#معاناه_انثى قاصر

البارت الثامن 8

معاناه_انثى_قاصر

#بقلمي_بتول_الكلابيه

#البارت_الثامن.  8

اسراء.... مر على وفاه بنتي 40  يوم بهل فتره حيل اتألمت ونكسرت احب شي على گلبي راح او تركني عبالي الگي محمد سند الي بس محمد للاسف ايعاملني بقسوه ومحملني مسؤليه وفاه بنتي عبالك اني الي موتتهة 😢

بلش محمد يتغير اكثر من قبل او مشاكله ازيد ماتنقص او رجع ايريد طفل او ليش ماجاي ايصير عدنه طفل عبالك هوه بكيفي ميعرف هذا رزق من الله يمته ميريد يزرعه وينطيه موبكيف احد ايصير بقينه على هل مشاكل
او حمل ماصار عندي راجعت دكتوره هوايه بس مجاي ايصير عندي حمل او من يسمع محمد بهل شي يتخبل عليه

صار محمد يهددني لو اطلگج لو الطفل  زين هذا شتحجي وياه  والله مليت او تعبت منه
رحت احجي وياه
محمد شبيك شنو هل كلام

محمد.... مثل مسمعتي اني اريد طفل ماتگدرين خلط اطلگج او ولي لهلج

اسراء.....😲😲 اتريد اطلگني على مود طفل

محمد..... اي اطلگج ونعل ابوج لابو الخلفج لابو الساعه السوده الي شفتج بيهة

اسراء..... بلشت ابجي هذا شحجي وياه الي عقله جاهل اذا كلش سهل عنده ايطلگني شترجه منه
ضل ايصيح ويكفر ويغلط مخله شي محجاه عليه بقه بس ضرب ماضربني هاي يعتبره مسوي فضل عليه او مايضربني

استمرت حياتي على منوال المشاكل والاهانات لحد ماصارلي سنه او نص مزوجه اهلي مااشتكيلهم لان همه سبب كلشي ايصير وياي صرت ادعي الله ايموتني ورتاح والله تعبت من كلشي
لشكم دوب ابقه هيج بلشت نفسيتي تتحطم ومحمد على الطالعه ونازله اطلگج وطلگج  قررت احجي وي امي بلكي اساعدني او فعلا خابرت امي او حجيتلهة عن كلشي او عن محمد او تصرفاته
المفاجئه امي جان ردهة الي اششششش اسكتي وتحملي بلكي الله يصلح حاله او انتي بعد ازوجتي او هيج مشاكل اصير ميصير ترجعين زعلانه وشلون تتطلگين  والناس شتگول علينه

انكسرت زايد امي شايله هم الناس اكثر مني او من حياتي ماهمه اني بولاشي سديت الخط وي امي لان اذا يعرفون بكلام امي راح ايزيدون بأهانتي ويأذوني اكثر لان بعد مالي ضهر انسند عليه
مر شهر والمشاكل نفسه تزيد متنقص
اجاني محمد عصبي الشر يطلع من عيوني ويصيح عليه افلانه حامل او انتي طفل متعرفين اجيبيلي او ضل ايصيح ويغلط  او اني ابجي وگله والله موبيدي انته ليش ماتفهم  بس ولاجنه يسمع شي من الي احجيه  طلع ورجع بليل على نفس عصبيته صعدلي للغرفه او گلي لمي هدومج الصبح اوديج لهلج ونعل ابوج لابو عشيرتج 

اسراء..... محمد اوگف شبيك والله موبيدي شسوي اذا الله مكاتب ايصير طفل هسه

محمد..... مليت منج ماريدج بعد

اسراء..... او اني ابجي كتله ليش محمد ابيش اذيتك اني مايوم طلعت عن امرك شتگلي اكلك صار