جبروت_ال_يسار

مؤامرة ابن الشيوخ

بارت 17
كعدت الصبح اول ما صبحت بوجهه ابتسمت ع شكل رموشه النازلات وعلى لحيته اللي طالعه بيها الشيب خفيف شكد تلوكله اللحيه بس ما يطولها لأن هو بدوامه ممنوعه اللحيه
معقوله لهالدرجه طغى حبه على قلبي وعمى عيوني وخلاها تتغاضى عن كل تصرفاته ويايه حتى الزعل والعتب كله يروح بحضنه ولمسه منه ؟!

كمت من يمه على اطراف اصابيعي حتى ما يحس خطيه كان بسابع نومه رحت غسلت وجهي واسناني وراها رحت للمطبخ حطيت الجاي ع النار وطلعت الجبن والخبز كنت دا اطلع بالغراض من الثلاجه اجه وشبكني من وره ودفن وجهه بشعري وحجه بصوت ناعس
.. صباح الخير يا عمري
ابتسمت
.. صباح النور حبيبي .. ليش كعدت ؟
.. لا تسوين ريوك راح اطلع اجيب ريوك
.. بس عدنه ريوك
.. اشش اريد اوكلج انتي وابني ريوك على مزاجي اليوم
باس رقبتي وراح غسل وجهه وبدل ملابسه كال
.. نص ساعه واجي
صدك وره نص ساعه اجه محمل علاليك كاهي وكيمر وعسل وجبن وصمون حار حتى المريض يكوم يشتهي من يشوف السفره
كعدنا كمنا نتريك كنت دا اكل تباوعت لكيته يتباوعلي بابتسامه وفرح
.. ليش تتباوعلي
ضحك ومسح شويه اثر كيمر بشفتي بأصبعه
.. هههههه اتباوع لفرحة وجهج وانتي تاكلين اللي يشوفج هسه شلون تاكلين ابد ما يصدك ذيج لجين الترفه اللي انعجبت بيها وحبيتها من اول نظره
.. هذا الاكل لابنك مو الي
ضحك ضحكه عاليه فدوه لضحكته شكد حلوه
.. الف عافيه يا عمري اتشاقه وياج لعد المن جايبه اذا انتي ما تاكلين منو ياكل؟
رجعت اكل واني اتباوعله:
.. يسار عليك النبي ما مسولفلي شلون انعجبت بيه اول مره وصدك هذا الولد اللي تحارش بيه وين وديته ؟
..يووووو شذكرج بيها .. شوفي جنت بيومها عندي انذار لان صادف انفجارات هواي ببغداد ودزوا عليه بالسيطره وفجأه شفت وحده تخبل وعيونها وساع ويكتلن كتل تصيح على واحد الظاهر متحارشه هي بيه مو هو متحارش بيها مبين من وكاحتها ولسانها

ضحكت ودفعته ابتسم وكمل
.. اجيت وعرفت انه متحارش بيج حسيت عيوني نطت من مكانهن من كلتيلي تحرش بيه وتعمدت اخذ هويتج حتى ثاني يوم ادز عليج هم اشوفج وهم اخذ معلومات عنج لان صدك عجبتيني ودخلتي قلبي من اول مره اخذت الولد كتلته كتله معدله تسوه عمره
.. لا خطيه يسار والقران بعدين تندمت لان كتلكم عليه
... اش لعد عبالج تايهه اكو واحد يكدر يحط عينه ع حرم يسار واني موجود
.. وشمدريك انه اني راح اصير مرتك وواثق هالشكل
تباوعلي ولزم حنجي باصابيعه
.. ماكو شي يصعب عليه اي شي اريده احصله ( رجع استند ع ظهر الكرسي)
بس اوووف منج فتيتي قلبي وسويته وصل من كلتي مخطوبه لان سالت عنج وكالولي ما مخطوبه ومن اجيت وشفتج ويه هذا العار ردت ادفنج بالقران
لجيني صدك بعدج تتذكريه؟

اني شهكت ولطمت على صدري وكمت ركض للسنكي
اجه يركض وراي
.. ولج شبيج غصيتي ؟ جاوبيني لجين
جنت اغسل بوجهي وحلكي واءشرله بايدي بمعنى اصبر او انطيني مجال
غسلت وخلصت ونشفت وجهي بالخاولي ورحت لزمت وجهه وبسته من شفته حيل هو تفاجأ وكتله بحنيه
.. صدك تحجي يسار اني احب غيرك لو افكر بواحد ثاني ولك والقران ما حبيت احد بكدك حتى ابوي ...لك انت النفس اليصعد وينزل انت روحي وحياتي وابو ابني وكل دنيتي
هو انصدم وضمني لصدره
..مخبله عبالي شو شبيج.... صدك لجين لهالدرجه تحبيني
.. واكثر والله وداعة ابني
باسني بشفتي حيل واخذني للجربايه جنت مشتاقتله كلش كانت كل لمساته حب وغرام واشتياق صرنه قالب واحد وروح وحده