السلام عليكم ورحمه الله وبركاته يا حبايب♥🌎♥ عايزه اتكلم معاكم في موضوع مهم جدا عند البنات شوفي يا جميله انتي وهي مافيش شريك حياه كامل الاوصاف ومتفصل علي مزاجك هتاخديه عملي هيبقا غبي عاطفياً ومابيديش مشاعر هتاخديه مقفل ومابيفهمش في التعامل مع الستات هيتعامل معاكي بجليطه وقلة ذوق هتاخديه مدردح ومقطع السمكه وديلها هيجننك بالعلاقات مع الاخريات😉 هتاخديه طموح وشاطر في شغله هيبقى معندوش وقت ليكي هتاخديه مش طموح ومش شاطر في شغله مستواكم المادي مش هيتحسن هتاخديه شاطر في شغل البيت هتلاقيه ييعدل عليكي في كل صغيرة وكبيرة هتاخديه مالوش في شغل البيت هتشتكي من انه مش بيساعدك مهما كونتي مطحونه
اقسم بالله يا بنات مفيش راجل تفصيل والله العظيم كل الي موجود في السوق جاهز🤦♀😹ومافيش شريك هتاخديه تعدليه علي مزاجك لانه مش بيتقصر او بيضيق او بيتوسع علي مزاجك البنت الي سعيده في حياته هي الي فاهمه الموضوع ده كويس وعارفه تتعامل علي الاساس ده هي الي بتكون راضيه بما قسمه الله ليها هي الراضيه السعيده الي بتعرف تركز على الموجود وتسعد بيه ومابتسمحش لنفسه أنها تحزن علي المفقود كل واحد لي مميزاته وعيوبه حتي السمات الي كلنا مجمعين على انها حلوه ممكن تكون سلييه عند البعض افهموا الواقع واتعملوا معاه صح يا بنات كل انسان فيه مميزات وعيوب والكمال الي كل المواصفات الحلوه مش موجود اسأل الله العظيم رب العرش العظيم ان يرزوق كل بنوته الصلاح والتقوى والقناعه♥♥☺
السلام عليكم ورحمه الله وبركاته 💕
#ست البنات 🤗🌏💚😻👑
