💔دايڤرجنت✨

📖البارت الثامن عشر ❤📖

💔دايڤرجنت🐾
💜البارت الثامن عشر💜
بقلمنا:life maker(بيرو💋...لينا💗...توتهه.✨...لوزهه🐾🍃)

كان عزيز شارد في تفكيرو في رزان و في طريقتها الغريبه و في لحظه اتذكر جوليا كان مفكرها انها طيبه بس دايما لازم ننخذل من ناس كنا مفكرنهم قريبين لينا 😔💔
" كيف فاتني ان اكون علاقه سويه مع انسانهه كهذه ربي اني ضللت فاعدني *عزيز* "

نمشي ليه شخصيه ظهرت في روايتنا و نعرف قصتها و مشكلتها مع مجتمعنا المستعصي "ديڨرجنت"🍃♥
☁💜☁☁☁☁☁☁☁💜💜☁💜☁💜☁💜☁☁☁☁☁☁

سمرر..💜
الشخصيه دي م اتطرقنا ليها كتيرر .. بتقرب لي مجد.. هي بتحبو ومتعلقه بيه💜بس هو م بحبهاا.. بعاملها بحب بس جواهو مافي اي شعور تجاها💔
كسرهه..
الرجال(النسبه الاكبر من مجتمع الذكور)دايما تفكيرهم كده.. بفكرو انو البت لمن تتعلق بيهو كده هو انجز وهو اقوى راجل في الدنيا ويا جبل م يهزك ريح💔وفي نهاية المشوار البحصلل شنو..💔بكسرها ولا كانو وعدها بي شي ولا اداها امل فيهو .. بي كل برود بقولل.." انا م الشخص المناسب .. او انتي تستاهلي احسن مني..الخ".. طيب ليه انت م تبقى الاحسن ده .. ليه م تبقى الهي اتمنتو فيك💔واتعشمت بيهو.💔.ليه تكسرها وتبكيها وتدخلها في عالم م يعلم بيه الا ربنا💔بجد شعور الخزلان ده اسوء شي ياخ..✋
.. نرجعع لسمر😴
سمر دخلت الجامعه بي نسبه كويسه جدا.. عدت فتره صعبه وهي بعيده من مجد..نسبة لانها بتحبو..هم كانو مرتبطين قبل مجد يسافر بس بعد سافر انقطعو من بعض ومااعلنو عن انقطاع العلاقه .. مجد م كان بحبها بس كان بحاول يملا بيها الفراغ الجواهو.. سافر وبعدها حبى فرح ونسى سمر خالص بس هي لسه متعلقه بيه وبتحبو ومفكره انو علاقتهم زي م كانت لانو بعاملها كويس شديد ومحترمها زي اول✋.. شلتها مكونه من هديل وكريم..💜بقرو صيدله..ناس كيوت كده و حلوه ونيتها صافيه.. كريم زول ظريف طويل بشعر اسود كتير وتقويم ونظارات طبيه بتديهو طابع رسمي وهو عكس كده خالص😹💔✋. هديل دي انسانه رقيقه جدا وفي منتهى البرائه الفي قلبها على لسانها .. طولها مناسب وبشرتها فاتحه جسمها مقسم وبعيون واسعه ورموش كثيفه وصوت انثوي💜(💣قنبلة كياته متحركه😔💜)  وودي الشله الكريمه✋
زي الساعه 2 بليل سمر كانت قاعده في مرجيحه كبيره في الحديقه وسرحاانه .. جا مجد ضربها وقطع سرحانها وقعد.. _ الحلو سرحان وين🌚💜
_ ماففيي شي معين😹
_ بترعي في غنم ابليس يعني😹✋
_ حاجه زي كده.. مجد انا عايزه احككي ليك شي💔
_ كلي اذان صاغيه.. اتفضلي..🎶
سكتت سمر ..وكانها بتجمع في افكارها🚶🏽‍♀بعد م انت مشيت خليتني انا م كنت بقدر اكمل من غيركك ✨💔وخصيصا لما اخباركك اتقطعت وبقيت م بتسال😔 وسبتني افكر هل لقيت حبيبهه غيري 🚶🏽‍♀☁لقيت وحدهه تفهمكك اكتر مني⭐كنت بتعذب من غيركك وكنت محتاجه الحب بي قدر الامكان ✨☁حاولت انساكك بس بدون فايدهه" فجاء العبرهه خنقتها سكتت حبهه واخدت نفس عشان م تبكي" اتنحنح مجد ع اساس انا قاعد م تسكتي واصلي⚡ رفعت رأسها لي السماء  انا زي النجمهه الصغيرهه ديكك كانت ح تنطفيء لو م جاء الليل وانتشلها من الموت🚶🏽‍♀اول يوم لي في الجامعة كنت خايفهه شديد 😖 لانو مافي زول بعرفو فيها وعلى العلي كنت تعبانهه من انكك بعيد مني ☺كنت دايما شاغل بالي
