بنت الجنوب

البارت الرابع والعشرون

ابو محمد:  اي واخيرا واحد منكم راح يدخل القفص الذهبي ومنو هاي سعيدة الحظ

ام محمد: شايف كل الخير عيني

محمد : شنوووو تعال ادم خلي نحجي بغرفتي

ابو محمد: شبيك يابة انكلب وجهك خاف غرت ع ادم ههههههه

محمد من سمعت حسيت شي اوكع ع راسي ونار شبت بكلبي عطت لا ارادين يعني شنو اخوية وابن عمي ياخذ الاريدهة لا هيا مو اغلى منة بس راح اصير بينة مسافة بعد ما اكدر ادخل بيتة عمي نفس قبل والاشياء الصارت بينة شلون شلون

محمد: لا يابة اريد احجي وياه

ادم: اوك يلا امشي يمعود لا اضوج عود اعدل بينكم هههههههه

ابو محمد: هههههههه ابني تستاهل كل خير

ادم: تسلملي عمو يلا عن اذكم

محمد: دخلنة الغرفة وسديت الاباب

ادم: شنو هاي عيني محمد لا افتح الباب استحي ههههههه

محمد  : شبيك اتخبلت

ادم: شبيك محمد كلبت وجهك  من ساعة ما حجيت ع خطبة لا تكون صدك غيران يوال ترة كلت اعدل بينكم ههههههه

محمد: كافي ادم نكتك هاي جاي احجي موضوع مهم انت تخبلت شتعرف عنهة حتى تخطبهة

ادم: اعرف كلشي هاي بدل ما تفرحلي ليش هل مره هذا اتجاهة شتعرف ع بنت انت اذا تعرف شي كولي

محمد: مو هيج الموضوع يا اخي بس انت من منطقة وهيا من منطقة شعرفت عنهة عن عائلتهة حتى تخطي هيج خطوة هذا زواج عمر ليش مستعجل

ادم: عرفت كلشي وسالت شنو اني ما افهم وسالت المديرة عليهة وحتة سالت امنطقتهة وعن أهلهة شنو اني ما افهم علمود تفوتني هيج مواضيع عائلتهة من احسن العوائل وهيا  من احسن البنات وكلهة تحمد بعائلتهة وبخلاقهة بس انت الكارهة للبنت محمد افهم اني احبهة وأريدهة وهذا كافي وانت حر برئيك

محمد: اذا هيج خلاص بس ارجع وكلك مستعجل بهل خطوبة

ادم: طبعا مستعجل اريدهة يمي والي يجي يوم واتصير اموقفي يلا اروح الوالد ينتضرني

محمد: الله وياك

محمد شبت النار بية من الطرفين اني محترك منهة وما اعرف شوكت حبهة دخل الكلبي وكبر الهل درجة ومن ادم الي اعتبرة اخوية وصديقي واقرب الناس الي شحجي شكول ما اتحمل فكرة همة ايصيرون زوجين اعز ثنين عندي احس راح ينفجر راسي شلون اخلي عيني بعين ادم بعد اسويتة وياهة وما اكدر اكلة احبهة راح اتخبل هاي الحقيرة راح اتفرقنة احنة الخلصنة عمرنة سوة مرة تفرقنة اتصلت بزيد وكتلة خلي نطلع الان احس الحيطان تخنكني اريد اصرخ احجي وماكو  غير زيد