اقتباس حزين
طالعتها بنظرة متفحصة لبرهه،لتتنهد تنهيدة تحمل بداخلها طيات ماضي اليم وطفولة ضائعة،وحرمان من حنان الام والاب وقالت:
- مشكلتي اني اتولدت بنت بس
طالعتها هدي باستغراب وقالت:
- بس!!؟
اكملت حديثها قائلة وهي تهز رأسها مؤيدة لحديثها:
- ايوه،اتولدت بنت في بيت بيكره البنات،كانهم عايشين في العصر الجاهلي،شايفينهم عار،لازم يتدفنوا صاحيين،بيجيبو النحس،ملهومش لازمة
لتتابع ودموعها قد اخذت مجراها:
- انا استحملت كتير اوي،ذل وقهر محدش يتوقعه،من ضرب وتهزيق وحرمان من كل حاجه،حتي حرمان من طفولتي،طفولتي اللي معيشتهاش،وفي الاخر كانوا عايزين يجوزوني واحد كبير بالعافية...هربت هربت ومقدرتش
لتزداد شهقاتها بقوه وهي تهز راسها بعنف قائلة:
- مقدرتش مقدرتش،مقدرتش اني اضيع عمري اللي جاي زي ما ضيعت طفولتي وشبابي،علي طول كنت محبوسه في البيت،كل اللي بعمله بخدم بس من غير ولا حرف،مش هقدر مش هقدر
لتتأوه ليس الما جسدي بل الم قلب محطم،لم تستطع هدي فعل شئ سوي انها اخذتها بين احضانها وهطلت دموعها هي الاخري شفقة علي تلك الصغيرة،ما عانته ليس بالهين ابداً
تابعت رغد حديثها وهي تتشبث باحضان هدي كانها وجدت ملجأها:
-ليه بيحصلي كده،مش ذنبي اني بنت، ماليش ذنب والله ماليا ذنب آه
#لست_عارا
