💔دايڤرجنت✨

📖البارت الرابع عشر ❤📖

💔دايڨرجنت✨
💜البارت الرابع عشر💜
بقلمنا: life Maker (بيرو💋..لينا💗توته✨لوزهه🐾🌸)

عزيز قرر وبشكل حاسم وفوري انو يجمع اصحابو كلهم ويوريهم بي الحاصل في حياتو .. هم برضو جزء من دنيتو ولازم يعرفو..💔
(اعلم ان كل نفس زائقه الموت ولكن .. لكني اتشبث بالحياه كثيرا لا اريد الموت لا اريد ان اصبح زكرى عابره في مخيلتهم .. امي ابي واصدقائي اعلم اني ساكون منسيآ بعد موتي اعلم جيدا ان ليس لي قيمه عند احد مثل الصفر او سالب  .. وبلا فوائد  وكما انني لم افعل شيئا لاقابل به ربي .. لم افعل شي لادخل به جنه او احظى بنعيم هه نعم لا بد اني مكتوب علي الشقاء في الدارين ~..*عزيز*)
عزيز جمعهم كلهم في شقتو كان بتصل عليهم واحد واحد ويقول .. انا محتاجك هسي في شقتي ممكن تجي ؟.. كلهم جو وهم ملهوفين وخايفين عليهوو .. دخلهم كلهم وقعد في الكنبه .. الكنبه المنها اتدمرت حياتو وانقلبت راس على عقب ..وفجاه جاطو كلهم وبيتكلمو بصوت عالي الا مجد بس كان ساكت ومربع يدينو كان بحول نظرو بين عزيز وفرح كان باين عليه انو مكتئب شديد ..
عزيز : شبااب شباب لو سمحتو وقبل يتم كلامو يبدا يرجف ويتمتم ويقع مغمى عليه .. جمانه بتصرخ من المنظر وماسكه في فرح بي كل قوتهاا فارس ومجد رفعو عزيز سريع وعلى السياره شغلوها واتحركو على اقرب مشفى ولحقوهم البنات بي سيارة فتون.. كانو في حاله يرثى لهاا بس كل همهم ان عزيز يقوم بي السلامه ومايحصل ليه شي.. دخلوه غرفة الطوارئ ..الممرضات.. اطباء.. اجهزه طبيه.. كلهم بطاقشو على غرفة عزيز والشباب قلقو خلااص واقفين على اعصابهم..💔
(احساس صعب انك تفقد زول عزيز عليك وبتحبو والاصعب تكون اتعودت عليهوو .. يااخ اقسم بالله شي يقطع القلب احساس انت م عايزو يبعد منك .. م عايز يحصل ليه شي حتى لو م بتحبو لكن حتفتقد ليه .. ربنا م يشيل مننا زول بنحبو 💜🎶)
قام مجد من جمبهم ونزل تحت وقعد في الكافتيريا فتح تلفونو وفتح المصحف وبقى بيقرا على نية انو عزيز م يموت.. كان عندو امل كبير في ربنا💜🎀
كان بيقرا بصوت مسموع خلص كم آيه كده ولمن رفع راسو لقى ولد قاعد في كرسي وراجع لورا  مبتسم وبعاين ليهو.. مجد استغرب ده الجابو هنا شنو
كنان : على فكره صوتك حلو .  حسسني بطمأنينه ياخ💞
مجد بابتسامه بارده : شكرآ .. وعايز يتحرك كنان وقغو
كنان : مجد لو سمحت .. انا عايز اتكلم معاك
مجد : اتفضل بس انجز
كنان : بس انا عايز اعتزر ليك عن المواقف الحصلت بينا وكده كانت كلها بيش والصراحه نحن اولاد بلد واحد وهسي في الغربه نحن لازم نكون مع بعض ولا شنوو
مجد : امممم لا مافي داعي تعتزر م مشكله😊
كنان : شكرا لتفهمك ..معليش بس انت الجابك هنا شنو
مجد : صحبي في حاله حرجه شديد وهسي في الطوارئ
كنان : ربنا يكتب سلامتو💔طيب امشي ليهو م ااخرك
مجد : تسلم.. واتحرك على فوق مضت ربع ساعه والاطباء والممرضات جوه فضلو منتظرين كده لحدي م الطبيب طلع كان معرق وتعبان وحالتو م توحي بي الخير
فارس : ايها الطبيب رجاء ما الذي حدث طمأني ارجوك
الطبيب : صديقك بحاله جيده الان ولكن لن يصبح كذلك بعد عده ايام .. يؤسفني ان صديقك يحتضر وستفتقده ..💔
