بنت الجنوب

البارت الحادي عشر

سارة الدكتور كلي مدمنة انصدمت شلون وصلت الهل حالة ومنو الوصلهة بصراحة خفت عليهة من أخوها هذا مخبل وهيا ضلت ترجف من كال دكتور ضلت تتوسل بية ما اكل الاهلهة زين شلون ما اكلهم اني مو كد اتحمل هيج مسؤولية وخصوصن هيا يرادلهة معالجة وعناية دكتور علي من شاف خوفنة ضل ينكت ويحجيلنة ع المرضة النفس حالتهة وتعالجو والمواقف التضحك الصارت وياهم خطية راد يوخر الخوف منة وخصوصن منهة اباوع شفت اخوهة اجة بس وجهة مبين مرعوب ويخزر بية بس اني صار كلبي ع نرجس شراح ايسوي بيهة وجان وياه واحد ما اعرفة هوة سال شبيهة من خوفي ع نرجس كتلة مبيهة شي بس تعبانة  وانوب تخبل يزايد دخيلك ربي عديهة ع خير اباوع ع نرجس ترجف وجهة ينطي ألوان يبووه شلون انكلة هسة انوب الدكتور كلة مدمنة وجهة بينت الصدمة عليه  وتفاجئ

محمد : يعني شنو مدمنة وع شنوو

دكتور علي:  مدمنة مخدرات بس حالتهة يس.....

بعدة ممكمل الدكتور وهوة عاط بيهة وكمز عليهة اني ركضت خليت نفسي كدامهة وهوة يجر بيدها

محمد : لج نررررررجس ولج منو ادلاج ع هل طريق لج حقيرة هذا جزات دلالنة وخري منهة

ساارة:  ما وخر الله يخليك متنحل هيج المشكلة

محمد : كتلججججج وخري منهة لا  تدخلين

سارة : ما وخر وشسوي سووي، ضل يخزر بية انوب هذا الولد بالكوة سحبة وطلعة برة الدكتور من شاف هل وضع طلع وياهم ضليت اني ونرجس وهيا مجلبة بية  وخاايفة  اوووف

سارة : لا تخافين ردت فعلة طبيعية هسة يهداء ويرجع طبيعي

نرجس : الله يخليج ست لا تعوفيني محمد يذبحني والله انتي متعرفي شكد عصبي يمووتني والله

سارة : اذا تعرفين هيج شدلاج ع هل طريق يا نرجس شلون زين متعرفين شخص يأثر عليه

نرجس : هاا اي اعرف اعرف بس خايفة اني

سارة : لا تخافين حبيتي اني مراح اعوفج بس الازم نالكة شخص يأثر بيه علمود ميسويلج شي

نرجس : اي راح اكلج ابن عمو  علاقتنة مو  قوية بس علاقتة بمحمد قوية  وهوة يأثر ع محمد همة اصدقاء من الطفولة

سارة : زين كون عصبي نفسى

نرجس : لا ست مو عصبي

سارة : كلش زين حافضة رقمة علمود اتصل عليه

نرجس : لا ست محافضتة

سارة : نرجس تحجي وتبجي واني بالكوة الازمة نفسي من الخوف زين شلون هسة انحصلة

نرجس : حافضة رقم بيتهم

سارة : كلش زين هاج فوني اتصلي ع بيتهم وكليلهم اريد رقمة عندي شغل وياه