بنت الجنوب

البارت الرابع عشر

ادم خذيت نرجس ورحت بس ضليت افكر بسارة محمد يسويلهة شي لا شيسويلهة شنو اني ما اعرف محمد اووف هسة اني ليش افكر بيهة كلت احجي ويا نرجس احسن

ادم : نرجس اني كلت الهالة وفهمتهة ع حالتج فأي شي تحسين بيه احجي الهالة زين

نرجس : زين بس اني استحي من هالة وماعندي اي اختلاط بيهة

ادم:  هالة اجتماعية بسرعة راح تاخذين عليهة لا تستحين اشوية اشوية تتعودين

نرجس : إنشاء الله

ادم : اكول نرجس هاي مدرستج بشنو تجيكم

نرجس:  تقصد ست سارة

ادم : اي

نرجس : هيا هسة داومت علينة تجينة برياضيات

ادم:  شعجب قبلوها وجاية متاخرة ع الموسم الدراسي

نرجس:  مو هيا من العمارة ونتقلت البغداد لهذا هسة داومت مدرستنة صار عندها طفل وخذت أمومة وهيا اجت ابدالهة

ادم  اها ماعرف شبية بس ردت احصل معلومات عليهة

محمد : امبينة إنسانة خلوقة

نرجس : اي كلش خوش إنسانة رغم اول ما اجت سويتلهة مشاكل بس هيا ساعدتني

ادم : الله يحفضهة بكلبي يحفضهة وشوف طريقي وياها صرنة يم البيت دخلت السيارة ونزلت نرجس اتصلت بهالة تجي الان خطية نرجس تستحي وما شايفتنة دخلنة وستقبلتنة هالة

هالة : اهلاً وسهلاً نور البيت عيوني نرجوسة

نرجس : اهلاً بيج منور باهلة

هالة : فديت الجمال لج شنو هل جمال عندي بنت عم هيج حلوة ونا اعرف

نرجس : هههههه عيونج الحلوة مو احلى منج اكيد

هالة : لا عيني احلى لا تكذبين علية هههه

نرجس : ههههههه ، من كال وصلت ستحيت واني بحياتي مادخلتلهم استقبلتنة هالة من دخلنة رحبت بية وتسولف وتضحك رتاحيتلهة وحسستني تعرفني من زمان واني هم هيج حسيت دخلنة وشافتني مرت عمو خفت منهة الان ماما دائمن تحجي علية ودكول حية هاي

ام ادم : هلا ماما نرجوسة نور البيت حبيبتي تفضلي عيوني وعتبري بيتكم بعد كلبي

نرجس : هلا بيج عمة تسلميلي

ام ادم : ماما هالة صعديهة فوك خلي ترتاح

ادم صعدن فوك واني افكر وصلهة بعدة اراسلهة واشوف لا ادم عيب شنو انت خذيت رقمها علمود تراسلهة لو علمود نرجس اووف شفت نرجس ارتاحت ويا هالة وماما تحب كل ناس وترحب بيهم واني كلت الهالة تفهم ماما جاي ادرسيهة الان موزينة ومتحانات نصف السنة جاية ع الأبواب تعشيت واني بالي ايدور محمد سوة شي السارة اوووف خلي اراسلهة قابل اني شراح احجي وياهة