في سؤال مشهور عند أغلب البنات ☺
علي فكرة مش باللبس ؟ 👗 علي فكرة مش بالحجاب ؟👘علي فكرة مش بالظاهر ؟ 👚
أومال بأية بقي ؟!
حضرتك الأهم الأخلاق أهم حاجة اللي جوة , وعلي فكرة بقي مش باللبس خالص وبجد اللبس مش مقياس أبداً , بتبقي محجبة ومتعرفش بتعمل اية الله أعلم بيها * هتشيل مدافع في العباية ولا اية * 😂 وكمان لابسينة غلط !
وأنا أهو من غير حجاب وأخلاقي تمام وزي الفل والكل بيشكر بيا وسبعتلاف واحد يتمناني !
أه قولتيلي !
طيب أتكلم بقي , بصي حضرتك أنتي لو رايحة مثلا تقدمي في شركة كبيرة , علي وظيفة الكل بيحلم بيها ومرتبها عالي جداً وحلو أوي وأن الشركة دي حلم من أحلامك , وعملتي أنترفيو مع المدير صاحب الشركة وقالك من شروط الشركة :-
1) أنك هتيجي من الساعة 7 صباحاً الي 9 مساءً
2) وأنك ترتبي أول حاجة المكتب اللي هتبقي فية
3) وأنك تشتغلي أزاي
لو حضرتك بقي في البيت معترضين علي الوقت اللي هترجعي فية وأنتي متأكدة مليون % من دا , هتقدري تقولي متأسفة يا فندم الوقت صعب عليا أوي ومش هقدر ! 😉
أصل لو قولتي كدا قولتي أسفة , هيقولك وأنا كمان أسف يا فندم دي شروط الشركة
وشكراً كدا بالسلامة علي الوظيفة !
ولله المثل الأعلى ☝
ربنا وضع شروط وقواعد أساسية في القرآن الكريم ومن ضمن الشروط #الحجاب .. أيوة متستغربيش الحجاب فرض .. زي الصلاة كدا
أمر من الله عز وجل :- ( وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ )
يبقي من الأدب مع الله أن الله يضع قاعدة أساسية (( الحجاب )) وأنتي تقولي أسفة بس هي مش بالحجاب ! 😐
عايز أفهمك نقطة مهمة جداً :-
أنك بتلبسي ضيق دا مش بيديكي رخصة أنك ماتلبسيش حجاب , أنتي ممكن تتوبي من دلوقتي , قولي كدا بعد لما شوفتي الكلام دا وعرفتي أن الحجاب فرض قولي أنا هنزل أشتري جلباب واسع وطرحة طويلة ترضي الله تبارك وتعالي , وكل اللبس اللي عندك دا أبقي ألبسية في بيتك لكن لما تخرجي أو لما تصلي صلي بالحجاب الشرعي الكامل 👍
وكمان هتتحاسبي علي عملك دا لو أستمريتي فية محدش هيتحاسب معاكي , اللي كان في الدنيا بيسقفلك ويقولك لبسك دا حلو وشيك وأنتي طالعة فية زي القمر مش هيجيوا يوم القيامة يتحاسبوا معاكي ولا هيدوكي حسنة واحدة بس حتي باباكي أو مامتك 😢
وجهي نفسك , لأنك بتبرري غلط وفاكرة نفسك صح وشايفة أن مش بالحجاب والحجاب دا لبس معقد ومخنق !
وأفرضي لو شوفتي محجبات أخلاقهم مش كويسة ولو شوفتي محجبات لابسينة غلط !
ألبسي أنتي الحجاب الصح ووريهم زي أمهات المؤمنين وأمشي في الشارع كل الشارع هيحترمك وهيبصلك بصة رضا دا غير طبعا قبل كل دا ربنا هيكون راضي عنك ❤
والموضوع عامل زي معادلة :- ( حجاب + أخلاق = رضا الله )
