❤❤العصبي والمغرورة ❤❤

.......................🌻المقدمة🌻................
اني جوري م98 بيضاء متوسطة وضعيفة وشعري كستنائي هافت وعيوني رصاصيات ومش متحجبة لساني طويل ونحب ندوي يعني ندوي هلبة شخصيتي قوية ومغرورة شوية ومرات هلبة عادي ع حسب الجو ونقرا ادارة اعمال في امريكيا وتحديدا في نيويورك

عندي اخ واحد واسمه جاد م96 حتى هوا قاعد يقرا وفي نفس الوقت يشتغل مع بابا في شركة تصنيع للسيارات عندنا مصنعين للتصميم السيارات وشركات

وبابا اسمه محمد طيب هلبة وحنين علينا مربينا زين ونحكوا ليبي لان بابا متمسك بلهجته وعلمهولنا في الحوش نتكلموا ليبي وبرا الحوش نتكلموا اجنبي

وماما متوفية من ستة شهور 💔💔💔

وهادي هيا عيلتي بالنسبة لعيلة بابا وماما مانعرفوهمش لان جدي مايبيش بابا لانه تزوج من ماما لان ماما بنت عدو جدي فهمتوا ف بابا هرب لامريكيا واسس شغله وحياته برا ليبيا ولتوا قاعد ماقررش يرجع من جديد وجدي غني حتى هوا وعنده شركات ومصانع خاصة بالاسمنت وهكي وعيلتنا معروفة بس احني في نيويورك يعني اكيد نسوا بابا

البطل اسمه مراد م93 عصبي مش عصبي وبس غوول وشخصيته قوية وكلهم يخافوا منه بس هوا جنتل مان😍 يعني طويل وجو عضلات اسمر شوية وعيونه زرق وشعره قهوي وناعم بس طرف 😍 من الاخير ولحيته خفيفة المهم هدا هوا البطل وطبعا هوا مدير اعمال مشهور وكبير حتى هوا وفي نفس الوقت قاعد يقرا زيادة الخير خيرين يقرا في الهندسة هوا الشركة متاعة يعني خاصة بالبناء وعنده مصانع حتى هوا راجل اعمال المهم حتى هوا عايش في نيويورك وامه وبوه في ليبيا وعمته عايشة معاهم الوحيدة وحتى بوه مدير اعمال وعندهم اسهم وشركات في ليبيا وعيلتهم معروفة

في الصبح ☀
نضت اني من النوم وتيت روحي مش نمشي للجامعة ونزلت لقيت بابا وجاد يفطروا
اني : صباحوو
بابا : ياهلا صباح الورد
جاد : رايقة اليوم
اني : اللهم لا حسد خيرك تبي تعكرلي مزاجي مالة
جاد😒 : اميين لا بس انتي عارفة نحب نستفزك نشعر بالسعادة هكي 😏
اني :😒😒 تو نتفاهموا بس مش توا عندي محاضرة بعد نص ساعة بالزبط خديت بريوشة
اني : هي تشاوات نشوفكم بعدين وبست بابا
بابا : جوري
اني تلفتت : نعم
بابا : سامحيني
اني ضحكت : خيرك بابا على شني بنسامحك
بابا : تأخرتي ع محاضرتك را
اني ضحكت وطلعت

طبعا الشوفير يوصل فيا واسمه ماجد ليبي
ماجد : صباح الخير
اني : صباح النور هي بسرعة عندي محاضرة بعد نص ساعة
ماجد : تلحقي تلحقي
اني : دامك شادها لقني مانلحقوش تي تحرك ومشينا واني قعدت انلود في كتاباتي ووصلنا
ماجد : بتنزلي ولاغيرتي رايك
اني : مبرد وجهك ونزلت

