جبروت_ال_يسار

مؤامرة ابن الشيوخ

بارت 1
#تنويه
اعرف روايتي بيها نوع من الجرأه رجاءا اللي تستحرم من هاي السوالف لا تدخل وتقره لان روايتي مفصله بالموضوع مو مختصره فمن هسه اكولكم روايتي بيها من بدايتها لنهايتها لقطات 🔞 توقعوا المشهد بأي بارت
تحياتي لمتابعيني
البداية
كعدت الصبح متأخره هاي شنو داك المنبه وداكه رزان (صديقتي بالخط وياي ) ٩ مكالمات بس جنت مخليته صامت خرب نسيته من الظهر خليته صامت علمود حسين( حبيبي بالجامعه) من يدك عليه ما يسمعوه اهلي ونسيت .. زين ماما وبابا ما كعدوني ليش ؟ كعدت ع السريع جانت غرفتي بالطابق الثاني ويه غرفة اختي اسراء ويمها غرفة اخوتي ليث واحمد وكان بصفها اكو حمام واحد خاص بالطابق الثاني غسلت وجهي وفرشت اسناني ومشطت لميت شعري سويته كبايه ولبست تنوره طويله ماروني وقميص ابيض ويلك ماروني حطيت مكياج خفيف ولبست شال مشجر بيه ابيض وماروني اخذت الليفكس وجنطتي وموبايلي ونزلت اريد اروح للكليه ماما وبابا كاعدين يتريكون

..... صباح الخير
ماما وبابا ردوا.... صباح النور اشو متاخره
...ليش ما كعدتوني
... شمدريني عبالي ما ترحين متعودين كل يوم تكعدين وحدج
..... مو البارحه جان عندي امتحان وبقيت لل١ اقره
..... يله تعالي تريكي
.... لا ماما ما الحك راح يجيني الخط
.... هاج هاي لفه اخذيها بالطريق اكليها
.... لا ماما تصير بحلكي ريحه ما طيبه اني هناك اكل يله باي
طلعت وصلت للشارع العام لكيت الخط عايفني صدك جذب حسيت روحي اريد ابجي ما متعوده اروح فورتات او تكسي وبابا ما عنده سياره لان موظف ع كد حاله

بس مضطره عندي امتحان وتاخرت اصلا اشرت لسياره (كيا )
وصعدت ماكو مكان بس مكان واحد يمه ولد صعدت الطريق كله احس برعب وتفكير اول مره اركب وحدي وما مرتاحه انوب هذا الولد يمي كل شوي ويطخ بيه بحجة السياره تتحرك ابتعدت ع الجامه حيل هذا تمادى حيل صدك جذب يا ربي هسه جان عطت بيه بس فشله من الراكبين وره شويه وكفنه يم سيطره تفتيش اجه العسكري كال هوياتكم والشباب ينزلون اني عندي هوية الجامعه انطيتهياه ويه بقية الهويات هذا الشاب اليمي من راد ينزل انطخ بصدري وداس ع رجلي ونزل عاد لهنا وعطت بصوت عالي عليه :
.. انت شنو هالاخلاق العندك اي مو سكتتلك بس لهنا وكافي ادبسز شنو ما عندك خوات انت لو عبالك عرض العالم صكط مثل وجهك

بهالاثناء سمع صياحنه ضابط جان واكف بعيد اجه تقدم علينه بقه يتباوعلي من فوك ليجوه وتباوع للولد اني جنت كاعده بالسياره قريب ع الباب كال :
.. خير اكو مشكله ؟
العسكري كال
..سيدي اعتقد هذا الولد متحارش بيها يمكن
اندارلي وسالني شسوالج
كتله بارتباك :
.. ينطخ بيه عمدا وقبل لا ينزل داس ع رجلي (بس ما كتله ع صدري استحيت )

الولد كام يتوسل ويحلف
...سيدي والقران ما سويتلها شي هي السياره صغيره ومن تتحرك تلقائيا تنطخ بالبصفك بس الله شاهد ما حجيت
كاله الضابط
..انجب و انطيني هويتك وانتي وين هويتج
العسكري انطاه هوياتنه