#معاناه_انثى_قاصر
#بقلمي_بتول_الكلابيه
#البارت_الحادي_عشر 11
ضحى ......صار المغرب أو اجه جسار شايل خشمه مدري شبيه محجيت شي وياه مناقصتي مشاكل
سويت عشه أو صحتهم يتعشون
روان .... ماما باجر عندي امتحان علوم أو ماحافضه راجعيلي حبابه
ضحى ..... اي تعالي اتعشي اول شي أو بعدين اراجعلج
جسار .... اني مو كتلج ماكو مدرسه بعد
ضحى ..... شوف والك تسكت لا هس أجرم بيك اتعشه اونته ساكت اعاين عليه بس يخزر بيه أو بخزر بروان اتعشو أو غسلت الاماعين أو رحت اراجع الروان صارت ساعه ب ال9
ريومه نامت أو هذا جسير معاند ميقبل اينام اله يجي ابوه اعرف شنو اباله ايريد يسمع ابوه ايكلي روان بعد مداوم بس نجوم السمه اقربله من هل شي
مرت فتره أو اجه احمد سويت عشه أو اخذته اله أو بلش جسار ايكول الابوه امي متقبل روان تبطل أو تكلي غصب عنك اداوم
خليت المي يم احمد أو كلت الجسار اطلع منا او روح للغرفه نام
طلع زعلان لان ابوه محجه شي وياه خلص عشه أو احمد ساكت رحت جبت الفحم ورجعت
احمد ..... انتي ليش تكسرين كلامي
ضحى ..... ماكسرت شي بس اني بنتي متبطل أو انته تعرف هل شي كلش زين اذكرك لو نسيت حجيك
احمد ..... شنو قصدج والج تتحكمين بيه
ضحى ..... لا بس انته أو كل اخوانك شاهدين يوم طلبت الطلاق منك او اخذت مني جسار أشهر أو زوجتك المصونه مقبلت تتحمل مسؤليه مو رجعت أو كتلي اخذي جاهلج مالي علاقه بيهم او خصوصآ روان لابنتي أو لا اريدهة ليش هسه جاي تتحكم ب مستقبلها
احمد ..... اونتي شنو حضره جنابج هسه تهددين لو شنو
ضحى ..... لا اهدد ولا شي بس اذكرك انته شنو حجيت قبل هذا جسار الي هسه كل مره تضربني بسببه تذكر من تمرض أو شمرته عليه أو مقبلت تاخذه للعلاج تذكر من جان ينشمر أو تبقه اتوسل ب العالم حت تاخذه للمستشفى اونته وين هناك يم زوجتك ايام ماشوف وجهك تذكر من جنه ناكل خبز يابس اومي لان انته متنطيني مصرف لو ما ام هبه جان جهالي ماتو اذا مو من المرض فمن الجوع هس جاي تريد تتحكم بيهم مو حرام عليك
احمد .... دكافي كافي لغوه بس اسمعي بنتك مالي علاقه بيهة بعد تدرس تبطل بس لو سمعت مسويه غلط أو لو رسبت سنه وحده تكعد ب البيت أو بعد ماكو مدرسه فاهمه
ضحى ....... بنتي متربيه احسن تربيه اوكل الناس تمدح بأدبهة أو اذا ع الرسوب فمستحيل اخليهة ترسب
سكت احمد محجه شي بعد خليت او طلعت من يمه بس لفت انتباهي خيال دخل للغرفه رحت أركض خفت لا احد من جهال سمع حديثنه اخاف على مشاعرهم دخلت للغرفه ثنينهم نايمين تقربت من جسار بقيت واكفه يم راسه جاي يشوخر يعني نايم فد مره أو روان كذالك نايمه اعرفه من تكون نايمه صدك زين شنو معقوله اني تخيلت طلعت من الغرفه أو رحت الغرفتي نمت
فزيت على صوت المنبه رحت سويت ريوك أو كعدت الجهال.
أنت تقرأ
#معاناه_انثى قاصر
Любовные романыفتيات قاصرات تتحطم احلامهم بسبب عوائلهم ويبقى السؤال يطرح نفسه إلى متى سيستمر هذا الجهل
