بنت الجنوب

البارت السادس

سارة كعدت أصبح ع صوت المنبه وكعدت زينب

سارة : ولج زينب اكعدي راح الوكت كومي يمعودة

زينب : لا عفية بس اشوي خمس دقايق

سارة : جريت المخدة من عندها لج دكومي عوبة

زينب : أخ سارة شبيج كمت كمت

كمنة بدلنة وحضرنة نفسنة ولبخنة المكياج طبعا هاي اهم فقرة ونزلنة

ام زينب : يلا تعالن يكن علمود ابوج ياخذجن

زينب : اي ماما صباح الخير باباتي

ابو زينب: صباح الورد حبيبت ابوهة

سارة : صباح الخير

الكل صباح النور ، ما اعرف لمن اشوف بنت ويا ابوها اتمنى والدي عايش وترجع علية كل ذكريات العشتهة وياه اووف بلة حسد ايجوز البنت الفاقدة ابوها اتحس بية

ابو زينب : شلونج عمو سارة

سارة : الحمد لله عمو بخير

ابو زينب: شنو عمو ملكيتي وضيفة مدارس أهلية وضيفة بغير قطاع

سارة : لا والله يا عمو تعرف ماكو مدارس أهلية قريبة ع بيتنة والحكومة مأيسة منهة والأهلية هم تريد خبرة واني من تخرجت كعدت بالبيت

ابو زينب : اي عمو العمارة وضعهة تعبان مو نفس بغداد زين عمو اني صديقي عندة مدرسة أهلية كلش راقية وجاي يتوسع بكل العراق وسنة الجاية راح يفتح مدرسة بالعمارة ليش متبقين هنا السنة ودرسين بغداد علمود من يفتح مدرسة بالعمارة انتي ضامنة مكانج وصايرة عندج خبرة

سارة : والله ما اعرف يا عمو بس انت تعرف خواني صعبين وما اعتقد يقبلون

ابو زينب: خلي خوانج علية لا تشيلين همهم بس شنو اختصاصج علمود أحاجي صديقي

سارة : رياضيات عمو

ابو زينب : خلاص عتبري نفسج راح اداومين

سارة : تسلملي عمو الله يخليك ويطول عمرك فرحت هواية من عمو ابو زينب هت اموضوع وضيفتي واخواني يحترموه ويقدرونة اكيد مراح يرفضون

ابو زينب: ويخليج بنيتي ترة انت خالج من حال زينب يلا كملن علمود اوصلجن

زينب : واخيرا راح تبقين هنا خلي اشبع منج ههههههه

سارة :  هههههههههه خلصنة ورحنة للجامعة دخلنة جانت جامعة زينب كلش حلوة

لبسي جان 👇