بنت الجنوب

البارت الثالث والعشرون

محمد : كاعد افكر بالي صار اليوم وتندمت هيج اجاوزت عليهة بس مو بيدي كلبي محترك ومن اشوفهة افقد جنت أعتقد راح اصير الي بس المشكلة مو بس هنا لا المشكلة خذت انسان اعز من نفسي ورغم اعرف كلشي ما اكدر اسيطر ع نفسي اوووف افكر واسمع رنت الفون باوعت هذا ادم خيررر رفعتة
حجيت وياه وزاد قهري يسأل ع الست اوووف يا ادم شنو اكلك هسة حتى استحيت من افعالي وياهة بسببة هوة بقلق واني الغيرة كاتلتني اوف ياربي هذا المتحان صعب وتاليهة الازم اخلي حد المشاعر وتصرفاتي هاي بعد راجعة الأخوية هسة شنو أكلة  رجع اتصل

آدم:  ها محمد بشر

محمد : لك اشبيك شخبصتنة

ادم:  حقك متعرف شنو هيا بنسبة الي لك خايف عليهة

محمد : اوووف الهدرجة اتحبهة اشفت منهة مصارلك أشهر من عرفتهة

ادم : لك هااي القلب اويلي يابة ما اعرف شلون سكنت هل كلب بهل سرعة بس العرفة اموت اذا ما اسمع صوتهة ..... محمد وينك

محمد : وياك سألت نرجس متعرف شي اصبر الباجر

ادم : لك شيصبرني الباجر ما اعرف كلش قلق عليهة

محمد : شبيك يول صاير مثل النسوان شثبرتني بيهة شنو الخلقهة ما خلق غيرها ترة منطيهة أكثر من حجمها

ادم : حقك متعرفهة لو تعرفهة متلومني سارة تختلف عن البنات بثكلهة وخلاقهة وتحفضهة وهذا الشي زيدني اعجاب بيهة

محمد : مروح يابة مالي خلكك وراية شغل الصبح

ادم : زين رايح يلا عود شكرا

محمد : عود العفو روح يلا

محمد هوة يحجي ويشعل نار بكلبي  النار يارب الازم اخلي حد الهاي المشاعر هاي مرت اخوك محمد  كافي عاد كاافي اوووف  ياا كلبي انسااهة عاد انساهة اشفت منهة حتى هيج تتعلق بيهة الازم اخلي حد رحت انام وبطلعان الروح نمت افكر بحالي وبأدم ولعل وضع الحيل مأذيني هل فترة صار عندي ارهاق نفسي بس الازم اخلي حد الهذا الشي نمت بقل هالله احد كعدت جهزت نفسي وطلعت للشغل بدون حتى  ما اتريكت الان التفكير دمرني  رحت وصلت للمكتب اني اول واحد اوصل هففف كعدت اشتغل الهي نفسي بشغل أفضل كاعد اشتغل ودخل زيد علية يبااوع بنضرات مزعجة اعرف ليش هاي النضرات

محمد : زيد احجي ولا تباوع هيج جنك مرة

زيد : نعم الله عليك سويتني مرة

محمد : زيد ترة مالي خلكك احجي التريدة بلا  مقدمات

زيد : عاجبك السويتة امس ويا البنية