#معاناه_انثى_قاصر
#بقلمي_بتول_الكلابيه
#البارت_الثاني_عشر 12
ضحى..... خلصت الاكل أو طلعت غسلت ملابس بسرعه مالت جيسو أو رحت كلتهم يجون يأكلون اجو اتعشو أو راحو جسار دخل للستقبال بيده كتابه أو اني بلشت اغسل اماعين اجتني روان تريد تلفوني فتحته ونطيته الهة أو كتله لا تدخلين على هذا البرنامج أو شوفته الهة الي هوه الهانكوت المهم كالت اي أو فتحت يوتيوب أو كعدت يمي ب المطبخ أو اني كملت تنضيف الجو هنا حار ماما روان روحي هناك ع المبرده هنا حاره
روان ..... اي ماما حروح اكلج ماما
ضحى...... ها
روان ..... اليوم شفت جسار يبجي مدري شبيه
ضحى .... اندهشت او صفنت عليهة رجعت كتلهة اليش والج شبيه
روان ...... ماعرف من اجيت من يم صديقتي هاله من دزيتيني عليهم
ضحى .... اي كملي بسرعه
روان ..... اي هوه شفته يبجي ويمسح بعيونه بس اني خفت اكله شبيك ويكتلني حت ماخليته يشوفني
ضحى ..... لا هوه ميكتلج بس همين عفيه عليج مكتيله أو لا خليته ايشوفج لان راح يستحي منج وريج تنسين الي شفتيه
روان .... اي ماما حاظر
ضحى .... فديت بنيتي الفاهمه يالله روحي هناك اني شويه وجي
راحت روان او اني رجعت انضف بس عقلي يم جسار ليش يبجي شبيه اروح اسئله متأكده مراح يكلي السبب شنو أو خاف همين يكلي شمدريج ويعرف روان شايفته ويكتلهة
خلصت شغلي بسرعه او رحت للستقبال لكيته يقراء رياضيات
ها ماما شلونك
جسار ..... زين
ضحى ..... اجم امتحان بعدلك
جسار..... بس ثنين ليش
ضحى .... هيج اسئل محتاج شي
جسار ...... لا ماريد
ضحى ...... سكتت بقيت كاعده هوه رجع يقراء اني ساكته خليت او رجعت
جسار..... ماما
ضحى ..... التفتت عليه ها ماما
جسار ...... لا هيج ماكو شي
ضحى ...... حسيته ايريد يحجي شي بس غير رئيه تركته أو طلعت
رحت يم روان طلعت ملابسهم اعزل بيهة خلصتهم صارت ساعه ب ال10 أو احمد ماكو اجو الجهال نامو اخذت تلفوني اتصلت على احمد ماكو ياربي وين هل رجال وين جاي ايبات صح مشاعري اتجاهة بارده بس يبقه زوجي رحت قفلت البيبان صح يمي جسار بس اخاف رجعت للغرفه أو اتمددت يمهم فتحت تلفوني او دخلت للمحادثه لكيت البنات مسولفات هوايه أو نجود سائله عني
أنت تقرأ
#معاناه_انثى قاصر
Romanceفتيات قاصرات تتحطم احلامهم بسبب عوائلهم ويبقى السؤال يطرح نفسه إلى متى سيستمر هذا الجهل
