المغتصب حقها

1

#المغتصب _ حقها
زهراء -جهاد

=========================

:اهوك عباس يعني شلون منام اكو واحد ساعه وحده بالليل گاعد يشسور بشعره شنو متواعد بالحلم متگولي شوف عبالك ولا يمه ولك عببباس

: شكو وجع شبيج شگد لغويه تره تگدرين بدل هلغوه تگوليلي عباس حبيبي اطلع اريد انام واني بكل هدوء اطلع

: اووي يابه مو علئ سلوكك الحسن احاجيگ بهلطريقه نسيت العصر اشلون اتوسلت بيك تروح لبيت عمي وانت
طنشتني وفلتت عباس من الاخير تطلع لو اصيح

: طالع وجه القرد طالع. عوذه شگد مكروهه طلع وطبگ الباب

: استغفرالله الف مره گايلتله اكبر منك لتجاوز عليه ماگدر اگومله هسه كلها نايمه
باوعت علئ ذني بتاسع حلم همداجن اي

والله نوم اهل الكهف هسه لو طياره تهبط عئ سطحجن متحسن گمت طفيت الضوه ورجعت اتعوذت من الشيطان ولفيت

راسي ونمت ما گعدت غير ثاني يوم بالتسعه الصبح لگيت امي مخبوصه تروح هيج وتجي هيج اذكرت اليوم يجي اكبر

وهذا حال امي من يجي شكو اكله يحبها اسويها اله طبيت للمطبخ لگيت امي ومرت ابويه يسون اكل وبيبي گاعده علئ

كرسيها وتوجه بيهن صبحت عليهن وگعدت

: اگول يمة

: گولي يمه

: شكو شنو هلهوسه تره عادي ذاك الاسبوع جان اكبر هنا مو جديده

: لا ولج مو علمود اخوج ابوج ناذر ذبيحه علئ سلامه جدج من جان.بالمستشفئ وهسه گال ماطول
اخوج جاي والولد مجازيين خل اوفي النذر وننجمع

: اها هلا بيهم بس منو عازم بالضبط

: بيت عمامج وعوائلهم

: اها اي يمه كل الهلا بيهم اگول يمه جوعانه اريد ريوگ

بعدني دحجي وطبت مرجان رافعه دشداشتها ولامه شعرها
ليفوگ ولازمه الماسحه ومتخوصره وتحجي منضرها مضحك

: ااي عيني شكو عليج گاعده الضهاري وتريد ريوگ
والبيت ولا يخطر علئ بالها متگول هذا بيت ابويه خل امد ايدي بي طبعااا لان معتمده اكو خدامه وراها تكرب

:اوي مرجان شنو هلمنضر شكلج مال وحده مهزومه من الشماعيه جنت اريد ريوگ اي بس بعد المنضر الشفتج بي
نفسي انسدت

گلت هيج وفلتت لان ادري اذا ابقئ اتنتف مرجان حيل حساسه اضربها بطلقه ولا تعيب عليها طلعت

للگراج ولطرمه اغسل بيهن وادردم علئ خواني اني انضف وهمه يوسخون بسياراتهم عبالك جهال مو زلم طول

بعرض مشوربين بس هو مو صوجهم صوج الحض وحضي عاثر ب 11 يلا كملت ضهري انكسر حوشنه حيل جبير