلت ليهو
مؤمن:خليك واقفة محلك بس انا بجي عليك
*المشكلة مؤمن جا ب جنبها وعاين ليها وضحك وبقى يفتش بس ملاذ جاتو وضربتو في كتفو
ملاذ:عامل م شايف
مؤمن:ملاذ؟؟؟😳 والله م عرفتك طالعة قمر ي بت🤤♥️
ملاذ:خلي الطلس😂
*ومشو قعدو مؤمن ل برهة كده سرح ف ملاذ وحسّ بتأنيب الضمير بس كان بتزكر نبيل وكف هند بدا الموضوع وقال ليهاا
مؤمن:عايني ي ستي انا خلااص تعبت من انو اسمع بت من بنات الجامعه تتكلم فيك او تجيب سيرتك انا بالجد بحبك..
(سكت مسافة كده غمض عيونو قال بسم الله مالي انا😐 ورجع يكمل كلامو بس قبل م يبدا قاطعتو ملاذ)
ملاذ:اللله ي مؤمن اول مرة احس انك قلتها من قلبك م عارفة ليه
مؤمن:كيف يعني اول مرة م طوالي بقولا😅
ملاذ:م عارفة اللحظة دي بالزات حسيتك قاصدها بالجد
(مؤمن إستعدل في قعدتو وطلع النضارة وقال ليها:
مؤمن:عايني ي ملاذ من الاخر كده انا عاوز اعرفك ع اهلي وامي بالزات طواالي بحكي ليها عنك تمووت وتشوفك وعسى لو ربنا اراد الخير نعمل خطوة مبتدئة خطوبة او كده..
ملاذ(وهي مبسووطة وبتضحك) :خطوبة ي مؤمن؟؟
مؤمن:ايوة خطوبة والغريب شنو بحبك وعاوزك شريكة عمري فما تكسفيني بكرة تعالي البيت قابلي امي واخواتي♥️.
ملاذ:اجي انا بيتكم؟؟ ل.. ل. لالا ي مؤمن م صح امك زاتا تقول شنو
مؤمن:ي بت انتي هبلة اقول ليك امي عاوزة تشوفك مافيها حاجة وعشان م تخافي تعالي انتي وصحبتك هند وانا بجيبكم امي تلاقيك ونحدد الموضوع
ملاذ:بس انا م عندي زول ي مؤمن اهلي كلهم م هنا. انت بقيت لي حاجة والله
*الكلام ده كان زي السيف ع مؤمن بس م قدر يتكلم او يقول حاجة وبقى يتخصر فيها ويقول..
مؤمن:المهم كلمتك ي جيتي بكرة ولاقيتي امي ي والله بزعل منك واقول م حبيتيني*طواالي مؤمن اتصل ل نبيل عشان يديهو الاخبار م انتظر بكرة يجي زاتو..
مؤمن:ياااا ابووو النبل ي حقناا
نبيل:شوف الحنك ده بقى م بخارج معايمؤمن:لاحنك لا يحزنوون بكرة الساعه8خليك قااعد ف الشقة ومظبط امورك
نبيل:واافقت تجي؟؟؟؟
مؤمن:اايوووون وافقو يجو ي مان.
نبيل:يخخخ خبر ب مليوون جنيه خلاص قداااام بس انا من هسي بظبط اي شي..
*وجا بكرة عمنا مؤمن من الصباح رسايل وحنك مع ملاذ نظام بلطف في الجو..
جات الساعة 6 ملاذ طواالي مشت ل هند..
ملاذ:يلا يلا عشان نلحق الوقت..
هند:خلاص ي بت م تمعطينا😒 عاوزين يشوفوك هم م عاوزين يعقدو
ملاذ:مبسوووطة والله ي هند مبسوطة شديد😭♥️
هند:دايما ي رب يلا اها م عندي شي
*وفعلا طلعو مؤمن واقف ليهم كالعادة ركبو العربية مظللة ما بتشوفي برة لو متي..
مؤمن:منورة ي عروس😉♥️ امي من الصباح منتظراك
*اول م قربو مؤمن اتصل ل نبيل وقال:يلا ي سوسو جهزي العصير جبت العروس
ملاذ:سوسو دي اختك صح؟
مؤمن:سوسو دي حماتك
*اول م وصلو ونزلو نبيل وااقف جنب باب الشقة وهند م شايفاهو طوالي مؤمن خدر ملاذ ف العربية وجرا هند من يدها 💔
👇🏻
لو لاحظنا ل العلاقة البنتوجع منها ح نلقى انو احنا السبب وانو احنا ورا الوجع لاننا بنوهم نفسنا ونتعشم في حاجات هي اصلا م لينا والطرف التاني بساعدنا بالكذب يعني حتى لو حاولنا نفوق من وحي الوهم ونرجع زي اول بنلقى نفسنا م قادرين واتحولنا ل جثث حية لا بتودي لا بتجيب🚶🏻♀💔
نتاااابع🚶🏻♀💕
