💔دايڨرجنت✨
💜البارت الرابع والعشرين 💜
بقلمنا: life Maker (بيرو💋..لينا💗توته✨لوزهه🐾🌸)
وها انا الان استقل باص الشؤم لاواجه الذي قمعني. اواجه ابي عذرا اظنه ابي لكن هيهات ان يفعل اب بابنته مافعله بي 💔مزقني اشلاء ونثرني فوق الطرقات💔اعتقد انني سأسامحك لاجلها نعم فقط ساسامحك لاجل امي فليس لي غيرها💔👋
غدوت الان في تلك القريه الصغيره. ي الله كم تألمني تلك الذكريات 💔ترابها ..طرقاتها.. بيوتها وحتى هوائها يخنقني ي الله .. ارجوك الطف بي انت فقط القادر على زوال المي فانقذني ي الله❤
.........
وصلت رزان لي هلاكها للاسف.. اصعب شي زول يغدر بيك .. والاصعب انو يكون قريب ليك.. قلبك بعتصر من الالم💔 وبتحس انو الدنياا دي بالجد بت ستين الف كلب وانو ماف شي واقف في صفك لا ناسك البتحبهم لا حظك ولا الحيااة ولا شي 💔.. من بعيد شافت بيتهم ..اتزكرت لمن ابوها قاليها لازم تتزوجيهو اتذكرت لمن صرخو في وجهها وقمعوها من رغباتها .. انتذكرت مساوء كتيره بس ده م اثناها من الصدمه وهي بتشوف صيوان من بعيد .. وطبعا هنا الافكار السوداء كلها بقت لافه في راسها.. _ امي .. امي م تمشي وانفجرت بي البكاء .. تمالكت نفسها ولملمت شتات روحهاا ومشت على البيت.. الناس كانت بتعاين ليها بعيون غريبه شديد.. هي م قدرت تفسرهاا مره كانت شفقه ومره نظرات تحير! م اهتمت هي.. دخلت بس على غرفت امها عشان تشوف جثمانهاا. وطبعا هي خلاص ايقنت بي انو امها اتوفت ومااعارفه المنتظرها و المستخبي عليها 💔.. فجاه مسكتها يدين فولاذيه وماوعت الا على نفسها وهي في غرفتها ومجهزه وممكيجه ولابسه احلى توب .. م كانت عارفه تعبر اللحظه ديك💔بقت بتساال في نفسها الحاصل شنو ي ربي . ده شنو! انا ليه لابسه كده؟؟!! ده شنو الصداع الفظيع ده.. قطع حبل افكارها صوت الرصاص والزغاريد والفرح .. دخلت عليها مرت عمها في الغرفه .. _ مبروك ي رزان موكب عرسك وصل و زووجكك يا يمه راجل السرور والهنا وما حيخليك تحتاجي حاجهه الله فاتحه عليهو بس ما تنسينا من الخيراات دي ❤...
...في اللحظة دي رزان حست انوو الدنياا بدور عليها وحست بكل الكره الفي حياتها لي اهلها ولي حظها وقدرها الرماها في هوااية ذي دي اتمنت انو يكون كابوس وتصحه وتلقى عمتهها الحنونه وبت عمتها جمبها لكن هيهاات انو البنتمنى يحصل
وجات مرت عمها عليها باستها في رااسها وقمتها من السرير وودتها برا.. هي كانت زي المخدره.. كانو ده م عالمها.. اثار الصدمه كانت شديده عليها💔اتلمو عليها الناس وعلت اصوات المباركات وهي بس ساكته وبتعاين ليهم حتى م فتحت خشمها.. الناس بعدت شويه شويه وبقت سامعه اصواتهم طشاش .. جاتها مرت عمها _ يلا ي رزان زوجك جاي عشان ياخدك قومي بدلي ملابسك دي.. هي مازالت مواصله في صمتها .. ساقتهاا مرت عمها وقعدتها في الغرفه وطلعت وقفلت الباب . هنا يادوب هي وعت للحاصل
. وعت انو تم زواجها وزفتهاا خلاص وانو كل وعود ابوها انو يطلقها من رااجلها دا كانت كذب وكده بقت متزوجه .. (لماذا.. مالذي يفعلونه الان.. الم اشكل لهم فرقا ليبيعوني بهذا الثمن البخس.. بماذا كنت اضرهم ليفرحو لحزني هكذا. اقسم انني لم ارد السوء لاي منهم .. لماذا كل هذا الحقد ي تراه .. لماذا الكراهية واللون الرمادي.. لماذا !! والان .. الان للاسف وداعآ للحلام وداعآ للطموحات فليذهب الكل للجحيم💔.*رزان* ) اخدت نفس وصرخت باعلى حس عندها. كانت بتصرخ وتبكي وتضرب في الباب بي كل قوتها بس للاسف مافي زول كان برد عليها.. يئست خلاص من الدنياا وقرفت من الناس من اصواتهم وضحكهم وكل شي.. احتاجت زول يقيف جمبها اللحظات دي..هي بس كانت محتاجه زول يقول ليها انا جمبك وكل شي حيكون بخير بس للاسف ماف ولا يد اتمدت ليها💔👋. قررت تنتحر وتفارق الدنيا وده كان اهون عليها من البحصل.. واثناء م هي بتفتش في اله حاده او شي ينهي حياتها.. الباب فتح .. جاها ابوها مبتسم _ مبروووك ي بتي تتهني ي رب .. وماتحرمينا من العز الحتبقي فيهو انا م معرس ليك ساي فاهمه😏
_ انت. انت كيف عملت كده.. انت كيف رميتني زي الكاني م بتك .. زي الكانو لقيتني في الشارع! انت بتعمل كده ليه
_ باالواضح.. عشاان القروش.. ايي قروش راجلك ده عندو قروش زي التراب ي بت .. عايزاني اصرف عليكم من وين انا .. وانتي تقعدي لي عشان تقري تقري ليها شنو القرو عملو شنو. اصلا اي بت نهايتها بيت راجلها اختصري المشوار وماتفقديني قروش ساي انا م عندي..
... هنا رزان انهارت ووقعت في الارض وفضلت تئن بصوت منخفض.. اخدوها في لمح البصر وهي زي الجثه وركبوها عربية راجلها .. هي حتى م حاسه على البحصل ليها بس اتوكلت على ربناا وسكتت 💔
أنت تقرأ
💔دايڤرجنت✨
Diversosنحنا المره دي جيناا بي رواية غير ودايرين نوضح شي حااجة بقت منتشرة بي شدة وعااوزين ننتقد تفكير مجتمعناا اي ننتقد 🙂✨لانو الوضع بقاا ما محتمل الولد يغلط والبت تتحاسب الولد يكسر والبت تتلام 🤦🏻♀مجتمع متخلف شرقي مجتمع الزول عندوو قروش هو الصح حتي لو ه...