الطبيب خلاهم في حاله صعبه شديد وكلهم مصدومين ومستائين..💔البنات كلهم قعدو يبكو بحرقه حتى مجد الكان م بيظهر دموعو الليله دموعو ظهرت وهو بيضرب في الحيطه بغيظ..
طلعو عزيز من الطوارئ بعد استقرت حالتو وودوهو غرفه عاديه .. كانو داخلين ليهو بس وقفتهم فتون : ي جماعه اسمعو نحن م لازم نوريهو ب كلام الطبيب ادخلو وحاولو فرفشو بيهو م تنكدو عليه وماف زول يبكي تمام ..فتحو الباب ودخلو لقوهو راقد وشو شاحب لمن ملامحو متغيره اول م شافهم قعد في السرير واتكل على ضهرو..
فارس بابتسامه مصتنعه : شنو ي عزيز عايز تخوفنا عليك ي صحبي
عزيز وهو بيضحك بتعب : تقولل شنو بس امر الله حصل
جمانه : سلامتك ي عزيز م تشوف شر💞
عزيز : الله يسلمك💜
قعدو اتكلمو معاه شويه وكده والممرضه جات وقالت ليهم خلو المريض يرتاح كانوو عايزين يطلعو بس هو اصر يقعدو معاهو وفي نص الكلام تلفون عزيز يرن .. يرد على تلفونو بصوت خافت
الو.. ويجيهو صوت حنيييين صوت عمرو م بيغباهو ولا بنساه
عزيز : امي 💔ودموعو جرت فورا بس مسحها سريع عشان م تاثر على صوتو وامو تقلق
الام وهي بتبكي: عزيز ي ولدي انت كويس 💔
: انا كويييس ي امي مافيني شي المهم انتي كيفف؟
: انا بقيت كويسه بعد سمعت صوتك واطمنت عليك ليه ي عزيز ليه تعمل فيني كده انا غلطت عليك في شنو ي ولدي تنقطع مني كده💔
: امي اشتقت ليك .. ودموعو رجعت تنزل من جديد بس المره دي م قدر يوقفها ولايسيطر عليها ..
: ي عزيز م تحكي لي انا امك م تخبي علي انا حاسه انك م كويس واحساس الام في ولدها عمرو م بكذب
: ا..ا .. اعفي لي ي امي اعفي لي كل الانقطاع ده اعفي لي انا باقي عمري ده حاقضي تحت رجلينك يمه بس اعفي لي💔وانهار بي البكاء وماقدر يواصل ف قفل الخط وقعد يبكي والحركه دي بكتهم كلهم معاهو..💔مشى عليهو فارس وضماهو شديد كان بيبكي بي حرقه وكان عاارف انو حيموت ..
عزيز وقف بكى وسكتهم كلهم : ي جماعه انا عارف م فضل لي الا كم يوم في الدنيا دي..
فارس ختى يدون في فم عزيز : اسكت ي عزيز م تقول كده
عزيز نزل بد فارس وهو مبتسم ابتسامة يأس : لا والله انا عارف الطبيب قاال شنو وعارف نهايتي .. بس عايز اقول ليكم خلو بالكم من نفسكم ومن قرياتكم وماتمشو في الطريق الانا مشيتو عشان م تضيعو زيي واخر امنيه لي بس م تنسوني اذكروني في صلاتكم طوالي وادعو واستغفرو لي .. عارفني م بحب اكون براي ونسوني بي الدعاء .. فرح انفجرت بي البكاء وواصل عزيز : فرح البكاء م حيفيد في شي لو سمحتي م تبكي بس ادعي لي  ..💜 عدى اليوم بي بؤس وكآبه رجعو كلهم البيت  الا مجد وفارس فضلو مع عزيز جاهم كنان داخل وقعدو اتونسو وضحكو وفرفشو بي عزيز شويه وطلعوه من جو الاكتآب .. البنات رجعو وجهزو شنطهم وجهزو للشباب شنطهم عشان بكره راجعين البلد .. راجعييين السودان💞💞في الاول عزيز منعوه يسافر بس اصر على كده واتعهد انو اي شي يحصل ليهة مسؤليتو الخاصه فالطبيب سمح ليهو يسافر 👋
وصباح اليوم التاني.. صحو البنات واتلمو واخدو الشنط كلهااا واتحركو بي سياراتهم على المشفى وصلو لعند الشباب وقعدو معاهم شويه وسلمو واتعرفو على كنان وبعداك داك جهزو عشان مواعيد الحضور ..نزلو من المشغى ومشو على المطار واااخر نداء لطيارتهم.. رحلتهم المتوجه لي بلدهم وناسهم المشتاقين ليهم...