كيف وصلت للباب ويجي ولد يدفني لو ماشدنيش طحت وقعد يشوفلي وهوا متعفلق
الولد كلمني انجليزي : انتي ايتها الفتاة في المرة القادمة انظري امامك اين تدهبين لأنني لست موجود دائما لأمنعكي من الوقوع وتلفت وجاي بيمشي لاكن بعد ماسمعني وقف
اني تعفلقت 😠: مصح وجهك واحد حقير وتافه يمشي من غير عيون ويتكلم
اني 😠: في المرة القادمة انظر امامك قبل انت تتقدم الى اي مكان ايها المغفل وكيف بنمشي
الولد ضحك : اني مانغلط في حد انتي يلي ماتشوفيش
اني 😠: حتى اني مانغلط في حد اني كنت خاشة وانت جاي تهد بلا عيون يامتخلف
الولد 😠: معاش تستفزيني خيرلك وتسهلي على حالك
اني بغرور : وعلاش انت شن دخلك بيا من تكون اصلا مش تكلمني بالطريقة هادي وكيف بنمشي شدني من كتافي بالقوة وقعد يفنص فيا
اني : كان تحسابني بنخاف منك ف انت غالط برا وفنص في حد تاني وبعد من عليا مشي دفني دفان
الولد😠 : كيف تتجرئي تغلطي فيا هكي
اني نعطيه كف : انت يلي كيف تتجرأ تكلمني هكي رد بالك تطلع في طريقي مرة تانية ومشيت بغرور
واني متعفلقة خشيت نحضر في محاضرتي
بعد ساعتين ⌚طلعت من المحاضرة ووقفت قدام الباب انشوف في ماجد

مشي جي حد قامني ورفعني في السيارة
اني 😠😡: مالدي يحدت من انت ومادا تريد مني وجيت بنفتح الباب ماقدرتش وكان نفس الولد يلي تعاركت معاه الصبح
الولد : اهدي ولا كلمة احسن مايصير شي مايعجبكش
اني 😡: ع أساس عاجبني يلي قاعد يصير طلعني من اهني ياانت
الولد : مراد اسمي الاستاد مراد
اني 😡: مالت عليك حيطة انت واسمك معاك مالة اسم والله طلعني تعرف مني اني انت
مراد : اي نعرف نعرفك ونعرف بوك ونعرف خوك انتي جوري بنت محمد ال #$$&&%
اني بغرور : كويس دامك تعرف توا نزلني تواااا
مراد 😏: تؤ تؤ تؤ تؤ الاوامر يلي تعطي فيها للخدم متاعك ماتعطيهاش ليا اني وشد فرينوا من قوته عرفتوا بين الكرسيين الي قدامي اتجي عمتك جوري بقوة واندفاع بس مراد حط يده قدام راسي
ع شوي وخبطط في في الجي بي اس متاع السيارة
مراد بهزوة : هه مش قادرة تشدي روحك اممم عندك حق خفيفة زي الريشة لدرجة الريح لما اتجي الدفك الطيحي صح
اني 😡: عينك شن تحسابني ريشة مالة هيا ردني وين ماكنت
مراد نزل وفتح باب السيارة ونزلني شدني من يدي ودخلني ع فيلا كبيرة
اني 😡: وقفت شن جايبني اهني جاية بنفك يده مشي حولها وجبدني معاه حطني في دار دفني وطلع وصكر الباب عليا وطبعا خدي تليفوني هوا صكر الباب من اهني واني مشيت نخبط خشيت في وضعية هدان مش خبط بس لاني كنت نخبط برجلي ويدي بقو قوتي مشي ولالي فتح وخش
طبعا اني وخرت
مراد : بطلي حركات الصغار واكبري شوية
اني : انت يلي بطل مش حركات الصغار بس حركات الافلام جايبني اهني وحابسني باي حق
مراد قدم : بنفس الحق يلي مديتي فيه ايدك عليا
اني : تو اتشوف واللهي كان مااطلعني من اهني لما نرفع عليك قضية خطف وارهاب لما انخليك اتختخ في الحبوس مش هكي وبس لما انشردك في المحاكم شن تحساب روحك خاطف بنت رجل اعمال كبير ومشهور ويمشي الموضوع عادي ولا كأن صارت حاجة في احلامك
مراد : كملتي تهديد الكلام يلي قلتيه مايهمنيش را وبوك هه بوك تو تفهمي بعدين
اني : خيره بابا قولي شن هوا يلي بنفهمه بعدين
مراد جاي بيطلع اني شديت في يده
اني : مافيش اطلوع لين تجاوبني ع أسالتي توااا
مراد : تبي نجاوبك امممم به خلاص تو انقولك يا ........يتبع ))

طبعا بما ان هادي المقدمة ماحبيتش انطولها
لاكن لازم يكون في تفاعل مش النزل الحلقة التانية 💞

.........توقعاتكم للحلقة الجاية 😊

....................فووت + كومنت بليييز ❤

@Shaima shosho الكـاتبة ....... ❤