#معاناه_انثى قاصر

البارت الرابع 4

#معاناه_انثى_قاصر

#بقلمي_بتول_الكلابيه

#البارت_الرابع.  4

بعد مرور وقت معين اجه محمد گعد يمي شويه او اخذنه صور او رجع طلع يم الزرلم
اني بقيت وي خالاتي وحده تصفآ على الثانيه شنو من عرس هذا اني وين اجيت ليش اهلي هيج زوجوني عبالك جنت حمل عليهم بس حبو يخلصون مني امي ليش هيج استغنت عني ليش مو المفروض الام هيه تكون احن شخص علينه معقوله هل گد متحبني حيل نكسر گلبي اتمنه بيدي الامر وگلهم ماريد ازوج اتركوني خلوني ارجع بس ياحيف المن احجي او منو راح يكفلي

صعدوني الغرفتي وياي خالاتي 2 بس نزلهن امه او اخته او بقيت بس اني او خالاتي وره نص ساعه او گبت العيطه اتعاركن الجناين بينهن ههههههه خرب حضي اله اليوم يتعاركن مبين من او اولهة خربانه الله يستر 😔

صارت ساعه 10 او گالو ح يزفون العريس اجه محمد وياه بس اهله يمكن هوسوله شويه دخلت عمتي بيدهة گدر مدري ايسموهة معجانه فارغه او 2 شموع او قوري متروس مي
خلتهم ب الگاع او گالت لمحمد يالله بدلو الحلقات او فعلا بدلنه الحلقات من الخطوبه للزواج  رجعت گالت خلو ايديكم ب الگدر او غسلتهم ب المي الي جابته وياهة وره ماخلصنه غسل انطتني الشمعات او گلتلي الزميهم  لزمتهم شويه او اخذتهن مني وخلتهن اباب الغرفه ماعرف ليش بس هيج عاداتهم والتقاليد مالتهم

اخته گالت افتح التسريحه مالتهة بس محمد مقبل
نزلو كلهم بقينه بس احنه
ذبيت بدلتلي ثگيله موتتني
بقت التسريحه

محمد...... تعالي اني افتحه الج

اسراء..... گعدت ع الجربايه او بلش يفتحلي ب التسريحه رحت غسلت وجهي او مسحت المكياج

محمد..... تعالي نتوضه ونصلي

اسراء..... رحت اتوضيت وياه او صلينه هذا يمكن احسن شي صار بهل يوم التعيس والكأيب

جابولنه عشه مالي نفس اكل او استحي او خايفه او خصوصآ محمد موجود استحي منه

محمد..... اكلي شبيج اكلي شويه

اسراء.... سويت لفه صغيره او اكلته گوه احسه متدخل بلعومي شربت مي وراهة كوومه
جان العشه معلاگ او تمن او مرگ احمر المعلاگ نص استاو او اني تلعب نفسي منه هيج او اني منا استحي ماگدرت اكل غير شويه

محمد..... ليش مااكلتي

اسراء..... مااشتهي ماريد شگله استحي منك لو مامتعوده عليك لو ماعرفك شلون اكل گدامك لهذا ماحجيت شي بعد

محمد... اوك 😊

اسراء..... گعدت الصبح مستوحشه اهلي او بيتنه احس روحي غريبه هنا اني شلون اجيت هنا او شسوي اجت امه او اخته باركلي سئلتهن عن خالاتي گللي رايحات بلشو دموعي اينزل هسه اني هنا غريبه مالي احد حت اهلي مويمي او بعيدين عنه