في الوقت داك كان في تطبيق في بريطانيا ممكن تكتب فيهو الرسايل وتعمل ليها تاريخ ارسال وعنوان المرسل اليه والتطبيق حيرسل الرسايل لمن يجي تاريخها للعنوان المكتوب ليهاا .. عزيز كتب ليهم رسايل كلللهم .. وعمل تاريخ محدد وساعه محدده ليهم كلهم وركب طيارتوو
والآن ..جاءت السيده زات الرداء الابيض والطاقيه السوداء لتخبرهم ان وقت الهبوط قد حان اربطو الاحزمه واستعدو..💔
نعم لقد وصلو .. وصلو لبلدهم ومنبعهم كم اشتاقو لهذه الارض وهذه البلاد بعد عام من الدراسه والغربه..اشتاقو لأهلهم اصدقائهم وحتى زكرياتهم اشتاقو لكل شي متعلق بهذه البلاد❤
هبطت الطائره نزل الابطال .. وحين وطئت ارجل ابطالنا ارض وطنهم الحبيب استقبلهم برززااز من الامطار الجميلة كاانه يقول لهم لقد اشتقت لكم ..ودعوو بعضهم البعض وتلااقت اعيينهم وفيهاا شي من الحزن علي فرااق بعضهم البعض كانو يمنوون لو تطول هذة والوقفه كي لا يفارقو بعضهم ولكن هيهاات ومن ثم انطلقوو الي بيوتهم الي الامااكن التي عااشوو فيهاا طفولتهم الي اهلهم الي من يحبوونهم ✨♥♥ تبادلو ارقام
وبعد ساعات قليله .. اتى ليدخل تلك الفيلا الكبيره زات الطراز المميز استقبله الحارس وحياه بحراره ولكنه كان يشعر بضيق غريب لم يكن يريد الرجوع ولكن لا مفر..دخل على الارجاء فلم يجد احد ذهب الى غرفته ادخل حقائبه ووقف على شرفته ليطل على الشارع وبينما هو في شروده يحس بتلك اليدين الناعمه تحتضنه وتحتويه من الخلف تملص منها و التفت ليرى صاحبهاا .. مجد : رتووجتي😢ورجع احتواها (ابو عضلات)😢💔بكى معاها بوجع كده وطلع كل الفي نفسو..
رتاج : ليه ي مجد انت بتعمل كده .. على الاقل وريني انك جاي💔
مجد : م مهم.. المهم اني جيت وانتي معاي هسي
مسكتو وقعدو في السرير وفضل يحكي ليها كتير عن ايامو ودراستو لحدي م استاذنت منو عشان ينوم وطلعت
________________☆_☆
وعند فرح جات داخله بيتهم ورمت شنطتها وبتصرخ باعلى صوتها مااااامااااا انااا جيييييتت .. طلعت امها مخلوعه من الغرفه ومقلعه عيونهاا
نجاة : فرووح❤❤.. وفرح جرت عليها وحضنتهاا وبقت بتنطط
فرح : ماما وربي اشتقت ليييك💔
نجاة: وانا كمان اشتقت ليك ياااخ😢❤
قعدو في سفرة المطبخ واتكلمو كتيرر وحكوو لحدي م نامت فرح في السفره وخلت امها بتتكلم
_______________♡_♡
جمانه .. كانت تعبانه شديد من السفره بس ماعندها طريقه تقعد في الخرطوم مشت على طريق الباصات قطعت تذكره وركبت باصها وعلى بلدها👋في الطريق اتصلت لابوها وورتو انها جايه فرح شديد بي الخبر وقال ليها تصلي لينا بي السلامه💜

وصلت و كلها فرح و شوق اخيرا حتشوف عيون ناس اشتاقت شوفتها♥😍 وصلت المحطه و ابوها استلمها حضنها و سلم عليها و هي كمان..كانت مشتاقه ليهو شديد😢 و وصلت البيت و رحبو بيها و حضنتهم و كلهم و البيت اتمله دموع حزن ممزوجه بي فرح و شوق😭 ..دخلت غرفتها بكل تعب نظرت الا نافذتها لتره انعاكس صورتها و وقفت تتأمل نفسها و من داخل هذا الشرود ترا صورته تراه و هو يضحك و ينظر اليها و كسرت ابتسامتها الواسعه دمعتا.. نزلت مثل شرارة احرقت خدها 💔قطع حزنها صوت بابها مسحت دمعتها بسرعه و ألتفتت وراها لتره امها.. يمى ☹و ذهبت الى حضنها و بدائت تحكي لها عن حياتها هناك حتى نامت في حضنها💔

توقعاتكم للبارت الجاي تابعونا 💜
يلاا يلااا توقعاتكم يمنعنعين