عارف كنت بركز في دراستي عشانكك..😞 كنت اولة الدفعهه في  السمستر الاول😊عشانكك بس... 
كان عندي صحبتي اسمها ازدهار اتعرفت عليها اول يوم وبقت صحبتي شديد 💜 المهم في يوم عزمتني في مطعم قالت عشان النتيجهه الحلوهه 🚶🏽‍♀✨و ياريتني م مشيت... لقيت هناكك منتظرنا مجموعهه من الاولاد ومعاهم بنات
كان في واحد بقولو ليهه *"kj"* دهه كان زعيم الشلهه🔥 كان واحد طويل اسمر شعرو كثيف لابس فريم  يومها كان لابس تيشيرت اصفر مكتوب عليهه بالاسود و بنطلون جينز كحلي.. 🔥 قالت لي ازدهار تعالي نظبط الميك اب 🌝 مشينا سوى وقفت طلعت باودر من شنطتها وعملتها لي في وشي .. هي عملت شويه ميك اب وطلعنا ليهم.. قعدت في كرسي مقابل لرئيسهم كاان شكلو جذااب الصراحه يعني شخصيهه كدهه جمب البهايم المعاه😴..المهم عدت نص ساعه تقريبا والناس انشغلت بي الونسه وانا عشان م بعرفهم م اتونست مع زول لمن حسيت بي الملل مسكت تلفوني اول م فتحتو حسيت ب زول قعد جمبي.. رفعت راسي وعاينت ليه لقيتو *kj* ابتسمت ليهو مدا لي يدو مديت يدي بي هدوء لمن سلمت عليه ضغط على يدي شويه وانا حركه تلقائيه مني قلتت *ااه*  عشان يحس ويفك يدي البتشبه يد البيبي قدامو.. رفع لي حاجب واحد وعاين لي باستنكار وقال  _ اتوجعتي.. انا هزيت ليه راسي ب نعم _ م بتوجع ع فكره😕💔
_ اتوجعت
_ اه على العموم كنت جاي اتعرف عليك اكتر وو..قاطع كلامو واحد من اصحابو _ ي معلم كدي تعاال دقيقه😉
_ عن اذنك
قلت ليه اذنك معاك ومشى
شويه كده حسيت ب صدااع فظيعع ولفة رااس .. انتبهت لي ازدهار وجاتني _ سمرر .. ي بتت انتي كويسه
_ الحقيني.. انا شايفه سواد وبقيت ماسكه راسي ومدنقره.. هي طلعت من شنطتها شريط حبوب وادتني وحده وانا من درجة الالم بلعتها ولا عاينت ليها شنو اصلا..💔
بس بداء مشواري في الادمان من هناا..👋🏻
اليوم التاني  لما جيت داخلهه الجامعهه لقيت ازدهار مستنياني جنب الباب..ابتسمت ليها ودخلنا الجامعهه سوى😊 انا كنت تعبانهه شديد من امس وراسي كان واجعني شديد بي صورهه م طبيعيهه 😖 لما سلمت ع ازدهار حتى الصداع خف 🤤المهم اليوم عدا وانا م كنت قادرهه اركز في المحاضرات ولا افهم منها حاجهه😔 بعد طلعت من المحاضرهه حسيت بي صداع شديد مسكت راسي من الالم جات جنبي ازدهار
-ي بت مالكك الايام دي🌝
-م عارفهه  صداع فظيع ي😭 انا شويهه وكنت ح ابكي من الالم.. 💔
طلعت ازدهار شريط من شنطتها وادتني حبهه قالت لي ابلعي البندول دهه ح تتحسني☺ المهم فعلا بلعت الحبهه  وبعديها الصداع خف او بالاصح بقى مافي🚶🏽‍♀💔 ادتني من الشريط حبتين قالت لي اذا راسكك وجعكك اخديهم لانو مفعولو 8 ساعات وأنا ي مؤمن ي مصدق شلتهم ومشيت😭💔
دي الساعهه 3 كنا خلصنا محاضرات ومشيت بيتنا😞المهم دخلت البيت غيرت ملابسي وعملت لي شاي مسافةة م كرستينا تعمل الغداء.. زي الساعه خمسهه اتصلت علي اذدهار🚶🏽‍♀
-كيفكك ي حلوو
-اهلين ازدهار
-بقيتي كيف
-كويسهه والله
-عندنا بارتي بعدين جايهه؟!
-م بقدر اجي عندي امتحان لازم اقراء
فجاءهه ازدهار ضحكت ضحكهه عاليهه اهتزت معاها دواخل سمر واشمازت من ازدهار😖
-شنو شنو ي سمر تقري للامتحان؟! نسيت انت اولة الدفعه😹
صحي كدهه اللمى فاشلهه زيي كدهه مع اولة الدفعهه شنو؟!😹
-ازدهار انجزي عاوزهه اقرى🙄
-خلاص ي زولهه مع السلامهه م ازعجكك🔥
قفلت ازدهار الخط كنت بتشرب في الشاي بي مزاج وبقلب في الشيت بعد شويهه المغرب اذن قمت اتوضيت وصليت ورجعت اقراء😴لكن فجاءهه راسي وجعني شديد بلعت بندول م نفع😖المهم بعد غلبني اتذكرت المسكن الادتني ليهه ازدهار وقمت طلعتو من شنطتي وبلعت منو🔥وفعلا الصداع خفف😖و كانت المشكلهه هنا كان كل يوم الصداع بزيد وكنت بطلب من ازدهار تجيب لي المسكن لحد م بقى لي ادمان مستواي الدراسي اتراجع..  وبقيت من اولة الدفعهه بجيب مقبول💔 طبعا علاقتنا انا و *kj* اتطورت بقى اقرب زول لي في الشلهه واخر ونسه وضحكك وطلعات..  😞وفجاءهه حبيتو وهو كمان حباني او بالاصح كان بلعب علي..  انا كنت محتاجه لاي زول ينقذني من اني اغرق في بحر حبكك ي مجد لاني كنت واثقهه انو في غيري غيرتكك كدهه😊
م انت مجد الزمان م حصل شفتكك بتبتسم اول مرهه بتبتسم وتضحكك وتتفاعل معانا.. ✨💜 مبسوطهه عشانكك😞 عارف كمية الهدايا الجابها لي كان بجيب لي الحبوب من غير م ادفع قروش زي بقية الشله🤤 كان كل انواع الكوكاين بجيبها لي 😞ويوم يزعل مني بمنعني منها يومين وانا بموت وبحيا..  🔥بقيت عصبيه و بكسر اي حاجهه قدامي اي حاجهه حتى يرم اتشاكلت مع كرستينا عشان نظفت غرفتي انا كنت بموت انا رميت نفسي في الهااويه براي .. مشيت للجحيم برجليني.. انا ضعت من غيرك ي مجد💔(احتجتك شديد الوقت داك..)
الجمله دي تأثيرها كان قوي شديد على مجد كان كافيه بي انها تهز دواخلو وتشتت ثقتو بي نفسوو حسى بالذنب وضميرر انبو ..
**كسرهه
انا شخصيا لمن اتعود على زول بعتمد عليه في اي شي .. بعتمد عليهو في ضحكتي انا يعني اذا غاب كمان ضحكتي بتغيب معاهو ببقى انسانه هاديه وبطلع من طور الفرفشه والهظار ده💔يلاا الزول ده نحن في وقت بنكون في اشد الاحتياج ليهو.. لكن للاسف الخذلان لازم يتسلل جوانا وياكل حته مننا لازم الزول ده يغيب ويخلينا نواجه المصيبه النحن فيها برانا يمكن دي تكون نقطه كويسه لانو حنعتمد على نفسنا لحدي م نتخطى المصيبه بس المشكله انو ننكسر ونضعف ومانقدر نواجه شي من الصعوبات دي..يلا احب اقول ليكم نحن لاازم نعتمد على نفسنا لااازم بالجد نبدا نشد حيلنا ونقاوم برااناا.. ماف زول حيحس بي وجعنا غيرنا..ماف زول حينزف دم غيرنا .. الناس م بهمهم والله بس عايزين يعرفو انت مالك زعلان بس للاسف مهما عملو مابقدرو يوقفونا على حيلنا زي م نحن بنوقف نفسنا بنفسنا .. لي اي زول بقرا الكلام ده وهو مكسور.. م تعتمد على صحبك.. وماتعتمد على امك ولا حبك اعتمد على نفسك وربك وبس وديل هم الوحيدين الحاسين بيك وحينتشلوك من الحزن والحسره الانت فيهم.. اي نعم بقولو انهم مهتمين لامرك لكن والله كذابين ومنافقين كمان🙂..
💛💛💛💛💛💛💛💛💛💛💛